ಸದ್ಯದಲ್ಲೇ ಸೇವೆ ಆರಂಭಿಸಲಿವೆ ಹಾರುವ ಕಾರುಗಳು

ವರದಿಗಳ ಪ್ರಕಾರ, ಡಚ್ ಮೂಲದ ಪಾಲ್ ವಿ ಕಂಪನಿಯು ಹಾರಾಡುವ ಕಾರುಗಳನ್ನು ಭಾರತದಲ್ಲಿ ಬಿಡುಗಡೆಗೊಳಿಸುವ ನಿಟ್ಟಿನಲ್ಲಿ ಕೇಂದ್ರ ಸರ್ಕಾರದೊಂದಿಗೆ ಮಾತುಕತೆ ನಡೆಸುತ್ತಿದೆ. ಪಾಲ್ ವಿ ಕಂಪನಿಯು ಹಾರಾಡುವ ಕಾರುಗಳನ್ನು ಅಭಿವೃದ್ಧಿಪಡಿಸುತ್ತಿದೆ.

ಪಾಲ್ ವಿ ಪ್ರಪಂಚದಲ್ಲಿಯೇ ಮೊದಲ ಬಾರಿಗೆ ಹಾರಾಡುವ ಕಾರುಗಳನ್ನು ಅಭಿವೃದ್ಧಿಪಡಿಸುತ್ತಿದೆ. ಶೀಘ್ರದಲ್ಲಿಯೇ ಪಾಲ್ ವಿ ಕಂಪನಿಯ ಕಾರುಗಳು ಪ್ರಪಂಚದ ಬಹುತೇಕ ಎಲ್ಲಾ ದೇಶಗಳ ಆಗಸದಲ್ಲಿ ಹಾರಾಡಲಿವೆ. ಇದಕ್ಕಾಗಿ ಹಲವಾರು ದೇಶಗಳೊಂದಿಗೆ ಮಾತುಕತೆ ನಡೆಸಲಾಗುತ್ತಿದೆ.

ಇತ್ತೀಚಿಗೆ ಪಾಲ್ ವಿ ಕಂಪನಿಯು ಪ್ರಧಾನ ಮಂತ್ರಿ ನರೇಂದ್ರ ಮೋದಿಯವರೊಂದಿಗೆ ಹಾರಾಡುವ ಕಾರುಗಳನ್ನು ಬಿಡುಗಡೆಗೊಳಿಸುವ ಕುರಿತು ಮಾತುಕತೆ ನಡೆಸಿತ್ತು. ಈ ಮಾತುಕತೆಯು ಯಶಸ್ವಿಯಾದರೆ ಶೀಘ್ರದಲ್ಲಿಯೇ ಹಾರಾಡುವ ಕಾರುಗಳನ್ನು ಬಾಡಿಗೆಗೆ ನೀಡಲಾಗುವುದು.

ಮೊದಲಿಗೆ ಈ ಸೇವೆಯನ್ನು ಭಾರತದ ಪ್ರಮುಖ ನಗರಗಳಲ್ಲಿ ನೀಡಲಾಗುವುದು. ನಂತರದ ದಿನಗಳಲ್ಲಿ ಹಂತ ಹಂತವಾಗಿ ಈ ಸೇವೆಯನ್ನು ಇತರ ನಗರಗಳಿಗೆ ವಿಸ್ತರಿಸಲಾಗುವುದು. 2012ರಲ್ಲಿ ಪಾಲ್ ವಿ ಈ ಹಾರಾಡುವ ಕಾರುಗಳನ್ನು ಕಾನ್ಸೆಪ್ಟ್ ಮಾದರಿಯಾಗಿ ಪ್ರದರ್ಶಿಸಿತ್ತು.

