ಆಟೋ ಡಿಸೈನರ್ ಕಲ್ಪನೆಯಲ್ಲಿ ಮೂಡಿಬಂದ ಬುಗಾಟಿ ಕಾರಿನ ಹೊಸ ರೂಪ..!

ಅವರು ವೃತ್ತಿಯಲ್ಲಿ ಆಟೋ ಡಿಸೈನರ್‌, ಹೀಗಾಗಿ ಹೊಸ ಕಾರುಗಳ ಮಾದರಿಗಳ ಬಗೆಗೆ ಸದಾ ಒಂದಿಲ್ಲಾ ಒಂದು ರೀತಿಯ ವಿನ್ಯಾಸಗಳನ್ನು ಬಿಡಿಸುವುದು ಕಾಮನ್. ಆದ್ರೆ ಎಸ್‌ಯುವಿ ಮಾದರಿಯಲ್ಲಿ ಇದುವರೆಗೂ ಬಿಡುಗಡೆಯಾಗದ ಬುಗಾಟಿ ಕಾರಿನ ಬಗೆಗೆ ಬಿಡಿಸಲಾಗಿರುವ ಹೊಸ ವಿನ್ಯಾಸವೊಂದು ಇದೀಗ ಭಾರೀ ಚರ್ಚೆಗೆ ಕಾರಣವಾಗಿದೆ.

ಭಾರತೀಯ ಗ್ರಾಹಕರ ಬೇಡಿಕೆಗೆ ತಕ್ಕಂತೆ ಬುಗಾಟಿ ಎಸ್‌ಯುವಿ ಕಾರಿನ ಹೊಸ ವಿನ್ಯಾಸವನ್ನು ಬಿಡಿಸಿರುವ ಡ್ರೈವ್ ಸ್ಪಾಕ್ ಓದುಗ ನರೇಂದ್ರ ಸಿಂಗ್ ಚೆಟ್ರಿ, ಬುಗಾಟಿ ಎಸ್‌ಯುವಿ ಹೀಗೆ ಇರಬಹುದು ಎಂದು ಊಹೆ ಮಾಡಿದ್ದಾರೆ.

ಹೀಗಾಗಿ ಇಲ್ಲಿ ನೀಡಲಾಗಿರುವ ಬುಗಾಟಿ ಕಾರಿನ ಚಿತ್ರಗಳು ಯಾವುದೇ ಅಧಿಕೃತ ಮಾಹಿತಿ ಅಲ್ಲವಾದರೂ, ಬಿಡುಗಡೆಯಾದ್ರೆ ಬುಗಾಟಿ ಎಸ್‌ಯುವಿ ಕಾರು ಹೀಗೆ ಇರಬೇಕು ಎಂಬ ಅಭಿಲಾಷೆ ವ್ಯಕ್ತಪಡಿಸಿದ್ದಾರೆ.

ಅಂದಹಾಗೆ ಫ್ರಾನ್ಸ್ ಮೂಲದ ಐಷಾರಾಮಿ ಕಾರು ಉತ್ಪಾದನೆ ಸಂಸ್ಥೆಯಾಗಿರುವ ಬುಗಾಟಿ, ಕೇವಲ ಸೂಪರ್ ಕಾರು ಮತ್ತು ಹೈಪರ್ ಕಾರುಗಳನ್ನು ಉತ್ಪಾದನೆ ಮಾಡುತ್ತದೆ. ಹೀಗಾಗಿ ಇದುವರೆಗೂ ಯಾವುದೇ ರೀತಿಯ ಎಸ್‌‌ಯುವಿ ಕಾರುಗಳನ್ನು ಉತ್ಪಾದನೆ ಕೈಗೊಂಡಿಲ್ಲ.

ಇನ್ನೊಂದು ಇಂಟ್ರಸ್ಟಿಂಗ್ ಸ್ಟೋರಿ ಅಂದ್ರೆ ಕೆಲವು ಮಾಹಿತಿಗಳ ಪ್ರಕಾರ ಐಷಾರಾಮಿ ಬುಗಾಟಿ ಕಾರೊಂದರ ನಿರ್ವಹಣಾ ವೆಚ್ಚವು ಖಾಸಗಿ ಜೆಟ್‌ಗಿಂತಲೂ ದುಬಾರಿ ಅಂದ್ರೆ ನೀವು ನಂಬಲೇಬೇಕು.