ಭಾರತದತ್ತ ಮುಖ ಮಾಡಿದ ಲೆಕ್ಸಸ್ ಐಷಾರಾಮಿ ಎಸ್ ಯುವಿ

ಟೊಯೊಟಾ ಅಧೀನತೆಯಲ್ಲಿರುವ ಲೆಕ್ಸಸ್ ಐಷಾರಾಮಿ ಎಸ್ ಯುವಿ ಭಾರತಕ್ಕೆ ಕಾಲಿಡಲು ಸಜ್ಜಾಗಿದೆ.

By Nagaraja

Published: Thursday, November 17, 2016, 18:18 [IST]

ಜಪಾನ್ ಮೂಲದ ಟೊಯೊಟಾದ ಐಷಾರಾಮಿ ಕಾರು ಬ್ರಾಂಡ್ ಆಗಿರುವ ಲೆಕ್ಸಸ್ ಐಷಾರಾಮಿ ಕ್ರೀಡಾ ಬಳಕೆಯ ವಾಹನವೊಂದು (ಎಸ್ ಯುವಿ) ಭಾರತಕ್ಕೆ ಕಾಲಿಡಲು ಸಜ್ಜಾಗುತ್ತಿದೆ. ಒಂದಲ್ಲ ಎರಡಲ್ಲ ಲೆಕ್ಸಸ್ ನ ಮೂರು ಮಾದರಿಗಳು ಭಾರತಕ್ಕೆ ಎಂಟ್ರಿ ಕೊಡಲು ಸಜ್ಜಾಗುತ್ತಿದೆ.

ಭಾರತದತ್ತ ಮುಖ ಮಾಡಿದ ಲೆಕ್ಸಸ್ ಐಷಾರಾಮಿ ಎಸ್ ಯುವಿ

ಈ ಮೊದಲೇ ತಿಳಿಸಿರುವಂತೆಯೇ ಮೂರು ಮಾದರಿಗಳನ್ನು ಲೆಕ್ಸಸ್ ಭಾರತದಲ್ಲಿ ಬಿಡುಗಡೆ ಮಾಡಲಿದೆ. ಅವುಗಳೆಂದರೆ, ಇಎಸ್ ಸೆಡಾನ್, ಆರ್ ಎಕ್ಸ್ ಎಸ್ ಯುವಿ ಮತ್ತು ಎಲ್ ಎಕ್ಸ್ ಎಸ್ ಯುವಿ.

ಐಷಾರಾಮಿ ಗ್ರಾಹಕರಿಗಂತೂ ಇದು ಸುಗ್ಗಿಯ ಕಾಲವಾಗಿರಲಿದೆ. ಇಡೀ ವಿಶ್ವದಲ್ಲೇ ಟೊಯೊಟಾದ ಲೆಕ್ಸಸ್ ಐಷಾರಾಮಿ ಕ್ರೀಡಾ ಬಳಕೆಯ ವಾಹನಗಳಿಗೆ ಅತೀವ ಬೇಡಿಕೆಯಿದೆ.

ಭಾರತಕ್ಕೆ ಪರಿಚಯವಾಗಲಿರುವ ನಾಲ್ಕನೇ ತಲೆಮಾರಿನ ಲೆಕ್ಸಸ್ ಆರ್ ಎಕ್ಸ್450 ಎಚ್ ಮಾದರಿಯು ಹೈಬ್ರಿಡ್ ತಂತ್ರಗಾರಿಕೆಯನ್ನು ಹೊಂದಲಿದೆ.

ಲೆಕ್ಸನ್ ನೂತನ ಎಸ್ ಯುವಿ ಪ್ರಮುಖವಾಗಿಯೂ ಮರ್ಸಿಡಿಸ್ ಜಿಎಲ್ ಸಿ, ಆಡಿ ಕ್ಯೂ5 ಮುಂತಾದ ಮಾದರಿಗಳಿಗೆ ಪ್ರತಿಸ್ಪರ್ಧೆಯನ್ನು ಒಡ್ಡಲಿದೆ.

ಪ್ರತಿಸ್ಪರ್ಧಿಗಳನ್ನು ಹೋಲಿಸಿದಾಗ ದೇಶದಲ್ಲಿ ಲೆಕ್ಸಸ್ ಹೈಬ್ರಿಡ್ ಕಾರು ಕೊಂಚ ದುಬಾರಿಯೆನಿಸುವ ಸಾಧ್ಯತೆಯಿದೆ.

ಇದರಲ್ಲಿ ಪೆಟ್ರೋಲ್ ಎಂಜಿನ್ ಮತ್ತು ಎಲೆಕ್ಟ್ರಿಕ್ ಮೋಟಾರು ಜೋಡಣೆಯಾಗಲಿದ್ದು, 307 ಅಶ್ವಶಕ್ತಿ ಉತ್ಪಾದಿಸಲಿದೆ. ಹಾಗೆಯೇ 3.5 ಲೀಟರ್ ವಿ6 ಪೆಟ್ರೋಲ್ ಎಂಜಿನ್ ಪಡೆಯಲಿದೆ.

ಅಂತೆಯೇ ಸಿವಿಟಿ ಗೇರ್ ಬಾಕ್ಸ್ ಮುಖಾಂತರ ಎಲ್ಲ ನಾಲ್ಕು ಚಕ್ರಗಳಿಗೆ ಶಕ್ತಿ ರವಾನೆಯಾಗಲಿದೆ.

ವಿವಿಧ ಚಾಲನಾ ಪರಿಸ್ಥಿತಿಗೆ ಹೊಂದಿಕೆಯಾಗುವ ಡ್ರೈವಿಂಗ್ ಮೋಡ್, ಡ್ಯುಯಲ್ ಝೋನ್ ಕ್ಲೈಮೇಟ್ ಕಂಟ್ರೋಲ್, ಹೊಂದಾಣಿಸುವ ಸ್ಟೀರಿಂಗ್ ವಿಲ್, ಹೀಟಡ್ ಸೀಟು, ಎಲ್ ಇಡಿ ಹೆಡ್ ಲ್ಯಾಂಪ್, ರಿವರ್ಸ್ ಕ್ಯಾಮೆರಾ ಇತ್ಯಾದಿ ಸೌಲಭ್ಯಗಳನ್ನು ಪಡೆಯಲಿದೆ.