ಹೊಸ ವರ್ಷದ ರೇಸ್ ನಲ್ಲಿ ಗೆದ್ದ ಕುದುರೆಗಳು..!

10. ಹ್ಯುಂಡೈ ಕ್ರೆಟಾ - 6,589

6,589 ಯುನಿಟ್ ಗಳ ಮಾರಾಟವನ್ನು ಸಾಧಿಸಿರುವ ಹ್ಯುಂಡೈ ಕ್ರೆಟಾ ಕಾಂಪಾಕ್ಟ್ ಕ್ರೀಡಾ ಬಳಕೆಯ ವಾಹನವು ಮಗದೊಮ್ಮೆ ತಾನ್ಯಕೆ ವರ್ಷದ ಶ್ರೇಷ್ಠ ಕಾರು ಎಂಬುದನ್ನು ಸಾಬೀತುಪಡಿಸಿದೆ.

09. ಮಾರುತಿ ಸೆಲೆರಿಯೊ - 7141

7141 ಯುನಿಟ್ ಗಳ ಮಾರಾಟ ಕಂಡಿರುವ ಮಾರುತಿ ಸುಜುಕಿ ಸೆಲೆರಿಯೊ, ಈಗಲೂ ಆಟೋಮ್ಯಾಟಡ್ ಮ್ಯಾನುವಲ್ ಟ್ರಾನ್ಸ್ ಮಿಷನ್ (ಎಎಂಟಿ) ಖರೀದಿಗಾರರ ಪೈಕಿ ನೆಚ್ಚಿನ ಕಾರೆನಿಸಿಕೊಂಡಿದೆ.

08. ಮಾರುತಿ ಬಲೆನೊ - 7698

ಈಗಷ್ಟೇ ಮಾರುಕಟ್ಟೆಗೆ ಎಂಟ್ರಿ ಕೊಟ್ಟಿರುವ ಮಾರುತಿ ಬಲೆನೊ ಪ್ರೀಮಿಯಂ ಹ್ಯಾಚ್ ಬ್ಯಾಕ್ ಕಾರು 7698 ಸಂಖ್ಯೆಗಳ ಮಾರಾಟದೊಂದಿಗೆ ಮುಂದಿನ ದಿನಗಳಲ್ಲಿ ಮತ್ತಷ್ಟು ಜನಪ್ರಿಯತೆ ಕಾಪಾಡಿಕೊಳ್ಳುವುದು ನಿಚ್ಚಳವೆನಿಸಿದೆ.

07. ಹೋಂಡಾ ಸಿಟಿ - 8,037

ಮಧ್ಯಮ ಗಾತ್ರದ ಸೆಡಾನ್ ವಿಭಾಗದಲ್ಲಿ ಮಾರುತಿ ಸಿಯಾಝ್ ಗಳಂತಹ ಸವಾಲುಗಳನ್ನು ಮೆಟ್ಟಿ ನಿಂತಿರುವ ಹೋಂಡಾ ಸಿಟಿ, 2016 ಜನವರಿ ತಿಂಗಳಲ್ಲಿ 8,037 ಯುನಿಟ್ ಗಳ ಮಾರಾಟವನ್ನು ಕಾಯ್ದುಕೊಂಡಿದೆ.

06. ಹ್ಯುಂಡೈ ಎಲೈಟ್ ಐ20 - 9604

ಬಲೆನೊದಿಂದ ಎದುರಾಗುತ್ತಿರುವ ನಿಕಟ ಪೈಪೋಟಿಯ ನಡುವೆಯೂ ತನ್ನ ಗುಣಮಟ್ಟತೆಯನ್ನು ಕಾಯ್ದುಕೊಂಡಿರುವ ಹ್ಯುಂಡೈ ಎಲೈಟ್ ಐ20, ಒಟ್ಟು 9604 ಸಂಖ್ಯೆಗಳ ಮಾರಾಟದೊಂದಿಗೆ ಪಟ್ಟಿಯಲ್ಲಿ ಆರನೇ ಸ್ಥಾನ ಕಾಪಾಡಿಕೊಂಡಿದೆ.

