ಫೋರ್ಕ್ಸ್‌ವ್ಯಾಗನ್ ಕಾರುಗಳ ಖದರ್ ಅಂದ್ರೆ ಇದಪ್ಪಾ...

ರಾಜಸ್ತಾನದ ಜೋಧಪುರ್‌ನಲ್ಲಿ ಮೊನ್ನೆಯಷ್ಟೇ ಫೋಕ್ಸ್‌ವ್ಯಾಗನ್ ವೆಂಟೋ ಸೆಡಾನ್ ಕಾರು ಒಂದರ ಮೇಲೆ ಕಬ್ಬಿಣದ ಪಿಲ್ಲರ್ ಮೊಗಚಿ ಬಿದ್ದಿದ್ದು, ಕಾರಿನ ರೂಫ್ ಸಂಪೂರ್ಣ ಜಖಂಗೊಂಡಿದೆ. ಆದ್ರೆ ಅದೃಷ್ಟವಶಾತ್ ಯಾರಿಗೂ ಒಂದೇ ಒಂದು ಸಣ್ಣ ಗಾಯ ಕೂಡಾ ಆಗಿಲ್ಲಾ ಅಂದ್ರೆ ನೀವು ನಂಬಲೇಬೇಕು.

ಕಾರು ಚಾಲನೆಯಲ್ಲಿದ್ದಾಗಲೇ ಈಗ ಘಟನೆ ನಡೆದಿದ್ದು, ರೈಲ್ವೆ ಹಳಿ ಬಳಿ ನಿಲ್ಲಿಸಲಾಗಿದ್ದ ಕಬ್ಬಿಣದ ಪಿಲ್ಲರ್ ಒಂದು ಆಯತಪ್ಪಿ ಫೋಕ್ಸ್‌ವ್ಯಾಗನ್ ವೆಂಟೋ ಸೆಡಾನ್ ಕಾರಿನ ಮೇಲೆ ಬಿದ್ದಿದೆ.

ಕಾರಿನ ಮೇಲೆ ರಭಸವಾಗಿ ಬಿದ್ದ ಪರಿಣಾಮ ಕೆಲ ಹೊತ್ತು ಕಾರಿನ ಬಾಗಿಲು ತೆರೆಯಲು ಕಾರಿನ ಚಾಲಕ ಪರದಾಡಿದಲ್ಲದೇ ಕಾರಿನ ಹಿಂಬದಿ ಆಸನದಲ್ಲಿ ಕುಳಿತಿದ್ದ ಮಹಿಳೆಯನ್ನು ಕೂಡಾ ಸುರಕ್ಷಿತವಾಗಿ ಹೊರ ತಂದಿದ್ದಾನೆ.

ಘಟನೆ ನಡೆಯುತ್ತಿದ್ದಂತೆ ಸ್ಥಳೀಯರು ಕೂಡಾ ಕಾರಿನಲ್ಲಿನದ್ದವರ ರಕ್ಷಣೆಗೆ ದೌಡಾಯಿಸಿದಲ್ಲದೇ, ಕಾರಿನ ಮೇಲೆ ಬಿದ್ದಿದ್ದ ಕಬ್ಬಿಣ ಪಿಲ್ಲರ್ ತೆಗೆದುಹಾಕುವ ಮೂಲಕ ಮಾನವಿಯತೆ ಮೆರೆದಿದ್ದಾರೆ.

ಸದ್ಯ ಜಖಂಗೊಂಡಿರುವ ವೆಂಟೋ ಸೆಡಾನ್ ಕಾರನ್ನು ಸ್ಥಳೀಯ ಫೋಕ್ಸ್‌ವ್ಯಾಗನ್ ಸರ್ವಿಸ್ ಸೆಂಟರ್‌ ಒಂದಕ್ಕೆ ಸಾಗಿಸಲಾಗಿದ್ದು, ಕಾರಿನ ಎ ಪಿಲ್ಲರ್ ಮತ್ತು ಬಿ ಪಿಲ್ಲರ್‌ಗಳು ಗುಟ್ಟಿಮುಟ್ಟಾಗಿರುವ ಹಿನ್ನೆಲೆ ಯಾವುದೇ ಪ್ರಾಣಹಾನಿಯಾಗಿಲ್ಲ ಎನ್ನಬಹುದು.

