ಭಾರತಕ್ಕೆ ಬರಲಿದೆಯಾ ಫೋರ್ಡ್ ಫಿಗೊ ಸ್ಪೋರ್ಟ್ಸ್ ಆವೃತ್ತಿ..?

ಕ್ರೀಡಾ ಆವೃತ್ತಿಯಲ್ಲಿ ಸಿದ್ಧಗೊಂಡಿರುವ ಫೋರ್ಡ್ ಫಿಗೊ, ಟೈಟಾನಿಯಂ ಮಾದರಿಯಲ್ಲಿ ಲಭ್ಯವಿರಲಿದೆ. ಇನ್ನೂ ಸಾಮಾನ್ಯ ಮಾದರಿಗಿಂತ ಭಿನ್ನತೆ ಹೊಂದಿರುವ ಸ್ಫೋರ್ಟ್ಸ್ ಆವೃತ್ತಿಯು ಕಪ್ಪು ಮತ್ತು ಬಿಳಿ ಬಣ್ಣಗಳಲ್ಲಿ ಮಿಂಚಲಿದ್ದು, KA+ ಆವೃತ್ತಿ ಈಗಾಗಲೇ ಲಂಡನ್‌ನಲ್ಲಿ ಭರ್ಜರಿ ಮಾರಾಟಗೊಳ್ಳುತ್ತಿದೆ.

ಸ್ಪೋರ್ಟ್ಸ್ ಮಾದರಿಯ ಫಿಗೊ ಕಾರು 15-ಇಂಚಿನ ಬ್ಲ್ಯಾಕ್ ಅಲಾಯ್ ವೀಲ್ಹ್‌ಗಳನ್ನು ಹೊಂದಿದೆ. ಹ್ಯಾಚ್‌ಬ್ಯಾಕ್ ಮಾದರಿಯಲ್ಲಿ ಹನಿಕೊಂಬ್ ಫ್ರಂಟ್ ಗ್ರೀಲ್ ಮತ್ತು ಹಿಂಬದಿಯಲ್ಲಿ ಸ್ಪಾಯ್ಲರ್ ವ್ಯವಸ್ಥೆಯಿದೆ.

ಪ್ರಮುಖ ಎರಡು ಬಣ್ಣಗಳಲ್ಲಿ ಫೋರ್ಡ್ ಫಿಗೊ ಲಭ್ಯವಿರಲಿದೆ. ORVMs ಸೌಲಭ್ಯ ಹೊಂದಿರುವ ಇದರಲ್ಲಿ ಕಾರಿನ ಬಣ್ಣಗಳು ವ್ಯತಿರಿಕ್ತ ಛಾಯೆಗಳಲ್ಲಿ ಗೋಚರಿಸುವ ಗುಣಹೊಂದಿದೆ.

ಕಾರಿನ ಒಳಾಂಗಣ ವಿನ್ಯಾಸದಲ್ಲಿ ಸಾಕಷ್ಟು ಬದಲಾವಣೆ ತರಲಾಗಿದೆ. ಕಾರಿನ ಸ್ಟೀರಿಂಗ್ ಚಕ್ರಕ್ಕೆ ಲೆದರ್ ಕೊಟಿಂಗ್ ಇದ್ದು, ಅಷ್ಟೇನು ಗಮನಾರ್ಹ ಬದಲಾವಣೆಗಳು ಹೊಸ ಮಾದರಿ ಕಾರಿನಲ್ಲಿ ಇಲ್ಲವೆಂಬ ಮಾಹಿತಿಯಿದೆ.

ಕೆಲವು ಸುದ್ಧಿ ಮೂಲಗಳ ಪ್ರಕಾರ, ಫೋರ್ಡ್ ಫಿಗೊ ಆವೃತ್ತಿಯ ಎಂಜಿನ್ ಬದಲಾಗುವ ನೀರಿಕ್ಷೆಯಿದೆ. ಜೊತೆಗೆ ಟೈಟಾನಿಯಂ ಮತ್ತು ಟೈಟಾನಿಯಂ+ ಮಾದರಿಗಳ ನಡುವೆ ಕೆಲವು ಸ್ವಾಮ್ಯತೆಗಳನ್ನು ತರಲಾಗಿದ್ದು, ಹಳೆಯ ಫೋರ್ಡ್ ಆವೃತ್ತಿಗಳು ಮಾರಾಟ ಭಾರತದಲ್ಲಿ ಮುಂದುವರೆಯಲಿದೆ.

ಒಂದು ವೇಳೆ ಭಾರತದಲ್ಲಿ ಫೋರ್ಡ್ ಫಿಗೊ ಕ್ರೀಡಾ ಆವೃತ್ತಿ ಬಿಡುಗಡೆಗೊಂಡ ಪಕ್ಷದಲ್ಲಿ ಭರ್ಜರಿ ಸೇಲ್ ಆಗಲಿದ್ದು, ಬೆಲೆಗಳ ವಿಚಾರದಲ್ಲಿ ಮಧ್ಯಮ ವರ್ಗದ ಗ್ರಾಹಕರಿಗೆ ವರವಾಗಲಿದೆ.