ಮಾರುತಿ ಸುಜುಕಿ ಸೆಲೆರಿಯೊ ಎಕ್ಸ್ ಕಾರು ಭಾರತದಲ್ಲಿ ಬಿಡುಗಡೆ : ಬೆಲೆ ರೂ.5.42 ಲಕ್ಷ

ಮಾರುತಿ ಸುಜುಕಿ ಕಂಪನಿಯು ಭಾರತದಲ್ಲಿ ಸುಮಾರು 3,00,000 ಲಕ್ಷ ಸೆಲೆರಿಯೊ ಕಾರುಗಳನ್ನು ಮಾರಾಟ ಮಾಡಿದೆ. ಈಗ ಕಂಪನಿಯು ಈ ಕಾರಿನ ಮತ್ತೊಂದು ಆವೃತಿಯಾದ ಸೆಲೆರಿಯೊ ಎಕ್ಸ್ ವಾಹನವನ್ನು ಭಾರತದಲ್ಲಿ ಬಿಡುಗಡೆಗೊಳಿಸಿದೆ.

By Girish

Updated: Wednesday, December 20, 2017, 10:56 [IST]

ಮಾರುತಿ ಸುಜುಕಿ ಕಂಪನಿಯು ಭಾರತದಲ್ಲಿ ಸುಮಾರು 3,00,000 ಲಕ್ಷ ಸೆಲೆರಿಯೊ ಕಾರುಗಳನ್ನು ಮಾರಾಟ ಮಾಡಿದೆ. ಈಗ ಕಂಪನಿಯು ಈ ಕಾರಿನ ಮತ್ತೊಂದು ಆವೃತಿಯಾದ ಸೆಲೆರಿಯೊ ಎಕ್ಸ್ ವಾಹನವನ್ನು ಭಾರತದಲ್ಲಿ ಬಿಡುಗಡೆಗೊಳಿಸಿದೆ.

ಮಾರುತಿ ಸುಜುಕಿ ಸೆಲೆರಿಯೊ ಎಕ್ಸ್ ಕಾರು ಭಾರತದಲ್ಲಿ ಬಿಡುಗಡೆ : ಬೆಲೆ ರೂ.5.42 ಲಕ್ಷ

ದೇಶದ ಅತಿದೊಡ್ಡ ಕಾರು ತಯಾರಕ ಮಾರುತಿ ಸುಜುಕಿ ಇಂಡಿಯಾ, ಇಂದು ಸೆಲೆರಿಯೊ ಎಕ್ಸ್ ಕಾರನ್ನು ಬೆಲೆ ರೂ.4.57 ಲಕ್ಷದಿಂದ 5.42 ಲಕ್ಷ(ಎಕ್ಸ್ ಶೋರೂಂ) ಬೆಲೆಯಲ್ಲಿ ಬಿಡುಗಡೆ ಮಾಡಿದೆ. ಈ ಹೊಚ್ಚ ಹೊಸ ಸೆಲೆರಿಯೊ ಎಕ್ಸ್ ವಾಹನವು ಈ ಕಾರಿನ ಮಾರಾಟವನ್ನು ಮತ್ತಷ್ಟು ಹೆಚ್ಚಿಸಲಿದೆ ಎಂದು ಕಂಪನಿ ವಿಶ್ವಾಸ ಹೊಂದಿದೆ.

ಕಂಪನಿಯ ಪ್ರಕಾರ ಸಾಮಾನ್ಯ ಮಾದರಿಗೆ ಹೋಲಿಸಿದರೆ, ಸೆಲೆರಿಯೊ ಎಕ್ಸ್ ಏರೋಡೈನಾಮಿಕ್ ವಿನ್ಯಾಸ ಮತ್ತು ಮುಂಭಾಗದ ಗ್ರಿಲ್ ಸುತ್ತ ಹೊಸ ವಿನ್ಯಾಸದ ಎಕ್ಸ್-ಥೀಮ್ ಆಧಾರಿತ ಗ್ರಾಫಿಕ್ ಹೊಂದಿದೆ.

ಕಾರಿನ ಬದಿ ಮತ್ತು ಹಿಂಭಾಗದ ಬಂಪರ್ ಮತ್ತು ಸ್ಕೀಡ್ ಪ್ಲೇಟ್‌ಗಳು ಆಕ್ರಮಣಕಾರಿ ನೋಟವನ್ನು ಪಡೆದುಕೊಂಡಿವೆ. ಒಟ್ಟಾರೆ ಈ ಕಾರು ಇತ್ತೀಚಿನ ಜನರೇಶನ್‌ಗೆ ಹೇಳಿ ಮಾಡಿಸಿದೆ ಕಾರು ಎಂದು ಕಂಪನಿ ಹೇಳಿಕೊಂಡಿದೆ.

