ಇನ್ಮೇಲೆ ನೀವು ಪೆಟಿಎಂನಲ್ಲಿ ಟ್ರಾಫಿಕ್ ದಂಡ ಕಟ್ಟಬಹುದು

ಮೊಬೈಲ್ ಮೂಲಕ ಬಿಲ್ ಮತ್ತಿತರ ಕಾರ್ಯಗಳನ್ನು ಕೈಗೊಳ್ಳಬಹುದಾದ ಪ್ಲಾಟ್‌ ಫಾರಂ 'ಪೆಟಿಎಂ' ಈ ಸೌಲಭ್ಯ ಒದಗಿಸಿದ್ದು, ಸ್ಮಾರ್ಟ್ ಫೋನ್ ಅಪ್ಲಿಕೇಶನ್ ಮೂಲಕ ಟ್ರಾಫಿಕ್ ಚಲನ್ ಪಾವತಿ ಸೇವೆಯನ್ನು ಪ್ರಾರಂಭಿಸಿದೆ.

Paytm ಬಳಕೆದಾರರು ಕೇವಲ ಅಪ್ಲಿಕೇಶನ್‌ಗೆ ಲಾಗ್ ಇನ್ ಆಗುವ ಮೂಲಕ "ಟ್ರಾಫಿಕ್ ಚಲನ್" ಆಯ್ಕೆಯನ್ನು ಆಯ್ಕೆ ಮಾಡಿ ಸೌಲಭ್ಯ ಪಡೆಯಬಹುದಾಗಿದೆ.

"ಟ್ರಾಫಿಕ್ ಚಾಲಾನ್" ಆಯ್ಕೆ ಮಾಡಿದ ನಂತರ ವಾಹನದ ವಿವರಗಳನ್ನು ನಮೂದಿಸಿ ಮತ್ತು ಕೆಲವು ಪರಿಶೀಲನೆಗಳ ನಂತರ ಪಾವತಿಗೆ ಅನುಮತಿ ನೀಡಲಾಗುವುದು.

ಹೊಸ ವ್ಯವಸ್ಥೆಯು ಹಣವಿಲ್ಲದ ವಹಿವಾಟುಗಳನ್ನು ಪ್ರೋತ್ಸಾಹಿಸಲಿರುವ 'ಟ್ರಾಫಿಕ್ ಚಲನ್' ಅತ್ಯಂತ ಹೆಚ್ಚು ಅವಶ್ಯಕ ಇರುವ ಆಯ್ಕೆಯಾಗಿದ್ದು, ಪ್ರತಿಯೊಬ್ಬರಿಗೂ ಅನುಕೂಲವಾಗುವುದು ಖಂಡಿತ ಎಂದು ಪೆಟಿಎಂ ಹಿರಿಯ ಉಪಾಧ್ಯಕ್ಷ ಕಿರಣ್ ವಸಿರೆಡ್ಡಿ ವಿವರಿಸಿದ್ದಾರೆ.

ಪಾವತಿ ಮಾಡಿದ ನಂತರ, ಪೆಟಿಎಂ ಡಿಜಿಟಲ್ ಇನ್‌ವಾಯ್ಸ್ ನೀಡಲಿದೆ. ಗ್ರಾಹಕರರಿಗೆ ಬಿಲ್ ದಾಖಲೆಗಳು ಪೋಸ್ಟಲ್ ಸೇವೆಗಳ ಮೂಲಕ ಆಯಾ ಪೊಲೀಸ್ ಇಲಾಖೆ ರವಾನೆ ಮಾಡಲಿದೆ.

ಸದ್ಯ ಆಂಧ್ರಪ್ರದೇಶ, ಮಹಾರಾಷ್ಟ್ರ, ಕೇರಳ ಮತ್ತು ಪಶ್ಚಿಮ ಬಂಗಾಳದ ರಾಜ್ಯ ಪೊಲೀಸ್ ಇಲಾಖೆಗಳೊಂದಿಗೆ ಪೆಟಿಎಂ ಸಹಯೋಗಿತ್ವ ಹೊಂದಿದ್ದು, ಮುಂಬರುವ ದಿನಗಳಲ್ಲಿ ಮತ್ತಷ್ಟು ನಗರಗಳಿಗೆ ವಿಸ್ತರಿಸಲು ಯೋಜಿಸಿದೆ.