ಪಾಲ್ ವಿ ಕಂಪನಿಯು ಈ ಕಾರುಗಳನ್ನು ಬಹುವಿಧದ ಬಳಕೆಗಾಗಿ ಅಭಿವೃದ್ಧಿಪಡಿಸುತ್ತಿದೆ. ಇದರ ಜೊತೆಗೆ ಈ ಕಾರ್ ಅನ್ನು ಖರೀದಿಸ ಬಯಸುವ ಖಾಸಗಿ ವ್ಯಕ್ತಿಗಳಿಗೆ ಈ ಕಾರ್ ಅನ್ನು ಮಾರಾಟ ಮಾಡಲಿದೆ. ಈ ಹಾರಾಡುವ ಕಾರುಗಳು ಚಾಲ್ತಿಯಲ್ಲಿರುವ ಅಂತರ್‍‍ರಾಷ್ಟ್ರೀಯ ನಿಯಮಗಳಿಗೆ ಅನುಸಾರವಾಗಿ ಕಾರ್ಯಾಚರಿಸಬೇಕಾಗುತ್ತದೆ.

ಈ ಹಾರಾಡುವ ಕಾರುಗಳಿಗಾಗಿ ಪಾಲ್ ವಿ ಕಂಪನಿಯು ಪ್ರತ್ಯೇಕವಾದ ತರಬೇತಿಯನ್ನು ನೀಡಲಿದೆ. ಈ ತರಬೇತಿಯು 35ರಿಂದ 40 ಗಂಟೆಗಳವರೆಗೆ ಇರಲಿದೆ. ಈ ಹಾರಾಡುವ ಕಾರುಗಳು ಹಾರಾಡುವ ವೇಳೆಯಲ್ಲಿ ಹಲವು ಕಠಿಣ ಪರಿಸ್ಥಿತಿಗಳು ಎದುರಾಗಲಿವೆ.

ಈ ಹಾರಾಡುವ ಕಾರುಗಳಿಂದ ವಿಮಾನಗಳಿಗೆ ಯಾವುದೇ ತೊಂದರೆಯಾಗದಂತೆ ನೋಡಿಕೊಳ್ಳಬೇಕಾಗುತ್ತದೆ. ಒಂದು ವೇಳೆ ಅನಾಹುತ ಸಂಭವಿಸಿದರೆ ಭಾರೀ ಪ್ರಮಾಣದ ಸಾವು - ನೋವು ಎದುರಾಗಲಿದೆ.

ಈ ಕಾರಣಕ್ಕೆ ಹಾರಾಡುವ ಕಾರುಗಳಿಗಾಗಿಯೇ ಪ್ರತ್ಯೇಕವಾದ ನಿಯಮಗಳ ಅಗತ್ಯವಿದೆ. ಇದನ್ನು ಪರಿಶೀಲಿಸುತ್ತಿರುವುದಾಗಿ ಪಾಲ್ ವಿ ಕಂಪನಿಯ ಅಧಿಕಾರಿ ಜೆನ್ನಿಫರ್ ಕಾರ್ನಿಂಗ್‍‍ರವರು ತಿಳಿಸಿದ್ದಾರೆ. ಈ ಹಾರಾಡುವ ಕಾರುಗಳು ಎಲೆಕ್ಟ್ರಿಕ್ ವಾಹನಗಳಾಗಿರಲಿವೆ.

ಈ ಎಲೆಕ್ಟ್ರಿಕ್ ಕಾರುಗಳು ಪೂರ್ತಿಯಾಗಿ ಚಾರ್ಜ್ ಆದ ನಂತರ ಎಷ್ಟು ದೂರದವರೆಗೆ ಚಲಿಸುತ್ತವೆ ಎಂಬ ಮಾಹಿತಿ ಲಭ್ಯವಾಗಿಲ್ಲ. ಈ ಮಾಹಿತಿಗಳು ಶೀಘ್ರದಲ್ಲಿಯೇ ಲಭ್ಯವಾಗುವ ಸಾಧ್ಯತೆಗಳಿವೆ. ಈ ಹಾರಾಡುವ ಕಾರುಗಳ ಮತ್ತಷ್ಟು ಪರೀಕ್ಷೆಗಳು ಭಾರತದ ಆಗಸದಲ್ಲಿ ಶೀಘ್ರದಲ್ಲಿಯೇ ಆರಂಭವಾಗಲಿವೆ.