ಝೂಮ್‌ನಲ್ಲಿ ಅಂಬಾಸಿಡರ್ ಮೋಡಿಫೈ ಮಾಡುವ ಅವಕಾಶ

ನೀವೇನು ಮಾಡಬೇಕು?

ಆಸಕ್ತರು ಇಂಡಿಗೊಗೊದ ಫಂಡ್ ಸೋರ್ಸಿಂಗ್ ವೇದಿಕೆಗೆ ಭೇಟಿಕೊಟ್ಟು ಅಲ್ಲಿ ಕೊಟ್ಟಿರುವ ಆಯ್ಕೆಯಲ್ಲಿ ನಿಮ್ಮಿಂದಾಗುವಷ್ಟು ದೇಣಿಗೆ ನೀಡಬೇಕಾಗಿದೆ.

ಇದಕ್ಕಾಗಿ ಸಂಸ್ಥೆಯು ಕನಿಷ್ಠ 1,000 ಅಮೆರಿಕನ್ ಡಾಲರ್ ಅಂದರೆ 60,000 ರು.ಗಳಷ್ಟು ಖರ್ಚು ಅಂದಾಜಿಸುತ್ತಿದೆ. ಇಲ್ಲಿ ಗಮನಾರ್ಹ ವಿಷಯವೆಂದರೆ ಇದನ್ನು ಸಂಸ್ಥೆಯು ಸಹಾಯಾರ್ಥವಾಗಿ ಪಡೆಯುತ್ತಿಲ್ಲ. ಇದರ ಬದಲಾಗಿ ನಿಮಗೆ ಟಿ ಶರ್ಟ್ ಜತೆಗೆ ಇನ್ನಿತರ ಹಲವು ಕೊಡುಗೆಗಳು ಲಭಿಸಲಿದೆ.

ಮೇಲೆ ಸೂಚಿಸಿರುವಂತೆಯೇ ಕನಿಷ್ಠ ನಿಧಿ ಸಂಗ್ರಹವಾದ್ದಲ್ಲಿ 1900ರ ಅಂಬಾಸಿಡರ್‌ಗೆ, ಝೂಮ್ ಹಸಿರು ಬಣ್ಣ, ಚಿರತೆ ಶೈಲಿಯ ಸೀಟು, ಗಣೇಶ ಮೂರ್ತಿ ಮುಂತಾದ ವೈಶಿಷ್ಟ್ಯಗಳನ್ನು ಕಾಣಸಿಗಬಹುದಾಗಿದೆ.

ನಿಮಗೆಲ್ಲರಿಗೂ ತಿಳಿದಿರುವಂತೆಯೇ ಅಂಬಾಸಿಡರ್, ದೇಶದ ಸರ್ವಕಾಲಿಕ ಶ್ರೇಷ್ಠ ಕಾರುಗಳಲ್ಲಿ ಗುರುತಿಸಿಕೊಂಡಿದೆ. ಇದರ ಜತೆಗೆ ಝೂಮ್ ಸ್ಥಾಪಕರಾಗಿರುವ ಗ್ರೇಗ್ ಹಾಗೂ ಡೇವಿಡ್ ಅವರ ಮನದಲ್ಲಿ ಇನ್ನಿತರ ಹಲವು ಯೋಚನೆಗಳಿದ್ದು, ಹೆಚ್ಚು ನಿಧಿ ಸಂಗ್ರಹವಾದ್ದಲ್ಲಿ ಗರಿಷ್ಠ ಶಬ್ದದ ಸ್ಪೀಕರ್, ಮ್ಯೂಸಿಕ್ ವೀಡಿಯೋ, ನಿಯಾನ್ ಲೈಟ್ಸ್, ಬೊನೆಟ್ ಚಾರ್ಜರ್, ರಿಮ್ಸ್ ಜತೆಗೆ ಇತರ ಇತರ ವೈಶಿಷ್ಟ್ಯಗಳನ್ನು ಲಗತ್ತಿಸುವ ಯೋಜನೆಯನ್ನು ಹೊಂದಿದ್ದಾರೆ.

ಜನರಲ್ಲಿ ಜಾಗೃತಿ ಮೂಡಿಸುವುದು ಈ ಕಾರ್ಯಕ್ರಮದ ಮುಖ್ಯ ಉದ್ದೇಶವಾಗಿದೆ. ಹೊಸ ಕಾರು ಖರೀದಿಯಿಂದ ಗ್ರಾಹಕರು ಹಿಂದೆ ಸರಿದರೆ ರಸ್ತೆಯಲ್ಲಿ ವಾಹನ ದಟ್ಟಣೆ ಕಡಿಮೆಯಾಗಲಿದೆ. ಈ ನಿಟ್ಟಿನ ಬಾಡಿಗೆ ಕಾರು ಮುಖಾಂತರ ಕಾರು ಹಂಚಿಕೆಯನ್ನು ಪ್ರೋತ್ಸಾಹಿಸಲಾಗುತ್ತಿದೆ.

ಇನ್ನು ಗರಿಷ್ಠ 10 ಲಕ್ಷ ರು. ಸಂಗ್ರಹವಾದ್ದಲ್ಲಿ. ಮೋಡಿಫೈಡ್ ಅಂಬಾಸಿಡರ್‌ನಲ್ಲಿ ಅಮೆರಿಕ ಅಂಬಾಸಿಡರ್ ಜತೆ ಚಾಲನೆ ಮಾಡುವ ಅವಕಾಶವೂ ದೊರಕಲಿದೆ.

ಹಾಗೊಂದು ವೇಳೆ ಈ ಯೋಜನೆಯಲ್ಲಿ ಭಾಗಿಯಾಗಲು ನೀವು ಸಹ ಬಯಸುವುದಾದ್ದಲ್ಲಿ ಇಲ್ಲಿ ಕೊಟ್ಟಿರುವ ವೆಬ್‌ಸೈಟ್‌ಗೆ ಭೇಟಿಯಾಗಿರಿ...