ಸಂಭಾವ್ಯ ದೋಷಗಳ ಕಾರಣ ನೀಡಿ ಗ್ರಾಹಕರಿಂದ 44 ಸಾವಿರ ಕಾರುಗಳನ್ನು ಹಿಂಪಡೆದ ಕಿಯಾ ಇಂಡಿಯಾ

ಏರ್‌ಬ್ಯಾಗ್‌ಗಳ ಸುರಕ್ಷತೆಯನ್ನು ಖಚಿತಪಡಿಸಿಕೊಳ್ಳುವ ಉದ್ದೇಶದಿಂದ ಕಂಪನಿಯು ಕಾರೆನ್ಸ್‌ನ 44,174 ಘಟಕಗಳನ್ನು ಹಿಂಪಡೆದಿದೆ. ಏರ್‌ಬ್ಯಾಗ್ ಕಂಟ್ರೋಲ್ ಮಾಡ್ಯೂಲ್ ಸಾಫ್ಟ್‌ವೇರ್‌ನಲ್ಲಿ ಸಂಭಾವ್ಯ ದೋಷದಿಂದಾಗಿ ಕೊರಿಯಾದ ಆಟೋಮೊಬೈಲ್ ತಯಾರಕರು ಭಾರತದಲ್ಲಿ ತಮ್ಮ MPV ಕಿಯಾ ಕಾರೆನ್ಸ್‌ನ 44 ಸಾವಿರ ಘಟಕಗಳನ್ನು ಹಿಂಪಡೆದಿದ್ದಾರೆ.

ಕಿಯಾ ಇಂಡಿಯಾ ಇದನ್ನು ಸಾಫ್ಟ್‌ವೇರ್ ಅಪ್‌ಗ್ರೇಡ್‌ಗಾಗಿ ವಾಲೆಂಟರಿ ರೀಕಾಲ್ ಕ್ಯಾಂಪೈನ್ ಎಂದು ಹೇಳಿಕೊಂಡಿದೆ. ಬಿಡುಗಡೆ ಸಮಯದಲ್ಲಿ ಕಿಯಾ ಇಂಡಿಯಾ ನಿರ್ದಿಷ್ಟಪಡಿಸಿದ ಪ್ರಕಾರ, 'ಕಂಪನಿಯು ನಿಯಮಿತ ತಪಾಸಣೆ ಮತ್ತು ಕಾರುಗಳ ಕಠಿಣ ಪರೀಕ್ಷೆಯನ್ನು ನಡೆಸುತ್ತದೆ, ಇದನ್ನು ಕಿಯಾದ ಜಾಗತಿಕ ಮಾನದಂಡದಿಂದ ನಿಯಂತ್ರಿಸಲಾಗುತ್ತದೆ.

ಜವಾಬ್ದಾರಿಯುತ ಕಾರ್ಪೊರೇಟ್ ಆಗಿ, ಕಂಪನಿಯು ಸ್ವಯಂಪ್ರೇರಣೆಯಿಂದ ವಾಹನಗಳನ್ನು ತಪಾಸಣೆಗಾಗಿ ಹಿಂಪಡೆಯಲು ನಿರ್ಧರಿಸಿದೆ. ಅಗತ್ಯವಿದ್ದರೆ, ಸಾಫ್ಟ್‌ವೇರ್ ನವೀಕರಣವನ್ನು ಉಚಿತವಾಗಿ ಮಾಡಲಾಗುತ್ತದೆ. ಇದು ತಮ್ಮ ಗ್ರಾಹಕರಿಗೆ ಉತ್ತಮ ಗ್ರಾಹಕ ಅನುಭವವನ್ನು ಒದಗಿಸುವ ಯೋಜನೆಯ ಒಂದು ಭಾಗವಾಗಿದೆ ಎಂದು ಕಂಪನಿ ಹೇಳಿಕೊಂಡಿದೆ.

ಈ ಹಿಂಪಡೆಯುವಿಕೆಯಲ್ಲಿ ಕಿಯಾ ಇಂಡಿಯಾ ಏರ್‌ಬ್ಯಾಗ್ ಕಂಟ್ರೋಲ್ ಮಾಡ್ಯೂಲ್ (ACU) ಸಾಫ್ಟ್‌ವೇರ್‌ನಲ್ಲಿ ಸಂಭಾವ್ಯ ದೋಷಗಳನ್ನು ಪತ್ತೆಹಚ್ಚಲು ಕಾರೆನ್ಸ್ ಅನ್ನು ಪರಿಶೀಲಿಸಲಿದೆ. ಹಿಂಪಡಿಯುವಿಕೆ ಪ್ರಕ್ರಿಯೆಯನ್ನು ಸುಲಭಗೊಳಿಸಲು, ಸಮಸ್ಯೆಯ ಬಗ್ಗೆ ವಿವರಿಸಿ ನವೀಕರಿಸಲು ಕಾರೆನ್ಸ್ ಮಾಲೀಕರಿಗೆ ನೇರವಾಗಿ ತಲುಪುವುದಾಗಿ ಕಿಯಾ ಇಂಡಿಯಾ ಹೇಳಿದೆ.

