ಹೊಸ ಹೈಬ್ರಿಡ್ ಸೂಪರ್ ಕಾರನ್ನು ಅನಾವರಣಗೊಳಿಸಿದ ಫೆರಾರಿ

ಫೆರಾರಿ ಕಂಪನಿಯು ತನ್ನ ಕಾರು ಪ್ರಿಯರಿಗಾಗಿ ಓಪನ್ ಹಾಗೂ ಕ್ಲೋಸ್ ರೂಫ್ ಗಳನ್ನು ಹೊಂದಿರುವ ಹೊಸ ಹೈ-ಪರ್ಫಾಮೆನ್ಸ್ ಕನ್ವರ್ಟಿಬಲ್ ಕಾರು ಮಾದರಿಯನ್ನು ಅನಾವರಣಗೊಳಿಸಿದೆ. ಫೆರಾರಿ ಎಸ್‌ಎಫ್ -90 ಸ್ಪೈಡರ್ ಎಂಬ ಹೆಸರಿನ ಈ ಕಾರಿನಲ್ಲಿರುವ ಎಂಜಿನ್ 1,000 ಬಿಹೆಚ್‌ಪಿ ಪವರ್ ಉತ್ಪಾದಿಸುವ ಸಾಮರ್ಥ್ಯವನ್ನು ಹೊಂದಿದೆ.

ಈ ಕಾರನ್ನು ಫೆರಾರಿ ಕಂಪನಿಯ ಕನ್ವರ್ಟಿಬಲ್ ಕಾರುಗಳಲ್ಲಿ ಹೆಚ್ಚು ಎಫಿಶಿಯಂಟ್ ಕಾರು ಎಂದು ಹೇಳಲಾಗಿದೆ. ಫೆರಾರಿ ಕಾರ್ ರೇಸಿಂಗ್ ತಂಡದ 90ನೇ ವಾರ್ಷಿಕೋತ್ಸವದ ಹಿನ್ನೆಲೆಯಲ್ಲಿ ಫೆರಾರಿ ಎಸ್‌ಎಫ್ -90 ಸ್ಪೈಡರ್ ಕಾರನ್ನು ಅನಾವರಣಗೊಳಿಸಲಾಗಿದೆ.

MOSTREAD: ಟ್ರ್ಯಾಕ್ಟರ್‌ಗಳ ಹಿಂಭಾಗದಲ್ಲಿ ದೊಡ್ಡ ಗಾತ್ರದ ಟಯರ್‌ಗಳಿರಲು ಕಾರಣಗಳಿವು

ಈ ಕಾರು ಪೆಟ್ರೋಲ್ ಎಂಜಿನ್ ಹಾಗೂ ಎಲೆಕ್ಟ್ರಿಕ್ ಮೋಟರ್‌ಗಳೊಂದಿಗೆ ಕಾರ್ಯನಿರ್ವಹಿಸುವ ಹೈಬ್ರಿಡ್ ಟೆಕ್ನಾಲಜಿಯನ್ನು ಹೊಂದಿದೆ. ಈ ಕಾರಿನಲ್ಲಿ ಫೆರಾರಿ ಕಂಪನಿಯ ವಿ 8 ಸಿಲಿಂಡರ್ ಸಿಸ್ಟಂ ಹೊಂದಿರುವ 4.0 ಲೀಟರಿನ ಟ್ವಿನ್ ಟರ್ಬೊ ಪೆಟ್ರೋಲ್ ಎಂಜಿನ್ ಅಳವಡಿಸಲಾಗಿದೆ.

ಈ ಎಂಜಿನ್ 780 ಬಿಹೆಚ್‌ಪಿ ಪವರ್ ಉತ್ಪಾದಿಸುತ್ತದೆ. ಈ ಕಾರಿನಲ್ಲಿರುವ ಎಲ್ಲಾ ಮೂರು ಎಲೆಕ್ಟ್ರಿಕ್ ಮೋಟರ್‌ಗಳು ಒಟ್ಟಿಗೆ ಕಾರ್ಯನಿರ್ವಹಿಸುತ್ತವೆ. ಈ ಎಲೆಕ್ಟ್ರಿಕ್ ಮೋಟರ್‌ಗಳು ಒಟ್ಟಾಗಿ 220 ಬಿಹೆಚ್‌ಪಿ ಪವರ್ ಉತ್ಪಾದಿಸುತ್ತವೆ.