05. ಹ್ಯುಂಡೈ ಗ್ರಾಂಡ್ ಐ10 - 9934

ಕಳೆದ 2015 ಡಿಸೆಂಬರ್ ತಿಂಗಳಿಗೆ ಹೋಲಿಸಿದಾಗ ಮಾರಾಟದಲ್ಲಿ ಹಿನ್ನಡೆ ಅನುಭವಿಸಿದರೂ 2016 ಜನವರಿ ತಿಂಗಳ ಮಾರಾಟದಲ್ಲಿ ಅಗ್ರ ಐದರ ಸಾಲಿನಲ್ಲಿ ಕಾಣಿಸಿಕೊಳ್ಳುವಲ್ಲಿ ಹ್ಯುಂಡೈ ಗ್ರಾಂಡ್ ಐ10 ಯಶ ಕಂಡಿದೆ.

04. ಮಾರುತಿ ಸುಜುಕಿ ವ್ಯಾಗನಾರ್ - 12,744

'ಟಾಲ್ ಬಾಯ್' ಖ್ಯಾತಿಯ ಮಾರುತಿ ವ್ಯಾಗನಾರ್ ಈಗಲೂ ಗ್ರಾಹಕರ ಪಾಲಿಗೆ ಕೈಗೆಟುಕುವ ಹ್ಯಾಚ್ ಬ್ಯಾಕ್ ಕಾರಾಗಿದ್ದು, 12,744 ಯುನಿಟ್ ಗಳಷ್ಟು ಮಾರಾಟ ಗಿಟ್ಟಿಸಿಕೊಂಡಿದೆ.

03. ಮಾರುತಿ ಸುಜುಕಿ ಸ್ವಿಫ್ಟ್ - 14,057

ದೇಶದ ಸರ್ವಕಾಲಿಕ ಶ್ರೇಷ್ಠ ಹ್ಯಾಚ್ ಬ್ಯಾಕ್ ಕಾರುಗಳಲ್ಲಿ ಒಂದಾಗಿರುವ ಮಾರುತಿ ಸುಜುಕಿ ಸ್ವಿಫ್ಟ್, 14,057 ಯುನಿಟ್ ಗಳಷ್ಟು ಮಾರಾಟದೊಂದಿಗೆ ಮೂರನೇ ಸ್ಥಾನ ಉಳಿಸಿಕೊಂಡಿದೆ.

02. ಮಾರುತಿ ಸುಜುಕಿ ಸ್ವಿಫ್ಟ್ ಡಿಜೈರ್ - 17,587

ಪ್ರತಿ ತಿಂಗಳಲ್ಲಿ ಸರಾಸರಿ 20,000 ಯುನಿಟ್ ಗಳಷ್ಟು ಮಾರಾಟವನ್ನು ಕಾಯ್ದುಕೊಂಡಿರುವ ಮಾರುತಿ ಸುಜುಕಿ ಸ್ವಿಫ್ಟ್ ಡಿಜೈರ್, ಮಾರಾಟ ಕುಸಿತದ ನಡುವೆಯೂ ಎರಡನೇ ಸ್ಥಾನಕ್ಕೆ ಯಾವುದೇ ಧಕ್ಕೆಯುಂಟಾಗದೆ ನೋಡಿಕೊಂಡಿದೆ.

01. ಮಾರುತಿ ಸುಜುಕಿ ಆಲ್ಟೊ - 21,462

ಕಳೆದ ಹಲವಾರು ವರ್ಷಗಳಿಂದಲೂ ಸಣ್ಣ ಕಾರು ವಿಭಾಗದಲ್ಲಿ ಅತಿ ಹೆಚ್ಚು ಪ್ರಭಾವ ಬೀರಿರುವ ಮಾರುತಿ ಸುಜುಕಿ ಆಲ್ಟೊ, 2016 ಜನವರಿ ತಿಂಗಳಲ್ಲೂ ದೇಶದ ಸರ್ವಶ್ರೇಷ್ಠ ಪ್ರಯಾಣಿಕ ಕಾರೆನಿಸಿಕೊಂಡಿದೆ.

ಭಾರತೀಯ ಕಳ್ಳರ 10 ಫೇವರಿಟ್ ಗಾಡಿಗಳು