ಸಮಸ್ಯೆಯುಳ್ಳ Kia Carens ಮಾಲೀಕರು ಅಪಾಯಿಂಟ್‌ಮೆಂಟ್ ಅನ್ನು ನಿಗದಿಪಡಿಸಲು ತಮ್ಮ ಹತ್ತಿರದ ಅಧಿಕೃತ Kia ಡೀಲರ್‌ಶಿಪ್‌ಗಳನ್ನು ಸಂಪರ್ಕಿಸುವ ಅಗತ್ಯವಿದೆ. ಗ್ರಾಹಕರು ಕಿಯಾ ಇಂಡಿಯಾದ ಅಧಿಕೃತ ವೆಬ್‌ಸೈಟ್, ಕಿಯಾ ಅಪ್ಲಿಕೇಶನ್‌ಗೆ ಭೇಟಿ ನೀಡಬಹುದು ಅಥವಾ ಕಿಯಾದ ಅಧಿಕೃತ ಕಾಲ್ ಸೆಂಟರ್ ಅನ್ನು ಸಂಪರ್ಕಿಸಬಹುದು.

ಕಿಯಾ ಈ ವರ್ಷದ ಆರಂಭದಲ್ಲಿ ಫೆಬ್ರವರಿಯಲ್ಲಿ ಭಾರತದಲ್ಲಿ ಕಾರೆನ್ಸ್ MPV ಅನ್ನು ಬಿಡುಗಡೆ ಮಾಡಿತ್ತು. ಕಾರೆನ್ಸ್ ಅನ್ನು ಭಾರತದಲ್ಲಿ 6 ಮತ್ತು 7 ಸೀಟ್ ಲೇಔಟ್ ಮತ್ತು 3 ಎಂಜಿನ್ ಆಯ್ಕೆಗಳೊಂದಿಗೆ ನೀಡಲಾಗುತ್ತದೆ. ಕಿಯಾ ಕಾರೆನ್ಸ್ ಆರಂಭಿಕ ಎಕ್ಸ್ ಶೋ ರೂಂ ಬೆಲೆಯು 9.59 ಲಕ್ಷ ರೂ. ಇದೆ.

ಕಿಯಾ ಸೆಲ್ಟೋಸ್‌ನಂತೆಯೇ ಅದೇ ಎಂಜಿನ್ ಮತ್ತು ಗೇರ್‌ಬಾಕ್ಸ್ ಸಂಯೋಜನೆಯೊಂದಿಗೆ ಕಾರೆನ್ಸ್ ಎಂಪಿವಿ ಕೂಡ ಬರುತ್ತದೆ. ಕಾರೆನ್ಸ್‌ನಲ್ಲಿನ ಶಕ್ತಿಶಾಲಿ ಎಂಜಿನ್ ಆಯ್ಕೆಯೆಂದರೆ 1.4-ಲೀಟರ್ GDI ಪೆಟ್ರೋಲ್ ಎಂಜಿನ್ ಆಗಿದ್ದು, 140 bhp ಪವರ್ ಅನ್ನು ಹೊರಹಾಕುವ ಸಾಮರ್ಥ್ಯವನ್ನು ಹೊಂದಿದೆ.

ಇದು 6-ಸ್ಪೀಡ್ ಮ್ಯಾನುವಲ್ ಮತ್ತು 7-ಸ್ಪೀಡ್ DCT ಸ್ವಯಂಚಾಲಿತ ಗೇರ್‌ಬಾಕ್ಸ್ ಸಂಯೋಜನೆಯೊಂದಿಗೆ ಬರುತ್ತದೆ. ಕಿಯಾ ಕಾರೆನ್ಸ್ 115 bhp ಶಕ್ತಿಯನ್ನು ಉತ್ಪಾದಿಸುವ 1.5-ಲೀಟರ್ ನ್ಯಾಚುರಲ್ ಆಸ್ಪಿರೇಟೆಡ್ ಪೆಟ್ರೋಲ್ ಎಂಜಿನ್‌ನೊಂದಿಗೂ ಲಭ್ಯವಿದೆ. ಈ ಎಂಜಿನ್ 6-ಸ್ಪೀಡ್ ಮ್ಯಾನುವಲ್ ಗೇರ್ ಬಾಕ್ಸ್ ಆಯ್ಕೆಯೊಂದಿಗೆ ಮಾತ್ರ ಲಭ್ಯವಿದೆ.

