ಸ್ವಾತಂತ್ರ್ಯಸಂಭ್ರಮ: ಭಾರತದ ರಾಷ್ಟ್ರಪತಿಗಳ ಅಧಿಕೃತ ಕಾರಿನ ಸಂಪೂರ್ಣ ವಿವರಗಳಿವು

ಇಂತಹ ಉನ್ನತ ಸ್ಥಾನದಲ್ಲಿರುವ ರಾಷ್ಟ್ರಪತಿಗಳು ಅನೇಕ ಅಪಾಯಗಳನ್ನು ಎದುರಿಸುವುದು ಸಹಜ. ಈ ಹಿನ್ನೆಲೆಯಲ್ಲಿ ರಾಷ್ಟ್ರಪತಿಗಳ ಸಂಚಾರಕ್ಕೆ ಸುರಕ್ಷಿತ ಕಾರಿನ ಅವಶ್ಯಕತೆ ಇದೆ. ಈ ಕಾರಣಕ್ಕೆ ರಾಷ್ಟ್ರಪತಿ ರಾಮ್ ನಾಥ್ ಕೋವಿಂದ್ ರವರು ಮರ್ಸಿಡಿಸ್ ಮೇಬ್ಯಾಕ್ ಎಸ್ 600 ಪುಲ್ಮನ್ ಕಾರ್ ಅನ್ನು ಬಳಸುತ್ತಾರೆ. ಈ ಕಾರು ಭಾರತದ ರಾಷ್ಟ್ರಪತಿಗಳ ಅಧಿಕೃತ ಕಾರು. ಈ ಕಾರನ್ನು ರಾಷ್ಟ್ರಪತಿಗಳ ಅಧಿಕೃತ ಕಾರ್ಯಕ್ರಮಗಳಲ್ಲಿ ಕಾಣಬಹುದು.

ಮರ್ಸಿಡಿಸ್ ಮೇಬ್ಯಾಕ್ ಎಸ್ 600 ಪುಲ್ಮನ್ ವಿಶ್ವದ ಅತಿ ಸುರಕ್ಷಿತ ಕಾರುಗಳಲ್ಲಿ ಒಂದಾಗಿದೆ. ರಾಷ್ಟ್ರಪತಿಗಳು ಸೇರಿದಂತೆ ದೇಶದ ಅತಿ ಗಣ್ಯ ವ್ಯಕ್ತಿಗಳು ಈ ಕಾರನ್ನು ಬಳಸುತ್ತಾರೆ. ಎಸ್ 600 ಪುಲ್ಮನ್ ಕಾರು ಅನೇಕ ಸುರಕ್ಷತಾ ಫೀಚರ್ ಹಾಗೂ ಎಕ್ವಿಪ್ ಮೆಂಟ್ ಗಳನ್ನು ಹೊಂದಿದೆ.

MOST READ:ಒಂದು ವರ್ಷದಿಂದ ಚಲಿಸಿದರೂ ಇನ್ನೂ ಗುರಿ ಮುಟ್ಟದ ಟ್ರಕ್

ಮರ್ಸಿಡಿಸ್ ಬೆಂಝ್ ಎಸ್-ಕ್ಲಾಸ್ ಎಸ್ 600 ಕಾರಿನ ಸುರಕ್ಷತಾ ಫೀಚರ್ ಗಳ ಬಗ್ಗೆ ಹೇಳುವುದಾದರೆ ಈ ಕಾರು ವಿಆರ್ 10 ಮಟ್ಟದ ಬ್ಯಾಲಿಸ್ಟಿಕ್ ರಕ್ಷಣೆಯನ್ನು ಹೊಂದಿದೆ. ಇದು ಕಾರು ಹ್ಯಾಂಡ್ ಗ್ರೆನೇಡ್‌ಗಳಿಂದ ಮೆಷಿನ್ ಗನ್‌ಗಳವರೆಗಿನ ದಾಳಿಯನ್ನು ತಡೆದುಕೊಳ್ಳಬಲ್ಲದು. ಅತಿದೊಡ್ಡ ದಾಳಿಯಿಂದ ಒಳಗಿರುವವರನ್ನು ರಕ್ಷಿಸುತ್ತದೆ.

ಈ ಲಿಮೋಸಿನ್‌ ಕಾರಿನಲ್ಲಿ ಅನಿಲ ದಾಳಿಯಿಂದ ಪ್ರಯಾಣಿಕರನ್ನು ರಕ್ಷಿಸಲು ಆಕ್ಸಿಜನ್ ಟ್ಯಾಂಕ್ ನೀಡಲಾಗಿದೆ. ಇದರ ಜೊತೆಗೆ ಅಂಡರ್ ಬಾಡಿ ಆರ್ಮರ್ ಪ್ಲೇಟಿಂಗ್, ಬುಲೆಟ್ ಪ್ರೂಫ್ ಗ್ಲಾಸ್, ಅಲಾಯ್ ವ್ಹೀಲ್ ಸೇರಿದಂತೆ ಹಲವಾರು ಫೀಚರ್ ಗಳನ್ನು ನೀಡಲಾಗಿದೆ. ಈ ಸುರಕ್ಷತಾ ಫೀಚರ್ ಗಳು ಹೊರಭಾಗಕ್ಕೆ ಮಾತ್ರ ಸೀಮಿತವಾಗಿಲ್ಲ.

