Just In
- 9 hrs ago ಟಾಟಾ ಕಾರುಗಳಂತೆಯೇ ಗರಿಷ್ಠ ಸುರಕ್ಷತೆ ತೋರಿದ ಸ್ವಿಫ್ಟ್: ಕ್ರ್ಯಾಶ್ ಟೆಸ್ಟ್ನಲ್ಲಿ 4 ಸ್ಟಾರ್
- 10 hrs ago ಕಂಪನಿಗೆ 140ರ ಸಂಭ್ರಮ: ಕೇವಲ 140 ವಿಶೇಷ ಆವೃತ್ತಿಗಳು ನಿರ್ಮಾಣ: ಬುಕಿಂಗ್ ಆರಂಭ
- 11 hrs ago ಟಿವಿಎಸ್ ಐಕ್ಯೂಬ್ಗೆ ನಡುಕ ಶುರು!: ಸದ್ಯದಲ್ಲೇ ಕಡಿಮೆ ಬೆಲೆ ಮಾರುಕಟ್ಟೆಗೆ ಬಜಾಜ್ ಚೇತಕ್ ಎಲೆಕ್ಟ್ರಿಕ್
- 12 hrs ago ರಾಜ್ಯದಲ್ಲಿ ತಯಾರಾಗುವ ಟೊಯೊಟಾ ಇನ್ನೋವಾ ಹೈಕ್ರಾಸ್ಗೆ ಸೆಲೆಬ್ರಿಟಿಗಳು ಫಿಧಾ: ಈ ಕಾರು ಖರೀದಿಸಿದ ನಟಿ
Don't Miss!
- News Rain Alert: ರಾಜ್ಯಾದ್ಯಂತ ಹಲವು ಜಿಲ್ಲೆಗಳಲ್ಲಿ ವ್ಯಾಪಕ ಮಳೆ; ಜಿಲ್ಲಾವಾರು ಮಳೆ ವಿವರ
- Lifestyle ಜೀವ ಸಂಗಾತಿಗೆ ಹುಟ್ಟು ಹಬ್ಬದಂದು ವಿಶ್ ಮಾಡಲು ಸುಂದರ ಸಾಲುಗಳ ಗ್ರೀಟಿಂಗ್ಸ್ ಇಲ್ಲಿದೆ
- Movies ಡಿ. ಕೆ ಸುರೇಶ್ ಪರ ನಟ ದರ್ಶನ್ ಪ್ರಚಾರ; ಆ 2 ವಿಧಾನಸಭಾ ಕ್ಷೇತ್ರಗಳಲ್ಲಿ ಮತಬೇಟೆ
- Sports ಆರ್ಸಿಬಿಗೆ ಸಹಿ ಹಾಕಲು ವಿರಾಟ್ ಕೊಹ್ಲಿ ಕೇಳಿದ್ದೇಗೆ?; ಕುತೂಹಲಕಾರಿ ಕಥೆ ಬಿಚ್ಚಿಟ್ಟ ಕೆಎಲ್ ರಾಹುಲ್
- Technology ಅಗ್ಗದ ಬೆಲೆಯಲ್ಲಿ ಎಂಟ್ರಿ ಕೊಡಲು ಸಜ್ಜಾಗಿದೆ ಐಟೆಲ್ S24 ಸ್ಮಾರ್ಟ್ಫೋನ್!
- Finance n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ರಾತ್ರಿ ವೇಳೆ ಡ್ರೈವಿಂಗ್ ಮಾಡುವ ಮುನ್ನ ಈ ಅಮೂಲ್ಯ ಟಿಪ್ಸ್ಗಳನ್ನು ತಪ್ಪದೇ ಪಾಲಿಸಿ...
ರಾತ್ರಿ ವೇಳೆ ಸುರಕ್ಷಿತ ಡ್ರೈವಿಂಗ್ ಮಾಡುವುದೆಂದರೆ ಅಂದೊಂದು ಉತ್ತಮ ಕಲೆಯೇ ಸರಿ. ಆದ್ರೆ ಈ ವೇಳೆ ಮುಂಜಾಗ್ರತೆ ತುಂಬಾ ಮುಖ್ಯ.
ರಾತ್ರಿ ವೇಳೆ ಸುರಕ್ಷಿತ ಡ್ರೈವಿಂಗ್ ಮಾಡುವುದೆಂದರೆ ಅಂದೊಂದು ಉತ್ತಮ ಕಲೆಯೇ ಸರಿ. ಆದ್ರೆ ಈ ವೇಳೆ ಮುಂಜಾಗ್ರತೆ ತುಂಬಾ ಮುಖ್ಯ. ಇಲ್ಲವಾದ್ರೆ ಅಪಘಾತ ತಪ್ಪಿದ್ದಲ್ಲ. ಹೀಗಾಗಿ ರಾತ್ರಿ ವೇಳೆ ವಾಹನ ವಾಹನೆಗೂ ಮುನ್ನ ಕೆಲವು ವಿಚಾರಗಳನ್ನು ಗಮನದಲ್ಲಿಟ್ಟುಕೊಂಡು ಚಾಲನೆ ಮಾಡಿದ್ದಲ್ಲಿ ಆಗಬಹುದಾದ ದುರಂತಗಳನ್ನು ತಪ್ಪಿಸಬಹುದು.