ಇನ್ನೊಂದು ಆಯ್ಕೆಯೆಂದರೆ 1.5-ಲೀಟರ್ CRDi ಡೀಸೆಲ್ ಎಂಜಿನ್ ಆಗಿದೆ. ಈ ಡೀಸೆಲ್ ಎಂಜಿನ್ 6-ಸ್ಪೀಡ್ ಮ್ಯಾನುವಲ್ ಅಥವಾ 6-ಸ್ಪೀಡ್ ಆಟೋಮ್ಯಾಟಿಕ್ ಆಯ್ಕೆಯೊಂದಿಗೆ 115 bhp ಅನ್ನು ಉತ್ಪಾದಿಸುತ್ತದೆ. ಸುರಕ್ಷತೆಯ ದೃಷ್ಟಿಯಿಂದ, ಕಿಯಾ MPV ಆರು ಏರ್‌ಬ್ಯಾಗ್‌ಗಳು, ISOFIX ಚೈಲ್ಡ್ ಸೀಟ್ ಮೌಂಟ್‌ಗಳು, ಹಿಂಭಾಗದ ಪಾರ್ಕಿಂಗ್ ಸೆನ್ಸಾರ್, ಟೈರ್ ಪ್ರೆಷರ್ ಮಾನಿಟರಿಂಗ್ ಸಿಸ್ಟಮ್, ಆಲ್ ವೀಲ್ ಡಿಸ್ಕ್ ಬ್ರೇಕ್‌ಗಳು, ESC, ABS ಮತ್ತು ಡೌನ್‌ಹಿಲ್ ಬ್ರೇಕ್ ನಿಯಂತ್ರಣದೊಂದಿಗೆ ಬರುತ್ತದೆ.

ಒಳಾಂಗಣವು ಕಾರೆನ್ಸ್ ಕ್ರಿಯೇಟರ್ ಕಂಫರ್ಟ್ ವೈಶಿಷ್ಟ್ಯಗಳೊಂದಿಗೆ ಬರುತ್ತದೆ, ಇದರಲ್ಲಿ Apple CarPlay ಮತ್ತು Android Auto ಜೊತೆಗೆ 10.25-ಇಂಚಿನ ಟಚ್‌ಸ್ಕ್ರೀನ್ ಇನ್ಫೋಟೈನ್‌ಮೆಂಟ್ ಸಿಸ್ಟಮ್, ಎಂಟು-ಸ್ಪೀಕರ್ ಬೋಸ್ ಸರೌಂಡ್ ಸೌಂಡ್ ಸಿಸ್ಟಮ್, 64-ಕಲರ್ ಆಂಬಿಯೆಂಟ್ ಲೈಟಿಂಗ್ ಮತ್ತು ಸನ್‌ರೂಫ್‌ನೊಂದಿಗೆ ಬರುತ್ತದೆ.

ಇದರ ಹೊರತಾಗಿ ಗ್ರಾಹಕರು ಕಿಯಾ ಕಾರೆನ್ಸ್‌ನಲ್ಲಿ ಎರಡನೇ ಸಾಲಿನ ಪ್ರಯಾಣಿಕರಿಗೆ ಮುಂಭಾಗದ ವೆಂಟಿಲೇಟೆಡ್ ಸೀಟುಗಳು, ಏರ್ ಪ್ಯೂರಿಫೈಯರ್ ಮತ್ತು ಒನ್-ಟಚ್ ಟಂಬಲ್ ಡೌನ್ ಫಂಕ್ಷನ್ ಸಹ ಪಡೆಯುತ್ತಾರೆ. ಕಂಪನಿಯು ಈ ವರ್ಷದ ಫೆಬ್ರವರಿ 15 ರಿಂದ ಸೆಪ್ಟೆಂಬರ್ 2022 ರವರೆಗೆ ದೇಶದಲ್ಲಿ ಸುಮಾರು 48,000 ಯೂನಿಟ್ ಕಾರೆನ್ಸ್ ಘಟಕಗಳನ್ನು ಮಾರಾಟ ಮಾಡಿದೆ. ಕಿಯಾ ಕಾರೆನ್ಸ್ ಪ್ರಸ್ತುತ ಭಾರತದಲ್ಲಿ ಎಕ್ಸ್ ಶೋ ರೂಂ ಆರಂಭಿಕ ಬೆಲೆ 9.60 ಲಕ್ಷದಿಂದ ಟಾಪ್ ಎಂಡ್ ಮಾದರಿಗಾಗಿ 17.70 ಲಕ್ಷ ರೂ. ವರೆಗೆ ನಿಗಧಿಪಡಿಸಿದೆ.