ವೋಲ್ವೋ ಎಸ್60 ಕ್ರಾಸ್ ಕಂಟ್ರಿ - ವಿಶ್ವದ ಚೊಚ್ಚಲ ಕ್ರಾಸೋವರ್ ಸೆಡಾನ್

ನಿಮ್ಮ ಮಾಹಿತಿಗಾಗಿ ಮುಂಬರುವ 2015 ಡೆಟ್ರಾಯ್ಟ್ ಆಟೋ ಶೋದಲ್ಲಿ ವೋಲ್ವೋ ಎಸ್60 ಕ್ರಾಸ್ ಕಂಟ್ರಿ ಕ್ರಾಸೋವರ್ ಸೆಡಾನ್ ಕಾರು ಅಧಿಕೃತವಾಗಿ ಅನಾವರಣಗೊಳ್ಳಲಿದೆ. ಇದು ವಿಶ್ವದ ಮೊಟ್ಟ ಮೊದಲ ಕ್ರಾಸೋವರ್ ಸೆಡಾನ್ ಕಾರು ಎನಿಸಿಕೊಳ್ಳಲಿದೆ.

1997ನೇ ಇಸವಿಯಲ್ಲಿ ಕಾಣಿಸಿಕೊಂಡಿದ್ದ ವಿ70 ಕ್ರಾಸ್ ಕಂಟ್ರಿ ಈಗಿನ ಹೊಸ ಮಾದರಿಯ ಉಗಮಕ್ಕೆ ಕಾರಣವಾಗಿದೆ. ಸ್ಪೋರ್ಟಿ ಸ್ಟೈಲಿಷ್‌ನೊಂದಿಗೆ ಕ್ರಾಸ್ ಕಂಟ್ರಿಗೆ ಬೇಕಾಗಿರುವ ಎಲ್ಲ ಅಗತ್ಯಗಳನ್ನು ಪೂರೈಸುವುದೇ ಸಂಸ್ಥೆಯ ಇರಾದೆಯಾಗಿದೆ.

ಹೆಚ್ಚಿನ ಆಯಾಮ ಹೊಂದಿರುವ ನೂತನ ಎಸ್60 ಕ್ರಾಸ್ ಕಂಟ್ರಿ, ಫೋರ್ ವೀಲ್ ಡ್ರೈವ್‌ನೊಂದಿಗೆ ಕೆಲವು ಆಯ್ದ ಮಾರುಕಟ್ಟೆಗಳಲ್ಲಿ ಫ್ರಂಟ್ ವೀಲ್ ಚಾಲನಾ ವ್ಯವಸ್ಥೆಯೊಂದಿಗೂ ಲಭ್ಯವಾಗಲಿದೆ.

ಕ್ರಾಸೋವರ್ ಸೆಡಾನ್‌ನಲ್ಲಿ ಚೊಚ್ಚಲ ಪ್ರವೇಶವಾಗಿದ್ದರಿಂದ ಸದ್ಯಕ್ಕೆ ಈ ವಿಭಾಗದಲ್ಲಿ ಯಾವುದೇ ಎದುರಾಳಿಗಳಿರುವುದಿಲ್ಲ. ಹೊಸತನವನ್ನು ಹೊಂದಿರುವ ಸೆಡಾನ್ ಕಾರು ಬಯಸುವವರಿಗೆ ಇದು ಅದ್ಭುತ ಅನುಭವ ನೀಡಲಿದೆ.

ಇನ್ನು ವೋಲ್ವೋ ಕ್ರಾಸ್ ಕಂಟ್ರಿ ಪೆಟ್ರೋಲ್ ಹಾಗೂ ಡೀಸೆಲ್ ಮಾದರಿಗಳಲ್ಲಿ ಲಭ್ಯವಾಗಲಿದೆ. ಇದರ ಡೀಸೆಲ್ ಡಿ4 ಎಂಜಿನ್ 190 ಅಶ್ವಶಕ್ತಿ ಉತ್ಪಾದಿಸಲಿದೆ. ಹಾಗೆಯೇ ಆಲ್ ವೀಲ್ ಡ್ರೈವ್ ಡಿ4, 2.4 ಲೀಟರ್ 5 ಸಿಲಿಂಡರ್ ವೆರಿಯಂಟ್ ಬಿಡುಗಡೆ ಮಾಡುವ ಯೋಜನೆಯು ಇದೆ.

ಒಟ್ಟಿನಲ್ಲಿ ವೋಲ್ವೋ ಎಸ್60 ಕ್ರಾಸ್ ಕಂಟ್ರಿ ಕ್ರಾಸೋವರ್ ಸೆಡಾನ್ ಭಾರತ ಮಾರುಕಟ್ಟೆ ಪ್ರವೇಶಕ್ಕೆ ಸಂಬಂಧಿಸಿದಂತೆ ಸ್ವಿಡನ್ ಮೂಲದ ಈ ಸಂಸ್ಥೆಯು ಯಾವಾಗ ಅಧಿಕೃತ ಘೋಷಣೆ ಹೊರಡಿಸಲಿದೆ ಎಂಬುದೇ ಬಹಳ ಕುತೂಹಲವೆನಿಸಿದೆ.