ಹೊಚ್ಚ ಹೊಸ ಸ್ವಿಫ್ಟ್ ಕಾರಿನ ಮತ್ತಷ್ಟು ಚಿತ್ರಗಳು ಬಿಡುಗಡೆ

ಪ್ರಖ್ಯಾತ ಕಾರು ತಯಾರಕ ಸಂಸ್ಥೆಯಾದ ಸುಜುಕಿ ಹೊಚ್ಚ ಹೊಸ ಸ್ವಿಫ್ಟ್ ಕಾರನ್ನು ಸೆಪ್ಟೆಂಬರ್ ತಿಂಗಳಿನಲ್ಲಿ ಪ್ರತಿಷ್ಠಿತ ಫ್ರ್ಯಾಂಕ್‌ಫ಼ರ್ಟ್ ಮೋಟಾರ್ ಷೋನಲ್ಲಿ ಅನಾವರಣಗೊಳಿಸಲು ತಾಯಾರಿ ನೆಡೆಸಿದ್ದು, ಸ್ವಿಫ್ಟ್ ವಾಹನದ ವಿಶೇಷ ಫೋಟೋಗಳು ಹೊರಬಂದಿವೆ.

ಇತ್ತೀಚಿಗೆ ಕೈಪಿಡಿಯಿಂದ ಸೋರಿಕೆಯಾಗಿದ್ದ ಚಿತ್ರಗಳಿಗಿಂತ ಹೊಸ ಹ್ಯಾಚ್‌ಬ್ಯಾಕ್ ಚಿತ್ರಗಳು ಹೆಚ್ಚು ಸುಂದರವಾದ ಲಕ್ಷಣಗಳನ್ನು ಪಡೆದುಕೊಂಡಿದ್ದು, ಹೆಚ್ಚು ವ್ಯತ್ಯಾಸ ನಾವು ಗಮನಿಸಬಹುದಾಗಿದೆ.

ಚೂಪಾದ ರೇಖೆಗಳ ವಿನ್ಯಾಸ, ದೊಡ್ಡ ಗ್ರಿಲ್, ಫಾಗ್ ಲ್ಯಾಂಪ್ ಹೌಸಿಂಗ್, ಮರುವಿನ್ಯಾಸಗೊಳಿಸಲಾದ ಬಂಪರ್ ಜೊತೆಗೆ ಹೆಚ್ಚು ಅಪ್ಡೇಟ್ ಆಗಿರುವಂತಹ ಮುಂಭಾಗದ ತಂತುಕೋಶಗಳನ್ನು ನಾವು ಕಾಣಬಹುದಾಗಿದೆ.

ಕಾರಿನ ಒಳಭಾಗದಲ್ಲಿಯೂ ಸಹ ಬಹಳಷ್ಟು ಬದಲಾವಣೆಗಳನ್ನು ಈ ಕಾರು ಪಡೆದುಕೊಂಡಿದೆ. ಈ ಕಾರಿನ ಡ್ಯಾಶ್‌ಬೋರ್ಡ್ ಕೆಂಪು ಬಣ್ಣದ ಟ್ರಿಪ್ ರೂಪ ಒಳಗೊಂಡಿದೆ. ಇನ್ಸ್ಟ್ರುಮೆಂಟ್ ಕ್ಲಸ್ಟರ್ ಹಾಗು ಎಂಜಿನ್ ಸ್ಟಾರ್ಟ್/ಸ್ಟಾಪ್ ಬಟನ್ ಸಹ ಕೆಂಪು ಬಣ್ಣ ಪಡೆದುಕೊಂಡಿದೆ.

ಸ್ಟ್ಯಾಂಡರ್ಡ್ ಸ್ವಿಫ್ಟ್ ಕಾರಿನಲ್ಲಿ ಇರುವಂತಹ ಚಪ್ಪಟೆ ತಳದ ಸ್ಟೀರಿಂಗ್ ಹೊಸ ಆವೃತಿಯಲ್ಲಿಯೂ ಸಹ ಕಾಣಬಹುದಾಗಿದೆ. ಕಾರಿನ ಇನ್ಸ್ಟ್ರುಮೆಂಟ್ ಕ್ಲಸ್ಟರ್ ನವೀನ ರೀತಿಯ ಬೂಸ್ಟ್ ಗೌಜ್ ಪಡೆದ್ದುಕೊಳ್ಳಲಿದ್ದು, ಇದನೆಲ್ಲಾ ಗಮನಿಸಿದರೆ ಈ ಕಾರು ಟರ್ಬೊ ಚಾರ್ಜ್ಡ್ ಪಡೆಯುವ ಸಾಧ್ಯತೆ ಇದೆ.

ಸ್ವಿಫ್ಟ್ ಸ್ಪೋರ್ಟ್ ಕಾರು 1.4-ಲೀಟರ್ ನಾಲ್ಕು ಸಿಲಿಂಡರ್ ಬೂಸ್ಟರ್ ಜೆಟ್ ಎಂಜಿನ್ ಪಡೆದುಕೊಳ್ಳಬಹುದು ಎನ್ನಲಾಗಿದೆ. ಈ ಎಂಜಿನ್ 245 ಏನ್‌ಎಂ ತಿರುಗುಬಲದಲ್ಲಿ 148ರಷ್ಟು ಅಶ್ವಶಕ್ತಿ ಉತ್ಪಾದನೆ ಮಾಡುವ ಸಾಧ್ಯತೆ ಇದೆ. ಸ್ವಿಫ್ಟ್ ಸ್ಪೋರ್ಟ್ಸ್ ಕಾರು ಎಂಜಿನ್ 6 ಸ್ಪೀಡ್ ಗೇರ್ ಬಾಕ್ಸ್ ಜೋಡಿಸಲಾಗಿದೆ.

ಜಪಾನ್ ದೇಶದಲ್ಲಿ ಈ ಹ್ಯಾಚ್ ಬ್ಯಾಕ್ ಕಾರು ವರ್ಷದ ಕೊನೆಯಲ್ಲಿ ಬಿಡುಗಡೆಗೊಳ್ಳಲಿದ್ದು, ಮುಂದಿನ ವರ್ಷದ ದೆಹಲಿ ಆಟೊ ಎಕ್ಸ್‌ಪೋದಲ್ಲಿ ಮಾರುತಿ ಸುಜುಕಿ ತನ್ನ ಸ್ವಿಫ್ಟ್ 2018 ಮಾದರಿಯನ್ನು ಮಾರುಕಟ್ಟೆಗೆ ಬಿಡುಗಡೆಗೊಳಿಸುವ ಸಾಧ್ಯತೆ ಇದೆ.