ಇನ್ನೊಂದು ಪ್ರಮಖ ವಿಚಾರ ಅಂದ್ರೆ, ಅಗತ್ಯ ಸಂದರ್ಭಗಳನ್ನು ಹೊರತುಪಡಿಸಿ ರಾತ್ರಿ ವೇಳೆಯಲ್ಲಿ ವಾಹನ ಚಾಲನೆ ಮಾಡುವುದು ಬೇಡ. ಇದಾಗ್ಯೂ ವಾಹನ ಚಾಲನೆ ಅನಿವಾರ್ಯವಾದಲ್ಲಿ ಮುಂಜಾಗ್ರತ ಕೈಗೊಳ್ಳುವ ಮೂಲಕ ಸುಖಕರ ಪ್ರಯಾಣ ಮಾಡುವುದು ಎಲ್ಲರಿಗೂ ಒಳಿತು. ಹಾಗಾದ್ರೆ ಯಾವೆಲ್ಲಾ ಮುಂಜಾಗ್ರತ ಕ್ರಮಗಳನ್ನು ಕೈಗೊಳ್ಳಬೇಕು ಅಂತೀರಾ? ಹಾಗಾದ್ರೆ ಕೆಳಗೆ ನೀಡಲಾಗಿರುವ ಮಾಹಿತಿಗಳನ್ನು ತಪ್ಪದೇ ಪಾಲಿಸಿ...
1. ರಸ್ತೆ ಬಗ್ಗೆ ಮಾತ್ರ ಗಮನವಿರಲಿ
ಹೌದು.. ಹೆಚ್ಚಿನ ರಸ್ತೆ ಅಪಘಾತಗಳು ಸಂಭವಿಸುವುದು ರಾತ್ರಿಯ ಸಮಯದಲ್ಲೇ. ಹೀಗಾಗಿ ಡ್ರೈವಿಂಗ್ ಮಾಡುವವರು ಹಗಲಿನಲ್ಲಿ ಎಷ್ಟು ಹುಷಾರಾಗಿ ಡ್ರೈವ್ ಮಾಡುತ್ತಿರೋ ಅದಕ್ಕಿಂತ ಹೆಚ್ಚು ಹುಷಾರಾಗಿ ರಾತ್ರಿಯ ಹೊತ್ತಿನಲ್ಲಿ ಡ್ರೈವ್ ಮಾಡಬೇಕು. ಚಾಲಕರು ಯಾವುದೇ ಭಯಕ್ಕೆ ತುತ್ತಾಗದೆ ಕಾರ್ ಚಾಲನೆಯ ಬಗ್ಗೆ ಮಾತ್ರ ಗಮನ ನೀಡಬೇಕು.
2. ಹೆಡ್ಲೈಟ್ ಅನ್ನು ಪರೀಶೀಲಿಸಿಕೊಳ್ಳಿ
ನೀವು ಮೊದಲನೇ ಬಾರಿ ರಾತ್ರಿಯ ಸಮಯದಲ್ಲಿ ಡ್ರೈವಿಂಗ್ ಮಾಡುತ್ತಿದ್ದರೆ ಮೊದಲಿಗೆ ನಿಮ್ಮ ಕಾರಿನ ಹೆಡ್ಲೈಟ್ ಹಾಗೂ ಹೈ ಭೀಮ್ ಲೈಟ್ಗಳ ಗುಣಮಟ್ಟವನ್ನು ಪರಿಶೀಲಿಸಿಕೊಳ್ಳಿ. ಜೊತೆಗೆ ಹೆಡ್ಲೈಟ್ಗಳನ್ನು ಯಾವಾಗ ಆನ್ ಹಾಗೂ ಆಫ್ ಮಾಡಬೇಕೆಂಬುದನ್ನು ಸಹ ಅರಿತುಕೊಳ್ಳಿ.
