ಜಾಝ್ ರೇಸಿಂಗ್ ಕಾನ್ಸೆಪ್ಟ್‌ನೊಂದಿಗೆ ಮೈನೆರೆದ ಹೋಂಡಾ

ನಿಮ್ಮ ಮಾಹಿತಿಗಾಗಿ, ಹೋಂಡಾ ಜಾಝ್ ರೇಸಿಂಗ್ ಕಾನ್ಸೆಪ್ಟ್ ಇದೀಗ ಸಂಸ್ಥೆಯ ಘಟಕದಲ್ಲಿ ಅಧ್ಯಯನ ಮತ್ತು ಅಭಿವೃದ್ಧಿ ಹಂತದಲ್ಲಿದೆ.

ಭಾರತದಲ್ಲಿ ನೆಲೆಗೊಂಡಿರುವ ಹೋಂಡಾದ ಆರ್ ಆಂಡ್ ಡಿ ಅಥವಾ ಅಧ್ಯಯನ ಮತ್ತು ಅಭಿವೃದ್ಧಿ ತಂಡವು ಇದನ್ನು ತಯಾರಿಸಲಿದೆ.

ರೇಸ್ ಕಾರಿಗೆ ಬೇಕಾದ ಎಲ್ಲ ವೈಶಿಷ್ಟ್ಯಗಳನ್ನು ಹೋಂಡಾ ರೇಸಿಂಗ್ ಕಾನ್ಸಪ್ಟ್ ಪಡೆದಿದೆ. ಇದು ವಿಶಿಷ್ಟ ಬಾಡಿ ಕಿಟ್, ಫ್ರಂಟ್ ಬಂಪರ್, ಗ್ರಾಫಿಕ್ಸ್, ರಿಕಾರೊ ಬಕೆಟ್ ಸೀಟುಗಳು ಮುಂತಾದ ವ್ಯವಸ್ಥೆಗಳಿರಲಿದೆ.

ಹಾಗಿದ್ದರೂ ಎಂಜಿನ್ ತಾಂತ್ರಿಕತೆಗಳ ಬಗ್ಗೆ ವಿವರಗಳು ಬಹಿರಂಗವಾಗಿಲ್ಲ. ಸಾಮಾನ್ಯ ಜಾಝ್ 1.5 ಲೀಟರ್ ಐ ಡಿಟೆಕ್ ಎಂಜಿನ್ 99 ಅಶ್ವಶಕ್ತಿಯನ್ನು ಉತ್ಪಾದಿಸುತ್ತಿದ್ದು, 6 ಸ್ಪೀಡ್ ಮ್ಯಾನುವಲ್ ಗೇರ್ ಬಾಕ್ಸ್ ಇರಲಿದೆ. ಅಂತೆಯೇ 1.2 ಲೀಟರ್ ಪೆಟ್ರೋಲ್ ಐ ವಿಟೆಕ್ ಎಂಜಿನ್ 90 ಅಶ್ವಶಕ್ತಿಯನ್ನು ಉತ್ಪಾದಿಸುತ್ತದೆ. ಇದು 5 ಸ್ಪೀಡ್ ಮ್ಯಾನುವಲ್ ಅಥವಾ ಸಿಟಿವಿ ಆಟೋಮ್ಯಾಟಿಕ್ ಗೇರ್ ಬಾಕ್ಸ್ ಪಡೆದಿರಲಿದೆ.

ಇನ್ನುಳಿದಂತೆ ಬ್ರಿಡ್ಜ್ ಸ್ಟೋನ್ ಪೊಟೆನ್ಜಾ ರೇಸಿಂಗ್ ಚಕ್ರಗಳು, 5 ಸ್ಪೋಕ್ ಅಲಾಯ್ ರಿಮ್, ಕಾರ್ಬನ್ ಫೈಬರ್ ಪರಿಕರಗಳು, ಸಿಂಗಲ್ ಪೈಪ್ ಎಕ್ಸಾಸ್ಟ್ ಟಿಪ್ ಮತ್ತು ರಿಯರ್ ವಿಂಗ್ ಕಂಡುಬರಲಿದೆ.

ಅಷ್ಟಕ್ಕೂ ಹೋಂಡಾ ಜಾಝ್ ರೇಸಿಂಗ್ ಕಾನ್ಸೆಪ್ಟ್ ನಿಮ್ಮ ಮನ ಸೆಳೆಯಿತೇ ? ಈ ಬಗ್ಗೆ ನಿಮ್ಮ ಅನಿಸಿಕೆಗಳನ್ನು ನಮ್ಮ ಜೊತೆ ಹಂಚಿಕೊಳ್ಳಿರಿ.