ದೆಹಲಿ ಎಕ್ಸ್ ಪೋದಲ್ಲಿ ಬಿಎಂಡಬ್ಲ್ಯು ಹೈಬ್ರಿಡ್ ಕಾರು ಡೆಬ್ಯುಟ್

ಇತರೆಲ್ಲ ಬಿಎಂಡಬ್ಲ್ಯು ವಾಹನಗಳಿಗಿಂತ ಭಿನ್ನವಾಗಿ ಐ8 ಹೈಬ್ರಿಡ್ ಕಾರಿನಲ್ಲಿ ಕಾರ್ಬನ್, ಅಲ್ಯೂಮಿನಿಯಂ ಹಾಗೂ ಇತರ ಸಮ್ಮಿಶ್ರ ವಸ್ತುಗಳನ್ನು ಬಳಕೆ ಮಾಡಲಾಗಿದೆ. ಇದು ಭಾರ ಕಡಿಮೆ ಮಾಡಲು ನೆರವಾಗಿದೆ.

ಇದರಲ್ಲಿ 1.5 ಲೀಟರ್ ತ್ರಿ ಸಿಲಿಂಡರ್ ಎಂಜಿನ್ ಜತೆ ಎಲೆಕ್ಟ್ರಿಕ್ ಮೋಟಾರು ಲಗತ್ತಿಸಲಾಗಿದ್ದು, ಜಂಟಿಯಾಗಿ 357 ಬಿಎಚ್‌ಪಿ ಪವರ್ (569 ಎನ್‌ಎಂ ಟಾರ್ಕ್) ಉತ್ಪಾದಿಸುವ ಸಾಮರ್ಥ್ಯ ಹೊಂದಿದೆ.

ಅಂದ ಹಾಗೆ ಬಿಎಂಡಬ್ಲ್ಯು ಐ8 ಹೈಬ್ರಿಡ್ ಕಾರು ಕೇವಲ 4.5 ಸೆಕೆಂಡುಗಳಲ್ಲಿ ಗಂಟೆಗೆ 0-100 ಕೀ.ಮೀ. ವೇಗದಲ್ಲಿ ಸಂಚರಿಸುವ ಸಾಮರ್ಥ್ಯ ಪಡೆದಿದೆ.

ಏತನ್ಮಧ್ಯೆ ಬಿಎಂಡಬ್ಲ್ಯು ಐ8 ಹೈಬ್ರಿಡ್ ಕಾರು ದೇಶದಲ್ಲಿ ಅತ್ಯಂತ ದುಬಾರಿಯೆನಿಸಲಿದೆ. ಬಲ್ಲ ಮೂಲಗಳ ಪ್ರಕಾರ ಇದು ಎರಡು ಕೋಟಿ ರು.ಗಳಷ್ಟು ದುಬಾರಿಯಾಗಲಿದೆ.

ಇನ್ನು ದೇಶದಲ್ಲಿ ಕೇವಲ ಸೀಮಿತ 10 ಯುನಿಟ್‌ಗಳಷ್ಟೇ ಮಾರಾಟಕ್ಕೆ ಲಭ್ಯವಿರಲಿದ್ದು, 2014ರ ವರ್ಷಾಂತ್ಯದಲ್ಲಿ ವಿತರಣೆ ಕಾರ್ಯ ಆರಂಭಗೊಳ್ಳಲಿದೆ.

ಹಾಗಿದ್ದರೂ ಕೆಲವು ತಿಂಗಳುಗಳ ಹಿಂದೆಯಷ್ಟೇ ಜಾಗತಿಕ ಪ್ರದರ್ಶನ ಕಂಡಿದ್ದ ಐ3 ಹೈಬ್ರಿಡ್ ಕಾರನ್ನು ಭಾರತದಲ್ಲಿ ಬಿಡುಗಡೆ ಮಾಡುವ ಯಾವುದೇ ಯೋಜನೆಯನ್ನು ಬಿಎಂಡಬ್ಲ್ಯು ಹೊಂದಿಲ್ಲ.