2040ಕ್ಕೆ ಪೆಟ್ರೋಲ್, ಡಿಸೇಲ್ ಕಾರುಗಳು ನಿಷೇಧ ಖಚಿತ ಎಂದ ಫ್ರಾನ್ಸ್..!

ಈ ಬಗ್ಗೆ ಮಹತ್ವದ ನಿರ್ಧಾರ ಪ್ರಕಟಿಸಿರುವ ಫ್ರಾನ್ಸ್ ಸಾರಿಗೆ ಸಚಿವಾಲಯವು ಪರಿಸರ ಇಲಾಖೆಯ ಸೂಚನೆ ಮೇರೆಗೆ ಪೆಟ್ರೋಲ್ ಮತ್ತು ಡೀಸೆಲ್ ಕಾರುಗಳನ್ನು ನಿಷೇಧ ಮಾಡಲು ಮುಂದಾಗಿದೆ.

ಈಗಾಗಲೇ ಜಾಗತಿಕವಾಗಿ ಪೆಟ್ರೋಲ್ ಮತ್ತು ಡೀಸೆಲ್ ಕಾರುಗಳ ನಿಷೇಧ ಕುರಿತಂತೆ ಮಹತ್ಪದ ಚರ್ಚೆಗಳು ನಡೆದಿದ್ದು, 2025ಕ್ಕೆ ನೆದರ್ಲ್ಯಾಂಡ್, 2030ಕ್ಕೆ ಜರ್ಮನಿ ಮತ್ತು ಭಾರತದಲ್ಲೂ ಪೆಟ್ರೋಲ್, ಡಿಸೇಲ್ ಕಾರುಗಳು ನಿಷೇಧಗೊಳ್ಳಲಿವೆ.

ಇನ್ನು ವಿಶ್ವದ ಪ್ರಮುಖ ರಾಷ್ಟ್ರಗಳು ಕೂಡಾ ಮಾಲಿನ್ಯ ತಡೆ ಕುರಿತಂತೆ ಹೊಸ ಹೊಸ ಯೋಜನೆಗಳು ರೂಪಗೊಳ್ಳುತ್ತಿದ್ದು, ಪೆಟ್ರೋಲ್ ಮತ್ತು ಡೀಸೆಲ್ ಕಾರುಗಳ ಬೇಡಿಕೆ ತಗ್ಗಿಸಿ ಎಲೆಕ್ಟ್ರಿಕ್ ಕಾರುಗಳ ಬಳಕೆಗೆ ಹೆಚ್ಚಿನ ಒಲುವು ತೊರುವಂತೆ ಉತ್ತೇಜನ ನೀಡಲಾಗುತ್ತಿದೆ.

ಪೆಟ್ರೋಲ್ ಮತ್ತು ಡೀಸೆಲ್ ಕಾರುಗಳ ಬಗ್ಗೆ ಸದ್ಯ ಫ್ರಾನ್ಸ್ ತೆಗೆದುಕೊಂಡಿರುವ ನಿರ್ಧಾರವು ಅಲ್ಲಿನ ಪ್ರಮುಖ ಆಟೋಮೊಬೈಲ್ ಉದ್ಯಮಗಳ ಮೇಲೂ ಪರಿಣಾಮ ಬಿರಲಿದ್ದು, ಎಲೆಕ್ಟ್ರಿಕ್ ಕಾರುಗಳ ಉತ್ಪಾದನೆ ಹೆಚ್ಚುವ ನೀರಿಕ್ಷೆ ಕೂಡಾ ಇದೆ ಎನ್ನಲಾಗಿದೆ.