3. ರಸ್ತೆಯ ಚಿಹ್ನೆಗಳು
ರಾತ್ರಿಯ ಹೊತ್ತು ಡ್ರೈವ್ ಮಾಡುವಾಗ ರಸ್ಥೆಯ ಬದಿಗಳಲ್ಲಿ ನಿಮಗೆ ರಸ್ತೆ ಚಿಹ್ನೆಗಳು ಗೋಚರಿಸುತ್ತವೆ. ಅವು ರಾತ್ರಿ ವೇಳೆ ವಾಹನ ಚಾಲನೆಗೆ ತುಂಬಾ ಸಹಕಾರಿಯಾಗಲಿದ್ದು, ಗುರುತಿಲ್ಲದ ಪ್ರದೇಶಗಳಲ್ಲಿ ಚಾಹನ ಚಲಾಯಿಸುವಾಗ ಅವುಗಳನ್ನು ತಪ್ಪದೇ ಫಾಲೋ ಮಾಡಿ.
4. ವೇಗದ ಮಿತಿ
ಎಲ್ಲರಿಗೂ ತಿಳಿದಿರುವ ಹಾಗೆ ಅತಿ ವೇಗದ ಚಾಲನೆಯು ಅಪಘಾತದ ಮೂಲ ಕಾರಣ. ಆದ್ದರಿಂದ ಹಗಲಿನ ವೇಳೆ ಡ್ರೈವ್ ಮಾಡುವ ವೇಗಕ್ಕಿಂತ ರಾತ್ರಿಯ ಸಮಯದಲ್ಲಿ ಕಡಿಮೆ ವೇಗದಲ್ಲಿ ಚಲಿಸುವುದು ಉತ್ತಮ.
5. ಕಾರಿನ ಹೈ ಭೀಮ್ ಲೈಟ್
ಮುಸ್ಸಂಜೆಯಲ್ಲಿ, ನಗರ ಪ್ರದೇಶಗಳಲ್ಲಿ ಅಥವಾ ದೂರದ ಪ್ರಯಾಣದ ವೇಳೆ ಹೈ ಭೀಮ್ ಲೈಟ್ ತುಂಬಾ ಸಹಕಾರಿಯಾಗಲಿದೆ. ಯಾಕೆೇಂದ್ರೆ ಗ್ರಾಮೀಣ ಪ್ರದೇಶಗಳತ್ತ ಪ್ರಯಾಣಿಸುವ ಸಂದರ್ಭಗಳಲ್ಲಿ ರಸ್ತೆಗಳಲ್ಲಿರುವ ತಗ್ಗು ದಿಣ್ಣೆಗಳನ್ನು ನೋಡಿ ವಾಹನ ಚಾಲನೆ ಮಾಡಲು ಹೈ ಭೀಮ್ ಲೈಟ್ ಅವಶ್ಯಕವಾಗಿರುತ್ತೆ.
ಇದರಲ್ಲಿ ವಾಹನ ಚಾಲಕ ಗಮನಿಸಬೇಕಾದ ಮತ್ತೊಂದು ವಿಚಾರ ಅಂದ್ರೆ, ಹೈ ಭೀಮ್ ಲೈಟ್ ಬಳಕೆ ಬಗ್ಗೆ ಸಾಕಷ್ಟು ಎಚ್ಚರಿಕೆ ವಹಿಸಬೇಕು. ಅಗತ್ಯ ಸಂದರ್ಭಗಳಲ್ಲಿ ಮಾತ್ರ ಉಪಯೋಗಿಸುವುದಲ್ಲದೇ ಬೇಡವಾದಾಗ ಕಡಿಮೆ ಮಾಡುವುದನ್ನು ಖಚಿತಪಡಿಸಿಕೊಳ್ಳಿ. ಜೊತೆಗೆ ಮತ್ತೊಂದು ಕಾರಿನ ಹಿಂದೆ ಚಾಲನೆ ಮಾಡುವಾಗ ನಿಮ್ಮ ಹೈ ಭೀಮ್ ಲೈಟ್ ಅನ್ನು ಎಂದಿಗೂ ಬಳಸಬೇಡಿ.
6. ಅರಣ್ಯ ಪ್ರದೇಶಗಳು
ದೂರ ಪ್ರಯಾಣದ ಸಮಯದಲ್ಲಿ ಅರಣ್ಯ ಪ್ರದೇಶಗಳಲ್ಲಿ ಡ್ರೈವ್ ಮಾಡುವ ಸಂದರ್ಭಗಳು ಬರಬಹುದು. ಈ ವೇಳೆ ರಸ್ತೆಗಳಲ್ಲಿ ಕಾಡು ಪ್ರಾಣಿಗಳು ನಿಮ್ಮ ವಾಹನಗಳಿಗೆ ಅಡ್ಡಬಹುದು ಸಾಮಾನ್ಯ. ಹಾಗಾಗಿ ನೀವು ಅವುಗಳಿಗೆ ಯಾವುದೇ ಹಾನಿ ಮಾಡದಂತೆ ಡ್ರೈವ್ ಮಾಡಿ. ಏಕೆಂದರೆ ಅಡ್ಡ ಬಂದ ಪ್ರಾಣಿಗಳಿಗೆ ಹಾನಿ ಮಾಡಿದಲ್ಲಿ ಜೈಲಿಗೆ ಸೇರಬೇಕಾದಿತು.
