ಅದ್ಭುತವೆನಿಸುವ ರೀತಿಯಲ್ಲಿ ಮಾಡಿಫೈಗೊಂಡ ಮಹೀಂದ್ರಾ ಇನ್ವೆಡರ್

ಆದರೆ ಈಗಾಗಲೇ ಇನ್ವೆಡರ್ ಎಸ್‌ಯುವಿಯನ್ನು ಖರೀದಿಸಿರುವರೊಬ್ಬರು ಅದನ್ನು ಅದ್ಭುತವೆನಿಸುವ ರೀತಿಯಲ್ಲಿ ಮಾಡಿಫೈಗೊಳಿಸಿದ್ದಾರೆ. ಇತ್ತೀಚೆಗೆ ಮಾಡಿಫೈಗೊಂಡಿರುವ ಇನ್ವೆಡರ್ ಎಸ್‌ಯುವಿಯ ವೀಡಿಯೊ ಬಿಡುಗಡೆಯಾಗಿದೆ. ಈ ಎಸ್‌ಯುವಿಯನ್ನು ಆಫ್ ರೋಡ್ ಗೆ ತಕ್ಕಂತೆ ಮಾಡಿಫೈ ಮಾಡಲಾಗಿದೆ. ಈ ಎಸ್‌ಯುವಿಯ ಹೊರಭಾಗವು ಮಸ್ಟರ್ಡ್ ಯೆಲ್ಲೊ ಬಣ್ಣವನ್ನು ಹೊಂದಿದ್ದು, ಆಕರ್ಷಕವಾಗಿ ಕಾಣುತ್ತದೆ.

ಈ ಎಸ್‌ಯುವಿಯ ಮುಂಭಾಗದಲ್ಲಿ ಕಸ್ಟಮ್ ಆಫ್-ರೋಡ್ ಬಂಪರ್ ಅನ್ನು ಅಳವಡಿಸಲಾಗಿದೆ. ಇದರ ಜೊತೆಗೆ ಮಧ್ಯದಲ್ಲಿ ಎರಡು ಹೆಚ್ಚುವರಿ ಲ್ಯಾಂಪ್ ಹಾಗೂ ಎಲ್‌ಇಡಿ ಫಾಗ್ ಲ್ಯಾಂಪ್ ಗಳನ್ನು ಅಳವಡಿಸಲಾಗಿದ್ದು, ಹಳೆಯ ಬಂಪರ್ ಅನ್ನು ತೆಗೆದುಹಾಕಲಾಗಿದೆ. ಈ ಎಸ್‌ಯುವಿಯನ್ನು 8-9 ಇಂಚುಗಳಷ್ಟು ಮೇಲಕ್ಕೆ ಎತ್ತರಿಸಲಾಗಿದೆ.

MOSTREAD: ಇನ್ನು ಮುಂದೆ ಈ ಬಣ್ಣದ ಕಾರುಗಳ ನೋಂದಣಿ ಕಾನೂನುಬದ್ದ

ಇದರ ಜೊತೆಗೆ ಮಹೀಂದ್ರಾ ಇನ್ವೆಡರ್‌ನಲ್ಲಿ 35 ಇಂಚಿನ ಟಯರ್‌ಗಳನ್ನು ಅಳವಡಿಸಲಾಗಿದೆ. ಈ ಎಸ್‌ಯುವಿ ಐರನ್ ಮನ್ ಸಸ್ಪೆಂಷನ್ ಗಳನ್ನು ಹೊಂದಿದೆ. ಇದರ ರೂಫ್ ಮೇಲೆ ಎಲ್ಇಡಿ ಬಾರ್ ಅಳವಡಿಸಲಾಗಿದೆ. ವ್ಹೀಲ್ ಆರ್ಕ್ ಗಳನ್ನು ಸಹ ಮಾಡಿಫೈ ಮಾಡಲಾಗಿದೆ.