2014ರಲ್ಲಿ ಪ್ರಾರಂಭವಾದ ಬ್ರಾಂಡ್ ಸೆಲೆರಿಯೊ ಕ್ರಾಂತಿಕಾರಿ ಆಟೋ ಗೇರ್ ಶಿಫ್ಟ್(ಎಜಿಎಸ್) ತಂತ್ರಜ್ಞಾನ ಪಡೆದ ಮೊದಲ ಭಾರತೀಯ ಕಾರು ಎಂಬ ಖ್ಯಾತಿ ಪಡೆದಿದೆ. ನವೀನ ಸೆಲೆರಿಯೊ ಎಕ್ಸ್ ಕಾರಿನ ಎಲ್ಲಾ ರೂಪಾಂತರಗಳಲ್ಲಿ ಆಟೋ ಗೇರ್‌ಶಿಫ್ಟ್ ಆಯ್ಕೆಯನ್ನು ಹೊಂದಿರುತ್ತದೆ.

ಆರ್ಕ್ಟಿಕ್ ವೈಟ್, ಗ್ಲಿಸ್ಟೆನಿಂಗ್ ಗ್ರೇ, ಕೆಫೀನ್ ಬ್ರೌನ್ ಮತ್ತು ಟಾರ್ಕ್ ಬ್ಲೂ ಎಂಬ ಹೆಚ್ಚುವರಿ ಬಣ್ಣಗಳ ಆಯ್ಕೆಯಲ್ಲಿ ಈ ಕಾರು ಬಿಡುಗಡೆಗೊಂಡಿದ್ದು, ಗ್ರಾಹಕರು ಹೆಚ್ಚು ಬಣ್ಣಗಳ ಆಯ್ಕೆಯಲ್ಲಿ ಈ ಕಾರನ್ನು ಖರೀದಿಸಬಹುದಾಗಿದೆ.

ಬಿಳಿಯ ಉಚ್ಚಾರಣೆಯೊಂದಿಗೆ ಹೊಸ ಕಪ್ಪು ಒಳಾಂಗಣವು ಅಂದವನ್ನು ಹೆಚ್ಚಿಸಿದೆ. ಇದು ಹೊರಭಾಗದ ಬಣ್ಣಕ್ಕೆ ಸಂಪೂರ್ಣವಾಗಿ ಹೊಂದುತ್ತದೆ. ಸೆಲೆರಿಯೊ ಎಕ್ಸ್ ಕಾರು ಸ್ಟ್ಯಾಂಡರ್ಡ್ ಆಯ್ಕೆಯಾಗಿ ಡ್ರೈವರ್-ಸೈಡ್ ಏರ್‌ಬ್ಯಾಗ್ ಪಡೆಯುತ್ತದೆ.

ಇನ್ನು ಸುರಕ್ಷತಾ ಪ್ಯಾಕೇಜಿನ ಪ್ರಮುಖ ಭಾಗವಾಗಿ, ಡ್ರೈವರ್ ಸೈಡ್ ಸೀಟ್ ಬೆಲ್ಟ್ ರಿಮೈಂಡರ್ ಕೂಡ ಅಳವಡಿಸಲಾಗಿದೆ. ಇದು ಸೀಟ್ ಬೆಲ್ಟ್ ಬಳಕೆಯನ್ನು ಉತ್ತೇಜಿಸುತ್ತದೆ. ಪ್ರಯಾಣಿಕರ ಏರ್‌ಬ್ಯಾಗ್ ಮತ್ತು ಎಬಿಎಸ್ ಆಯ್ಕೆಗಳನ್ನು ಎಲ್ಲಾ ಟ್ರಿಮ್‌ಗಳಲ್ಲಿ ಐಚ್ಛಿಕ ರೂಪಾಂತರವಾಗಿ ನೀಡಲಾಗುತ್ತದೆ.

ಇತ್ತೀಚೆಗೆ, ಮಾರುತಿ ಸುಜುಕಿ ಹೊಸ ಸೆಲೆರಿಯೊ ಕಾರನ್ನು ಹೊಸ ಮುಂಭಾಗದ ತಂತುಕೋಶ ಮತ್ತು ರಿಫ್ರೆಶ್ಡ್ ಒಳಾಂಗಣದೊಂದಿಗೆ ಪ್ರಾರಂಭಿಸಿತು. ಈಗ ಮತ್ತೆ ಸೆಲೆರಿಯೊ ಎಕ್ಸ್ ಕಾರನ್ನು ಬಿಡುಗಡೆಗೊಳಿಸುವ ಮೂಲಕ ಈ ಬ್ರ್ಯಾಂಡ್ ಇನ್ನಷ್ಟು ಬಲಪಡಿಸುತ್ತದೆ.