7. ದ್ವಿಚಕ್ರ ವಾಹನ ಸವಾರರ ಮೇಲೆ ಗಮನಹರಿಸಿ
ರಾತ್ರಿ ವೇಳೆ ಹೆದ್ದಾರಿಗಳಲ್ಲಿ ನೀವು ಜಾಗ್ರತೆಯಾಗಿ ಕಾರು ಓಡಿಸುತ್ತಿದ್ದರೂ ನಿಮ್ಮ ಆಸುಪಾಸಿನಲ್ಲಿ ಬರುವ ದ್ವಿಚಕ್ರ ವಾಹನ ಸವಾರರು ಕೆಲವೊಮ್ಮೆ ಮಧ್ಯಪಾನ ಮಾಡಿ ಬೈಕ್ ಚಾಲನೆ ಮಾಡುತ್ತಿರುತ್ತಾರೆ. ಆದ್ದರಿಂದ ಡ್ರೈವ್ ಮಾಡುವಾಗ ಅವರ ಬಗ್ಗೆಯೂ ಕೂಡ ಕೊಂಚ ಗಮನವಿರಲಿ.
8. ಎಚ್ಚರದಿಂದಿರಿ
ರಾತ್ರಿ ವೇಳೆ ಡ್ರೈವ್ ಮಾಡುವಾಗ ಸೆಲ್ಫೋನ್ ಬಳಸಬೇಡಿ. ಕಾರಿನಲ್ಲಿರುವ ರೇಡಿಯೊವನ್ನು ಆಫ್ ಮಾಡಿ. ಜೊತೆಗೆ ಕಾರಿನಲ್ಲಿರುವ ಸಹಪ್ರಯಾಣಿಕರು ನಿಮ್ಮ ಡ್ರೈವ್ಗೆ ಯಾವುದೇ ತೊಂದರೆ ನೀಡದಂತೆ ಚಾಲನೆಗೂ ಮುನ್ನವೇ ಅವರಲ್ಲಿ ಮನವಿ ಮಾಡಿ.
9. ಡ್ರೈವಿಂಗ್ ವೇಳೆ ನಿದ್ದೆ ಬಂದ್ರೆ?
ಹೆದ್ದಾರಿಗಳಲ್ಲಿ ಸುರಕ್ಷಿತ ಡ್ರೈವ್ ಮಾಡುವುದು ಅಷ್ಟು ಸುಲಭವಲ್ಲ. ಅದು ಹೆಚ್ಚು ಗಮನಹರಿಸಬೇಕಾದ ಹಾಗೂ ಹೆಚ್ಚು ಒತ್ತಡವಿರುವ ಕೆಲಸ. ಇದಲ್ಲದೇ ದೂರದ ಪ್ರಯಾಣದ ವೇಳೆ ಬೆಳಗಿನಿಂದ ರಾತ್ರಿಯವರೆಗೂ ಡ್ರೈವಿಂಗ್ ಮಾಡುವ ಪರಿಸ್ಥಿತಿ ಇರುತ್ತೆ. ಆದ್ರೆ ಒತ್ತಡದಲ್ಲಿ ಡ್ರೈವ್ ಮಾಡಲೇಬೇಡಿ. ಪ್ರತಿ 2 ರಿಂದ 3 ಗಂಟೆಗಳಿಗೆ ಒಮ್ಮೆ 15 ನಿಮಿಷ ವಿಶ್ರಾಂತಿ ಪಡೆಯುವುದನ್ನ ಮರೆಯಬೇಡಿ.
ಹ್ಯಾಪಿ ಜರ್ನಿ, ಸೇಫ್ ಡ್ರೈವ್....
ಡ್ರೈವ್ಸ್ಪಾರ್ಕ್ ಕನ್ನಡ ವಿಭಾಗದಲ್ಲಿನ ಟಾಪ್ ಸ್ಟೋರಿಗಳು:
1. ಮಾರುತಿ ಜಿಪ್ಸಿಗೆ ಗುಡ್ ಬೈ- ಟಾಟಾ ಸಫಾರಿ ಸ್ಟ್ರೋಮ್ಗೆ ಫಿದಾ ಆದ ಸೇನೆ...
2. ಬೇಸಿಗೆಯಲ್ಲಿ ವಾಹನ ಚಾಲನೆ; ಅತ್ಯವಶ್ಯಕ 10 ಸಲಹೆಗಳು
3. ಬೇಸಿಗೆಯಲ್ಲಿ ಬೈಕ್ ರೈಡಿಂಗ್; ಇಲ್ಲಿವೆ ಅತ್ಯವಶ್ಯಕ ಸಲಹೆಗಳು...