ಹ್ಯುಂಡೈನಿಂದ ಕಾಂಪಾಕ್ಟ್ ಸೆಡಾನ್, ಮಿನಿ ಎಸ್‌ಯುವಿ ಆಗಮನ

ಕಾಂಪಾಕ್ಟ್ ಸೆಡಾನ್

ಸದ್ಯ ಮಾರುಕಟ್ಟೆಯಲ್ಲಿ ಕಾಂಪಾಕ್ಟ್ ಸೆಡಾನ್ ವಿಭಾಗದಲ್ಲಿ ಮಾರುತಿ ಸುಜುಕಿ ಸ್ವಿಫ್ಟ್ ಡಿಜೈರ್, ಹೋಂಡಾ ಅಮೇಜ್ ಹಾಗೂ ಟಾಟಾ ಇಂಡಿಗೊ ಇಸಿಎಸ್ ಉತ್ತಮ ಮಾರಾಟ ಕಾಯ್ದುಕೊಂಡಿದೆ. ಈ ಪಟ್ಟಿಗೀಗ ನೂತನ ಹ್ಯುಂಡೈ ಕಾಂಪಾಕ್ಟ್ ಸೆಡಾನ್ ಕಾರು ಸೇರ್ಪಡೆಯಾಗಲಿದೆ.

ಅಸೆಂಟ್ ಬದಲಿ ಕಾರು

ಈ ಹಿಂದೆ ನಿಲುಗಡೆಗೊಂಡಿದ್ದ ಅಸೆಂಟ್ ಸ್ಥಾನದಲ್ಲಿ ಕಾಣಿಸಿಕೊಳ್ಳಲಿರುವ ನೂತನ ಗ್ರಾಂಡ್ ಐ10 ಕಾರು, ಎಂಟ್ರಿ ಲೆವೆಲ್ ವಿಭಾಗದಲ್ಲಿ ಕಾಣಿಸಿಕೊಳ್ಳಲಿದೆ. ಹಾಗೆಯೇ ಫ್ಲೂಯಿಡಿಕ್ ವಿನ್ಯಾಸ ಹೊಂದಿರುವ ವರ್ನಾ ಕೆಳಗಡೆ ಗುರುತಿಸಿಕೊಳ್ಳಲಿದೆ.

ಪೆಟ್ರೋಲ್ ಹಾಗೂ ಡೀಸೆಲ್ ವೆರಿಯಂಟ್

ಸದ್ಯ ಲಭ್ಯವಿರುವ ಮಾಹಿತಿಯಂತೆ ಹ್ಯುಂಡೈ ಗ್ರಾಂಡ್ ಐ10 ಪೆಟ್ರೋಲ್ ಸೇರಿದಂತೆ ಟೆರ್ಬೊ ಡೀಸೆಲ್ ಎಂಜಿನ್‌ ಆಯ್ಕೆಗಳಲ್ಲಿ ಆಗಮನವಾಗಲಿದೆ. ಹಾಗಿದ್ದರೂ ಅಸೆಂಟ್ ರೀತಿಯಲ್ಲಿ ಎಲ್‌ಪಿಜಿ ಹಾಗೂ ಸಿಎನ್‌ಜಿ ವೆರಿಯಂಟ್‌ಗಳಲ್ಲಿ ಲಭ್ಯವಾಗಲಿದೆಯೇ ಎಂಬುದು ತಿಳಿದು ಬಂದಿಲ್ಲ.

ಮಿನಿ ಎಸ್‌ಯುವಿ

ಈ ನಡುವೆ ಗ್ರಾಂಡ್ ಐ10 ತಲಹದಿಯಲ್ಲಿಯೇ ಕಾಂಪಾಕ್ಟ್ ಎಸ್‌ಯುವಿ ಉತ್ಪಾದಿಸುವ ಕುರಿತಾಗಿಯೂ ಹ್ಯುಂಡೈ ಚಿಂತನೆಯಲ್ಲಿದೆ. ಈಗಾಗಲೇ ತವರೂರಿನಲ್ಲಿ ಹಲವು ಬಾರಿ ಟೆಸ್ಟಿಂಗ್ ವೇಳೆ ಸೆರೆ ಸಿಕ್ಕಿರುವ ಈ ಮಿನಿ ಎಸ್‌ಯುವಿ ಫೋರ್ಡ್‌ನ ಜನಪ್ರಿಯ ಇಕೊಸ್ಪೋರ್ಟ್ ಹಾಗೂ ರೆನೊ ಡಸ್ಟರ್‌ಗೆ ಕಠಿಣ ಪ್ರತಿಸ್ಪರ್ಧಿಯೆನಿಸಲಿದೆ.

ಕಾಂಪಾಕ್ಟ್ ಎಸ್‌ಯುವಿ

ಹೆಕ್ಸಾ ಸ್ಪೇಸ್ ಫಾರ್ಟ್‌ಫಾರ್ಮ್‌ನಲ್ಲಿ ನಿರ್ಮಾಣವಾಗಲಿರುವ ಹ್ಯುಂಡೈ ಕಾಂಪಾಕ್ಟ್ ಎಸ್‌ಯುವಿ 2014ರಲ್ಲಿ ಭಾರತ ಮಾರುಕಟ್ಟೆ ಪ್ರವೇಶಿಸುವ ಸಾಧ್ಯತೆಯಿದೆ.

ಹ್ಯುಂಡೈ ಎಂಪಿವಿ

ಏತನ್ಮಧ್ಯೆ ಮಲ್ಟಿ ಪರ್ಪಸ್ ವೆಹಿಕಲ್ (ಎಂಪಿವಿ) ಉತ್ಪಾದನೆ ಸದ್ಯದಲ್ಲೇ ಉಂಟಾಗಲಿದೆಯೇ ಎಂಬುದಕ್ಕೆ ಹ್ಯುಂಡೈನಿಂದ ಸ್ಪಷ್ಟತೆ ಬಂದಿಲ್ಲ. ಇದು ಪ್ರಮುಖವಾಗಿಯೂ ಮಾರುತಿ ಎರ್ಟಿಗಾ ಎಂಪಿವಿಗೆ ಎದುರಾಳಿಯಾಗಲಿದೆ. ಮೂಲಗಳ ಪ್ರಕಾರ ಹ್ಯುಂಡೈ ಎಂಪಿವಿ ಇಂಡೋನೇಷ್ಯಾ ಹಾದಿಯಾಗಿ ಭಾರತ ಪ್ರವೇಶ ಪಡೆಯಲಿದೆ.