MOSTREAD: ಇನ್ನು ಮುಂದೆ ಈ ಬಣ್ಣದ ಕಾರುಗಳ ನೋಂದಣಿ ಕಾನೂನುಬದ್ದ

ಮರ್ಸಿಡಿಸ್ ಬೆಂಝ್ ಎಸ್-ಕ್ಲಾಸ್ ಎಸ್ 600 ಹೆಚ್ಚುವರಿ ಬ್ರೇಸ್ ಹಾಗೂ ಸ್ಟೀಲ್ ಸ್ಪ್ರಿಂಗ್‌ನೊಂದಿಗೆ ರೀ ಎನ್ ಫೋರ್ಸ್ ಸಸ್ಪೆಂಷನ್ ಎಕ್ವಿಪ್ ಮೆಂಟ್ ಗಳನ್ನು ಹೊಂದಿದೆ. ಈ ಕಾರು ಹೆಚ್ಚು ಆಕ್ಸಲರೇಷನ್ ಗಾಗಿ ದೊಡ್ಡ ಗಾತ್ರದ ಬ್ರೇಕ್, ರನ್-ಫ್ಲಾಟ್ ಟಯರ್‌ಗಳೊಂದಿಗೆ ವಿಶೇಷವಾದ ಇನ್ನರ್ ವ್ಹೀಲ್ ಗಳನ್ನು ಹೊಂದಿದೆ.

ಈ ಸುರಕ್ಷತಾ ಫೀಚರ್ ಹಾಗೂ ಎಕ್ವಿಪ್ ಮೆಂಟ್ ಗಳ ಹೊರತಾಗಿ, 21.3 ಅಡಿ ಉದ್ದದ ಈ ಲಿಮೋಸಿನ್‌ ಕಾರು ಹಲವಾರು ಐಷಾರಾಮಿ ಫೀಚರ್ ಗಳನ್ನು ಹೊಂದಿದೆ. ಅನೇಕ ಸುರಕ್ಷತಾ ಫೀಚರ್ ಗಳಿರುವ ಕಾರಣಕ್ಕೆ ಈ ಕಾರಿನ ತೂಕವು 5 ಟನ್‌ಗಳಿಗಿಂತ ಹೆಚ್ಚಾಗಿದೆ. ರಾಷ್ಟ್ರಪತಿಗಳ ಕಾರಿನಲ್ಲಿರುವ ಫೀಚರ್, ಎಕ್ವಿಪ್ ಮೆಂಟ್ ಹಾಗೂ ಸ್ಪೇಸಿಫಿಕೇಷನ್ ಬಗ್ಗೆ ರಹಸ್ಯ ಕಾಯ್ದುಕೊಳ್ಳಲಾಗಿದೆ.

MOSTREAD: ಟೊಯೊಟಾ ಇನೋವಾ ಕ್ರಿಸ್ಟಾ ಕಾರಿನ ರೂಫ್ ಸೀಳಿದ ಬಂಡೆ

ಮರ್ಸಿಡಿಸ್ ಬೆಂಝ್ ಎಸ್-ಕ್ಲಾಸ್ ಎಸ್ 600 ಕಾರಿನಲ್ಲಿ 6.0-ಲೀಟರಿನ ಟ್ವಿನ್ ಟರ್ಬೊ ವಿ 12 ಎಂಜಿನ್ ಅಳವಡಿಸಲಾಗಿದೆ. ಈ ಎಂಜಿನ್ 530 ಬಿಹೆಚ್‌ಪಿ ಪವರ್ ಹಾಗೂ 830 ಎನ್ಎಂ ಟಾರ್ಕ್ ಉತ್ಪಾದಿಸುತ್ತದೆ. ಭಾರತದ ರಾಷ್ಟ್ರಪತಿಗಳು ಈ ವರ್ಷ ಹೊಸ ಕಾರು ಖರೀದಿಸಬೇಕಿತ್ತು. ಆದರೆ ಕೋವಿಡ್ -19 ಕಾರಣದಿಂದ ಉದ್ಭವಿಸಿರುವ ಆರ್ಥಿಕ ಬಿಕ್ಕಟ್ಟಿನ ಕಾರಣಕ್ಕಾಗಿ ಹೊಸ ಕಾರು ಖರೀದಿ ಯೋಜನೆಯನ್ನು ಕೈಬಿಟ್ಟಿದ್ದಾರೆ.

ಮರ್ಸಿಡಿಸ್ ಬೆಂಝ್ ಎಸ್-ಕ್ಲಾಸ್ ಎಸ್ 600 ದೇಶದ ಮೊದಲ ಮಹಿಳಾ ರಾಷ್ಟ್ರಪತಿಗಳಾಗಿದ್ದ ಪ್ರತಿಭಾ ಪಾಟೀಲ್ ರವರ ಅಧಿಕೃತ ಕಾರು ಸಹ ಆಗಿತ್ತು.ಪ್ರತಿಭಾ ಪಾಟೀಲ್ ರವರು ಮರ್ಸಿಡಿಸ್ ಬೆಂಝ್ ಎಸ್-ಕ್ಲಾಸ್ ಡಬ್ಲ್ಯು 140 ಲಿಮೋಸಿನ್ ಕಾರಿನ ಬದಲಿಗೆ ಎಸ್-ಕ್ಲಾಸ್ ಎಸ್ 600 ಪುಲ್ಮನ್ ಕಾರಿನ ಬಳಕೆಯನ್ನು ಆರಂಭಿಸಿದರು.