MOSTREAD: ಚಿಕ್ಕ ಜಾಗದಲ್ಲಿ ದೊಡ್ಡ ಕಾರನ್ನು ಪಾರ್ಕ್ ಮಾಡಿದ ಅಪ್ರತಿಮ ಚಾಲಕನನ್ನು ಸನ್ಮಾನಿಸಿದ ಟೊಯೊಟಾ ಡೀಲರ್

ಇದರಿಂದಾಗಿ ಪೆಟ್ರೋಲ್ ಎಂಜಿನ್ ಹಾಗೂ ಎಲೆಕ್ಟ್ರಿಕ್ ಮೋಟರ್‌ಗಳು ಒಟ್ಟಾರೆಯಾಗಿ 1,000 ಬಿಹೆಚ್‌ಪಿ ಪವರ್ ಉತ್ಪಾದಿಸುವ ಸಾಮರ್ಥ್ಯವನ್ನು ಹೊಂದಿವೆ. ಈ ಎಂಜಿನ್ ಎಲ್ಲಾ ನಾಲ್ಕು ವ್ಹೀಲ್ ಗಳಿಗೆ 8-ಸ್ಪೀಡಿನ ಡ್ಯುಯಲ್ ಕ್ಲಚ್ ಗೇರ್ ಬಾಕ್ಸ್ ಮೂಲಕ ಪವರ್ ಕಳುಹಿಸುತ್ತದೆ.

ಹೊಸ ಫೆರಾರಿ ಎಸ್‌ಎಫ್ -90 ಸ್ಪೈಡರ್ ಕೇವಲ 2.5 ಸೆಕೆಂಡುಗಳಲ್ಲಿ 0-100 ಕಿ.ಮೀ ವೇಗವನ್ನು ಆಕ್ಸಲರೇಟ್ ಮಾಡುತ್ತದೆ. ಈ ಕಾರಿನ ಟಾಪ್ ಸ್ಪೀಡ್ ಗಂಟೆಗೆ 340 ಕಿ.ಮೀಗಳಾಗಿದೆ. ಪೆಟ್ರೋಲ್ ಎಂಜಿನ್ ಅನ್ನು ಆಫ್ ಮಾಡಿ, ಕಾರನ್ನು ಎಲೆಕ್ಟ್ರಿಕ್ ಮೋಟರ್'ಗಳ ಸಹಾಯದಿಂದ ಗಂಟೆಗೆ 30 ಕಿ.ಮೀ ವೇಗದಲ್ಲಿ ಚಾಲನೆ ಮಾಡಬಹುದು.

MOSTREAD: ಲಾಕ್‌ಡೌನ್ ನಿಂದ ಕೆಲಸ ಕಳೆದುಕೊಂಡವ ಇಂದು ವಿಶ್ವ ವಿಖ್ಯಾತ ವ್ಯಕ್ತಿ

ಹೊಸ ಫೆರಾರಿ ಎಸ್‌ಎಫ್ -90 ಸ್ಪೈಡರ್ ಕಾರಿನಲ್ಲಿ ಓಪನ್ ಮಾಡುವ ಹಾಗೂ ಕ್ಲೋಸ್ ಮಾಡುವ ಫೀಚರ್ ಹೊಂದಿರುವ ಹಾರ್ಡ್ ಟಾಪ್ ನೀಡಲಾಗಿದೆ.ರೂಫ್ ಸಿಸ್ಟಂ 14 ಸೆಕೆಂಡುಗಳಲ್ಲಿ ಓಪನ್ ಆಗುವ ಸಾಮರ್ಥ್ಯವನ್ನು ಹೊಂದಿದೆ ಎಂದು ಹೇಳಲಾಗಿದೆ.

ಈ ಸಿಸ್ಟಂ, ರೂಫ್ ಅನ್ನು ಓಪನ್ ಮಾಡಲು ಹಾಗೂ ಕ್ಲೋಸ್ ಮಾಡಲು ಸಾಧ್ಯವಾಗುವಂತೆ ಹಿಂಭಾಗದ ವಿಂಡೋಗಳನ್ನು ಮೇಲಕ್ಕೆರಿಸುವ ಸೌಲಭ್ಯವನ್ನೂ ಸಹ ಹೊಂದಿದೆ. ಈ ಹೊಸ ಕಾರನ್ನು ಭಾರತದಲ್ಲಿ ಬಿಡುಗಡೆಗೊಳಿಸುವ ಬಗ್ಗೆ ಯಾವುದೇ ಮಾಹಿತಿ ಲಭ್ಯವಾಗದೇ ಇದ್ದರೂ, ಈ ಕಾರು ಭಾರತಕ್ಕೂ ಕಾಲಿಡುವ ನಿರೀಕ್ಷೆಗಳಿವೆ.