ಪೆಟ್ರೋಲ್ ಹಾಗೂ ಡೀಸೆಲ್ ಬೆಲೆಯಲ್ಲಿ ಇಳಿಕೆ

By Nagaraja

Published: Wednesday, December 16, 2015, 10:49 [IST]

ಜಾಗತಿಕ ಕಚ್ಚಾ ತೈಲ ಮಾರುಕಟ್ಟೆಯಲ್ಲಿ ಬೆಲೆ ಇಳಿಕೆಗೊಂಡಿರುವ ಹಿನ್ನೆಲೆಯಲ್ಲಿ ದೇಶದಲ್ಲಿ ಪೆಟ್ರೋಲ್ ಹಾಗೂ ಡೀಸೆಲ್ ಬೆಲೆಗಳು ಇಳಿಕೆಗೊಂಡಿದೆ.

ಪೆಟ್ರೋಲ್ ಬೆಲೆ 50 ಪೈಸೆ ಇಳಿಕೆ
ಡೀಸೆಲೆ ಬೆಲೆ 46 ಪೈಸೆ ಇಳಿಕೆ

ನೂತನ ಬೆಲೆಯು ಡಿಸೆಂಬರ್ 15 ಮಂಗಳವಾರ ಮಧ್ಯರಾತ್ರಿಯಿಂದಲೇ ಅನ್ವಯವಾಗಿದೆ. ಹೊಸ ದರದಂತೆ ರಾಷ್ಟ್ರ ರಾಜಧಾನಿ ದೆಹಲಿಯಲ್ಲಿ ಪೆಟ್ರೋಲ್ ಬೆಲೆ 60 ರುಪಾಯಿಗಿಂತಲೂ ಇಳಿಕೆ ಕಂಡಿದೆ. ದಹೆಲಿಯಲ್ಲಿ ಪೆಟ್ರೋಲ್ ಹಾಗೂ ಡೀಸೆಲ್ ಅನುಕ್ರಮವಾಗಿ 59.98 ರು. ಹಾಗೂ 46.09 ರು.ಗಳಾಗಿರಲಿದೆ.

ಈ ಮೂಲಕ ಕಳೆದ 15 ದಿನಗಳೆಡೆ ಎರಡನೇ ಬಾರಿಗೆ ಇಂಧನ ಬೆಲೆಗಳಲ್ಲಿ ಇಳಿಕೆ ಕಂಡುಬಂದಿದೆ. ಈ ಮೊದಲು ಡಿಸೆಂಬರ್ 1ರಂದು ಪೆಟ್ರೋಲ್ ಹಾಗೂ ಡೀಸೆಲ್ ಬೆಲೆಯಲ್ಲಿ ಅನುಕ್ರಮವಾಗಿ 58 ಹಾಗೂ 25 ಪೈಸೆಗಳಷ್ಟು ಇಳಿಕೆಯಾಗಿತ್ತು.

ಅಂತರಾಷ್ಟ್ರೀಯ ಕಚ್ಚಾ ತೈಲ ಬೆಲೆಯನ್ನು ಅವಲಂಬಿಸಿ ಪ್ರತಿ 15 ದಿನಕ್ಕೊಮ್ಮೆ ದೇಶದ ತೈಲದ್ಯೋಮ ಸಂಸ್ಥೆಗಳು ಪೆಟ್ರೋಲ್ ಹಾಗೂ ಡೀಸೆಲ್ ಬೆಲೆ ನೀತಿಯನ್ನು ಪ್ರಕಟಿಸುತ್ತಿದೆ.