ಮುಂದಿನ ತಲೆಮಾರಿನ ಮೈಕ್ರಾ - ಇದುವೇ ನಿಸ್ಸಾನ್ 'ಸ್ವೇ'

ನಿಸ್ಸಾನ್ ಮೈಕ್ರಾ ಭಾರತ ಮಾರುಕಟ್ಟೆಯಲ್ಲಿ ಈಗಾಗಲೇ ಮಾರಾಟದಲ್ಲಿದೆ. ಹಾಗಿರುವಾಗ ಜಪಾನ್ ಮೂಲದ ಈ ಪ್ರಖ್ಯಾತ ಸಂಸ್ಥೆಯು ಮುಂದಿನ ತಲೆಮಾರಿನ ನಿಸ್ಸಾನ್ ಮೈಕ್ರಾ ಮಾದರಿಯನ್ನು ಪರಿಚಯಿಸಿದೆ.

2015 ಮಾರ್ಚ್ 5ರಿಂದ 15ರ ವರೆಗೆ ಸಾಗಲಿರುವ 85ನೇ ಆವೃತ್ತಿಯ ಜಿನೆವಾ ಮೋಟಾರು ಶೋದಲ್ಲಿ ನಿಸ್ಸಾನ್ ಮೈಕ್ರಾ ಮುಂದಿನ ತಲೆಮಾರಿನ ಮಾದರಿಯು ಅನಾವರಣಗೊಳ್ಳಲಿದೆ. ಇದು 'ಸ್ವೇ' ಎಂಬ ಅಕ್ಕರೆಯ ಹೆಸರಿನಿಂದ ಅರಿಯಲ್ಪಡಲಿದೆ.

ಚಿತ್ರದಲ್ಲಿ ನೀವು ನೋಡುತ್ತಿರುವಂತೆಯೇ ಡೇ ಟೈಮ್ ರನ್ನಿಂಗ್ ಲೈಟ್ಸ್ ಹೆಚ್ಚು ತೀಕ್ಷ್ಣವಾದ ವಿನ್ಯಾಸ ಪಡೆದುಕೊಂಡಿದೆ. ಹಾಗೆಯೇ ಇದರ ಸಿಗ್ನೇಚರ್ ಗ್ರಿಲ್ ಹೆಚ್ಚು ದಿಟ್ಟತವನ್ನು ತೋರಿಸುತ್ತಿದೆ. ಹಾಗಿದ್ದರೂ ಮುಂದಿನ ವರ್ಷವಷ್ಟೇ ಈ ಬಹುನಿರೀಕ್ಷಿತ ಮಾದರಿ ಮಾರುಕಟ್ಟೆಗೆ ಅಪ್ಪಳಿಸುವ ನಿರೀಕ್ಷೆಯಿದೆ.