2015 ಮೇ ತಿಂಗಳಲ್ಲಿ ರೇಸ್ ಗೆದ್ದ ಅಗ್ರ 10 ಕಾರುಗಳಿವು!

10. ಹ್ಯುಂಡೈ ಎಕ್ಸ್‌ಸೆಂಟ್

ಒಟ್ಟು ಮಾರಾಟ: 4871 ಯುನಿಟ್

ಎಕ್ಸ್‌ಸೆಂಟ್ ಕಾರು ದಕ್ಷಿಣ ಕೊರಿಯಾ ಮೂಲದ ಹ್ಯುಂಡೈ ಸಂಸ್ಥೆಯಿಂದ ಮಾರಾಟವಾಗುತ್ತಿರುವ ಕಾಂಪಾಕ್ಟ್ ಸೆಡಾನ್ ಮಾದರಿಯಾಗಿದೆ. ಇದರ ಪ್ರಮುಖ ಎದುರಾಳಿ ಮಾರುತಿ ಸ್ವಿಫ್ಟ್ ಡಿಜೈರ್ ಹಾಗೂ ಹೋಂಡಾ ಅಮೇಜ್ ಆಗಿದೆ.

09. ಹ್ಯುಂಡೈ ಇಯಾನ್

ಒಟ್ಟು ಮಾರಾಟ: 6449 ಯುನಿಟ್

ದಕ್ಷಿಣ ಕೊರಿಯಾ ಮೂಲದ ಹ್ಯುಂಡೈನಿಂದಲೇ ಮಾರಾಟವಾಗುತ್ತಿರುವ ಎಂಟ್ರಿ ಲೆವೆಲ್ ಕಾರು ಇದಾಗಿದೆ. ಸಣ್ಣ ಕಾರು ವಿಭಾಗದಲ್ಲಿ ಅಗ್ರ 10ರ ಪಟ್ಟಿಯಲ್ಲಿ ಕಾಣಿಸಿಕೊಂಡಿರುವ ಇಯಾನ್ ಜನ ಮೆಚ್ಚುಗೆಗೆ ಪಾತ್ರವಾಗಿದೆ.

08. ಮಾರುತಿ ಸೆಲೆರಿಯೊ

ಒಟ್ಟು ಮಾರಾಟ: 6653 ಯುನಿಟ್

ಮಾರುತಿ ಸೆಲೆರಿಯೊ ಡೀಸೆಲ್ ಆವೃತ್ತಿ ಬಿಡುಗಡೆಯಾಗಿರುವುದರ ಬಗ್ಗೆ ನಾವೀಗಷ್ಟೇ ವರದಿ ಮಾಡಿರುತ್ತೇವೆ []. ಈಗಾಗಲೇ ಪೆಟ್ರೋಲ್ ಎಎಂಟಿ ಹಾಗೂ ಸಿಎನ್ ಜಿ ವರ್ಷನ್ ಗಳಲ್ಲಿ ಲಭ್ಯವಿರುವ ಸೆಲೆರಿಯೊ ತನ್ನ ಛಾಪನ್ನು ಒತ್ತಿದೆ.

07. ಹೋಂಡಾ ಸಿಟಿ

ಒಟ್ಟು ಮಾರಾಟ: 7562 ಯುನಿಟ್

ಸಿಟಿ ಪ್ರಸ್ತುತ ಪಟ್ಟಿಯಲ್ಲಿ ಸ್ಥಾನ ಪಡೆದಿರುವ ಏಕಮಾತ್ರ ಹೋಂಡಾ ಕಾರಾಗಿದೆ. ಮಾರುತಿ ಸಿಯಾಝ್‌ಗೆ ನೇರ ಪ್ರತಿಸ್ಪರ್ಧಿಯಾಗಿರುವ ಮಧ್ಯಮ ಗಾತ್ರದ ಸಿಟಿ ಸೆಡಾನ್ ಕಾರು ಎಲ್ಲ ಹಂತದಲ್ಲೂ ಗುಣಮಟ್ಟವನ್ನು ಕಾಯ್ದುಕೊಂಡಿದೆ.

06. ಎಲೈಟ್ ಐ20

ಒಟ್ಟು ಮಾರಾಟ: 8469 ಯುನಿಟ್

ಆರನೇ ಸ್ಥಾನವನ್ನು ಮಗದೊಂದು ಹ್ಯುಂಡೈ ಕಾರು ಕಸಿದುಕೊಂಡಿದ್ದು, ಎಲೈಟ್ ಐ20 ಅತ್ಯುತ್ತಮ ಮಾರಾಟ ಕಾಪಾಡಿಕೊಳ್ಳಲು ಯಶಸ್ವಿಯಾಗಿದೆ. ನಿಮ್ಮ ಮಾಹಿತಿಗಾಗಿ, ಎಲೈಟ್ ಐ20, ಪ್ರೀಮಿಯಂ ಹ್ಯಾಚ್ ಬ್ಯಾಕ್ ಕಾರಾಗಿದೆ.

