ಹೊಸ ಸ್ಕೋಡಾ ರಾಪಿಡ್ ಆಗಮನಕ್ಕೆ ವೇದಿಕೆ ಸಿದ್ಧ

ಮಧ್ಯಮ ವರ್ಗದ ಸೆಡಾನ್ ಕಾರು ವಿಭಾಗದಲ್ಲಿ ಸ್ಕೋಡಾ ತನ್ನದೇ ಆದ ಮಾರಾಟ ವಲಯವನ್ನು ಕಾಪಾಡಿಕೊಂಡಿದೆ.

By Nagaraja

Published: Tuesday, October 25, 2016, 17:59 [IST]

ಹೊಸ ಸ್ಕೋಡಾ ರಾಪಿಡ್ ಆಗಮನಕ್ಕೆ ವೇದಿಕೆ ಸಿದ್ಧಗೊಂಡಿದೆ. ಜರ್ಮನಿಯ ಮೂಲದ ಫೋಕ್ಸ್ ವ್ಯಾಗನ್ ಭಾಗವಾಗಿರುವ ಸ್ಕೋಡಾ ಪರಿಷ್ಕೃತ ರೂಪವನ್ನು ಪಡೆದುಕೊಳ್ಳುತ್ತಿದ್ದು, ಹೊಸ ರಾಪಿಡ್ ಕಾರು 2016 ನವೆಂಬರ್ 03ರಂದು ಬಿಡುಗಡೆ ಭಾಗ್ಯ ಕಾಣಲಿದೆ. ವಿನ್ಯಾಸ ಹಾಗೂ ಗುಣಮಟ್ಟದಲ್ಲಿ ಯಾವುದೇ ರಾಜಿಗೂ ತಯಾರಾಗದ 2017 ಸ್ಕೋಡಾ ರಾಪಿಡ್ ಗಮನಾರ್ಹ ವೈಶಿಷ್ಟ್ಯಗಳನ್ನು ಪಡೆದುಕೊಳ್ಳಲಿದೆ.

ಕಾರಿನ ಮುಂಭಾಗದಲ್ಲಿ ಪ್ರಮುಖವಾಗಿಯೂ ಬದಲಾವಣೆ ಕಂಡುಬಂದಿದ್ದು, ಯುರೋಪ್ ರಾಪಿಡ್ ಹಾಗೂ ಈಗಿನ ಫ್ಯಾಬಿಯಾದಿಂದ ಪ್ರೇರಣೆ ಪಡೆದುಕೊಂಡಿದೆ.

ಹೆಚ್ಚು ತೀಕ್ಷ್ಣವಾದ ಫ್ರಂಟ್ ಗ್ರಿಲ್, ಪ್ರೊಜೆಕ್ಟರ್ ಹೆಡ್ ಲ್ಯಾಂಪ್ ಹಾಗೂ ಡೇಟೈಮ್ ರನ್ನಿಂಗ್ ಲೈಟ್ಸ್ ಸೇವೆಯಿರಲಿದೆ.

ಒಕ್ಟಾವಿಯಾಗೆ ಸಮಾನವಾದ ಬಂಪರ್, ದೊಡ್ಡದಾದ ಫಾಂಗ್ ಲ್ಯಾಂಪ್, ಬಲೆಯಂಥಹ ಏರ್ ಇಂಟೇಕ್ ಇದರಲ್ಲಿರಲಿದೆ. ಹಿಂದುಗಡೆಯೂ ಪರಿಷ್ಕೃತ ಬಂಪರ್ ಹಾಗೂ ಟೈಲ್ ಲ್ಯಾಂಪ್ ಕಾಣಬಹುದಾಗಿದೆ.

ಕಾರಿನೊಳಗೆ ಡ್ಯುಯಲ್ ಟೋನ್ ಬ್ಲ್ಯಾಕ್ ಮತ್ತು ಬೀಜ್ ಬಣ್ಣದ ಆಯ್ಕೆಯನ್ನು ಕೊಡಲಾಗಿದೆ. ಹಾಗಿದ್ದರೂ ಡ್ಯಾಶ್ ಬೋರ್ಡ್ ವಿನ್ಯಾಸ ಹಾಗೂ ಆಸನ ವ್ಯವಸ್ಥೆಗಳಲ್ಲಿ ಹೆಚ್ಚಿನ ಬದಲಾವಣೆಗಳು ಕಂಡುಬಂದಿಲ್ಲ.

ನೂತನ ಸ್ಕೋಡಾ ರಾಪಿಡ್ ಟಚ್ ಸ್ಕ್ರೀನ್ ಇನ್ಪೋಟೈನ್ಮೆಂಟ್ ಸಿಸ್ಟಂ ಜೊತೆ ಮಿರರ್ ಲಿಂಕ್, ಬ್ಲೂಟೂತ್ ಸಪೋರ್ಟ್, ಜಿಪಿಎಸ್ ನೇವಿಗೇಷನ್ ಮತ್ತು ರಿವರ್ಸ್ ಕ್ಯಾಮೆರಾ ಸೌಲಭ್ಯಗಳನ್ನು ಪಡೆಯಲಿದೆ.