ಈ ಕಾರಿನ ಹಿಂಭಾಗದಲ್ಲಿ ಆಫ್ ರೋಡ್ ಬಂಪರ್, ಆಫ್ಟರ್ ಮಾರ್ಕೆಟ್ ಎಲ್ಇಡಿ ಟೇಲ್ ಲೈಟ್ ಹಾಗೂ ಟೇಲ್ ಗೇಟ್ ನಲ್ಲಿ ಹೆಚ್ಚುವರಿ ವ್ಹೀಲ್ ಅಳವಡಿಸಲಾಗಿದೆ. ಈ ಎಸ್‌ಯುವಿಯಲ್ಲಿ ಡೋರು ತೆರೆದಾಗ ಮಾತ್ರ ತೆರೆದುಕೊಳ್ಳುವ ಪವರ್ ಸೈಡ್ ಸ್ಟೆಪ್ ನೀಡಲಾಗಿದೆ. ಈ ಎಸ್‌ಯುವಿಯ ಇಂಟಿರಿಯರ್ ನಲ್ಲಿಯೂ ಅನೇಕ ಬದಲಾವಣೆಗಳನ್ನು ಮಾಡಲಾಗಿದೆ.

MOST READ:ಒಂದು ವರ್ಷದಿಂದ ಚಲಿಸಿದರೂ ಇನ್ನೂ ಗುರಿ ಮುಟ್ಟದ ಟ್ರಕ್

ಮಹೀಂದ್ರಾ ಇನ್ವೆಡರ್‌ ನ ಇಂಟಿರಿಯರ್ ಕಪ್ಪು ಬಣ್ಣವನ್ನು ಹೊಂದಿದೆ. ಅದರ ಡ್ಯಾಶ್‌ಬೋರ್ಡ್ ಅನ್ನು ಸಾಮಾನ್ಯ ರೀತಿಯಲ್ಲಿರಿಸಲಾಗಿದೆ. ಈ ಎಸ್‌ಯುವಿಯಲ್ಲಿ ಟಚ್‌ಸ್ಕ್ರೀನ್ ಇನ್ಫೋಟೇನ್‌ಮೆಂಟ್ ಸಿಸ್ಟಂ, ಹಿಂಭಾಗದಲ್ಲಿ ಸ್ಪೀಕರ್ ಹಾಗೂ ವೂಫರ್, ಹಿಂಭಾಗದ ಪ್ರಯಾಣಿಕರಿಗಾಗಿ ಫ್ರಂಟ್ ಫೇಸಿಂಗ್ ಸೀಟುಗಳನ್ನು ನೀಡಲಾಗಿದೆ.

ಈ ಮಹೀಂದ್ರಾ ಇನ್ವೆಡರ್‌ ಈ ಎಸ್‌ಯುವಿಯಲ್ಲಿ ಸ್ಕಾರ್ಪಿಯೋ ಡಿಐ ಟರ್ಬೊ ಡೀಸೆಲ್ ಎಂಜಿನ್‌ ಅಳವಡಿಸಲಾಗಿದೆ. ಏರ್ ಫಿಲ್ಟರ್ ಅನ್ನು ಸಹ ಬದಲಿಸಲಾಗಿದೆ. ಒಟ್ಟಾರೆಯಾಗಿ ಮಹೀಂದ್ರಾ ಇನ್ವೆಡರ್‌ ಎಸ್‌ಯುವಿಯನ್ನು ಸರಳವಾಗಿ ಆದರೆ ಅದ್ಭುತವಾಗಿ ಮಾಡಿಫೈಗೊಂಡಿರುವುದನ್ನು ವೀಕೆಂಡ್ ಆನ್ ವೀಲ್ಸ್ # ವಾಹ್ ಚಿತ್ರಗಳಲ್ಲಿ ಕಾಣಬಹುದು.

ಈ ಮಹೀಂದ್ರಾ ಇನ್ವೆಡರ್‌ ಎಸ್‌ಯುವಿಯನ್ನು ಮಾಡಿಫೈಗೊಳಿಸಲು ಎಷ್ಟು ಖರ್ಚು ಮಾಡಲಾಗಿದೆ ಎಂಬುದನ್ನು ಬಹಿರಂಗಪಡಿಸಿಲ್ಲ. ಮಹೀಂದ್ರಾ ಕಂಪನಿಯು ತನ್ನ ಜನಪ್ರಿಯ ಎಸ್‌ಯುವಿಯಾದ ಥಾರ್ ಅನ್ನು ಶೀಘ್ರದಲ್ಲೇ ದೇಶಿಯ ಮಾರುಕಟ್ಟೆಯಲ್ಲಿ ಬಿಡುಗಡೆಗೊಳಿಸಲಿದೆ.