05. ಗ್ರಾಂಡ್ ಐ10

ಒಟ್ಟು ಮಾರಾಟ: 10112 ಯುನಿಟ್

ಹ್ಯುಂಡೈ ಓಟ ಇಲ್ಲಿಗೆ ನಿಲ್ಲುವುದಿಲ್ಲ. ಈಗಾಗಲೇ ನಂ.1 ಸ್ಥಾನದಲ್ಲಿರುವ ಮಾರುತಿಗೆ ಬೆದರಿಕೆಯೊಡ್ಡಿರುವ ಹ್ಯುಂಡೈನ ಗ್ರಾಂಡ್ ಐ10 ಐದನೇ ಸ್ಥಾನದಲ್ಲಿ ಗುರುತಿಸಿಕೊಳ್ಳುವ ಸ್ಪಷ್ಟ ಸಂದೇಶವನ್ನು ರವಾನಿಸಿದೆ.

04. ವ್ಯಾಗನಾರ್

ಒಟ್ಟು ಮಾರಾಟ: 12467 ಯುನಿಟ್

ಆದರೆ ಹಿಂದಿನ ಬಾರಿಯಂತೆ ಅಗ್ರ ನಾಲ್ಕು ಸ್ಥಾನಗಳನ್ನು ದೇಶದ ನಂ.1 ಪ್ರಯಾಣಿಕ ಸಂಸ್ಥೆ ಮಾರುತಿ ಸುಜುಕಿ ಭದ್ರವಾಗಿರಿಸಿಕೊಂಡಿದೆ. ಈ ಪೈಕಿ 'ಟಾಲ್ ಬಾಯ್' ವಿನ್ಯಾಸಿತ ವ್ಯಾಗನಾರ್ ನಾಲ್ಕನೇ ಸ್ಥಾನದಲ್ಲಿದೆ.

03. ಸ್ವಿಫ್ಟ್

ಒಟ್ಟು ಮಾರಾಟ: 17,195 ಯುನಿಟ್

ಇತ್ತೀಚೆಗಷ್ಟೇ ಮಾರುತಿ ಸುಜುಕಿ ಪರಿಷ್ಕೃತ ಆವೃತ್ತಿ ಬಿಡುಗಡೆಗೊಂಡಿತ್ತು. ಇವೆಲ್ಲದರ ನೆರವಿನೊಂದಿಗೆ ತನ್ನ ಜನಪ್ರಿಯತೆಯನ್ನು ಉಳಿಸಿಕೊಂಡಿರುವ ಸ್ವಿಫ್ಟ್ ಮೂರನೇ ಸ್ಥಾನದಲ್ಲಿ ಕಾಣಿಸಿಕೊಂಡಿದೆ.

02. ಸ್ವಿಫ್ಟ್ ಡಿಜೈರ್

ಒಟ್ಟು ಮಾರಾಟ: 19663 ಯುನಿಟ್

ಅದೇನೋ ಮಾಯೆ ಅಂಥ ಗೊತ್ತಿಲ್ಲ. ಪ್ರತಿ ತಿಂಗಳಲ್ಲೂ ಸ್ಥಿರತೆಯ ಮಾರಾಟ ಕಾಯ್ದುಕೊಂಡಿರುವ ಸ್ವಿಫ್ಟ್ ಡಿಜೈರ್ ಮಾರುತಿ ಪಾಲಿಗೆ ನೆಚ್ಚಿನ ಕಾರುಗಳಲ್ಲಿ ಒಂದೆನಿಸಿಕೊಂಡಿದೆ. ಅಲ್ಲದೆ ಮಾರಾಟದ ವಿಚಾರದಲ್ಲೂ ಇದು ಪ್ರತಿಫಲಿಸುತ್ತಿದೆ.

01. ಆಲ್ಟೊ

ಒಟ್ಟು ಮಾರಾಟ: 22,595 ಯುನಿಟ್

ಸದ್ಯಕ್ಕಂತೂ ಮಾರುತಿ ಅಗ್ರಸ್ಥಾನಕ್ಕೆ ಯಾವುದೇ ಧಕ್ಕೆಯುಂಟಾಗಲ್ಲ ಎಂಬುದು ಖಚಿತವೆನಿಸಿದೆ. ದೇಶದ ಮಧ್ಯಮ ವರ್ಗದ ಜನರ ಜನಪ್ರಿಯ ಮಾದರಿ ಎಂಬ ಪಟ್ಟವನ್ನು ಉಳಿಸಿಕೊಂಡಿರುವ ಆಲ್ಟೊ ಸರ್ವಕಾಲಿಕ ಶ್ರೇಷ್ಠ ಕಾರೆನಿಸಿಕೊಂಡಿದೆ.