ಒಂದು ವೇಳೆ ಇದೇ ಘಟನೆಯಲ್ಲಿ ಬೇರೊಂದು ಕಾರು ಮಾದರಿ ಇದ್ದಿದ್ದರೇ ಅದರ ಕಥೆ ಬೇರೆಯೇ ಆಗಿರುತ್ತಿತ್ತು. ಆದ್ರೆ ಗುಣಮಟ್ಟದ ಕಾರುಗಳ ಉತ್ಪಾದನೆಯಲ್ಲಿ ತನ್ನದೇ ಆದ ಮಾನದಂಡಗಳನ್ನು ಕಾಯ್ದುಕೊಂಡಿರುವ ಫೋಕ್ಸ್‌ವ್ಯಾಗನ್ ಸಂಸ್ಥೆಗೆ ಧನ್ಯವಾದ ಹೇಳಲೇಬೇಕು.

ಇನ್ನು ಘಟನೆ ಬಗ್ಗೆ ಜೋಧಪುರ್ ಫೋಕ್ಸ್‌ವ್ಯಾಗನ್ ಕಾರು ಡೀಲರ್ಸ್ ಒಬ್ಬರು ಈ ಬಗ್ಗೆ ಸಾಮಾಜಿಕ ಜಾಲತಾಣಗಳಲ್ಲಿ ಘಟನೆ ಬಗ್ಗೆ ಮಾಹಿತಿ ಹಂಚಿಕೊಂಡಿದ್ದು, ಈ ಅವಘಡದಲ್ಲಿ ಎಲ್ಲರೂ ಸುರಕ್ಷಿತವಾಗಿ ಪಾರಾಗಿದ್ದಾರೆ ಎಂದಿದ್ದಾರೆ.

ಹೀಗಾಗಿ ಕಾರುಗಳ ಗುಣಮಟ್ಟದ ಬಗ್ಗೆ ವಿಶೇಷ ಗಮನಹರಿಸಿರುವ ಫೋಕ್ಸ್‌ವ್ಯಾಗನ್‌ಗೆ ಕಾರು ಪ್ರಿಯರು ಮೆಚ್ಚುಗೆ ವ್ಯಕ್ತಪಡಿಸುತ್ತಿದ್ದು, ಇತರೆ ಕಾರುಗಳಿಂತ ಭಿನ್ನವಾಗಿರುವ ಫೋಕ್ಸ್‌ವ್ಯಾಗನ್ ಕಾರುಗಳ ಬಗ್ಗೆ ಪ್ರತಿಯೊಬ್ಬರಿಗೂ ಒಳ್ಳೆಯ ಅಭಿಪ್ರಾಯ ಕೂಡಾ ಇದೆ.

Picture Credit: Volkswagen Technicians Shakun Motors Jodhpur - Rajsthan

ಇದು ಈ ಹಿಂದಿನ ಹಲವು ಕ್ರ್ಯಾಶ್ ಟೆಸ್ಟಿಂಗ್‌ನಲ್ಲೂ ಸಹ ಸಾಬೀತಾಗಿದ್ದು, ಒಂದು ವೇಳೆ ನೀವು ಕೂಡಾ ಫೋಕ್ಸ್‌ವ್ಯಾಗನ್ ಕಾರುಗಳ ಗುಣಮಟ್ಟದ ಬಗ್ಗೆ ಅಭಿಪ್ರಾಯಗಳಿದ್ದಲ್ಲಿ ಹಂಚಿಕೊಳ್ಳಬಹುದಾಗಿದೆ.