ಇಂಗ್ಲೆಂಡ್‌ನಲ್ಲಿ ಸ್ಪೋಟಗೊಂಡ ಕಾರು-ಘಟನೆಗೆ ಕಾರಣ ಕೇಳಿದ್ರೆ ನಿಮಗೂ ಶಾಕ್..!

ಆದ್ರೆ ಕಾರಿನ ಒಳಭಾಗದಲ್ಲಿ ಸ್ಪೋಟದ ಶಬ್ದ ಕೇಳಿ ಬರುತ್ತಿದ್ದಂತೆ ಕಾರಿನ ಮುಂಭಾಗದ ಗ್ಲಾಸ್ ಕಿತ್ತು ಹೋಗಿದ್ದು, ಪ್ರಾಥಮಿಕ ತನಿಖೆಯನ್ನು ಕೈಗೊಂಡ ಪೊಲೀಸರಿಗೆ ಶಾಕ್ ಕಾದಿತ್ತು. ಯಾಕೇಂದ್ರೆ ಸ್ಪೋಟಕ್ಕೆ ಕಾರಣವಾಗಿದ್ದು ಬೇರೆನು ಅಲ್ಲ ಅದು ಕಾರಿನಲ್ಲಿದ್ದ ಏರ್ ಫ್ರೆಶನರ್ ಅಂದ್ರೆ ನೀವು ನಂಬಲೇಬೇಕು.

ಹೌದು, ಇದೇಲ್ಲಾ ನಡೆದಿರುವುದು ಇಂಗ್ಲೆಂಡ್‌ನಲ್ಲಿರುವ ಪ್ರತಿಷ್ಠಿತ ಹೆನ್ರಿ ಪಬ್ ಹತ್ತಿರ. ಘಟನೆಯಲ್ಲಿ ಚಾಲಕನ ಮುಖ ಭಾಗಕ್ಕೆ ಗಂಭೀರ ಗಾಯಗಳಾಗಿದ್ದು, ಕಾರಿನ ಮುಂಭಾಗದ ಗ್ಲಾಸ್ ಹಾಗೂ ಚಾಲಕನ ಕಡೆಯ ಡೋರ್ ಕಿತ್ತು ಹೋಗಿದೆ.

ಘಟನೆಯಿಂದ ಸ್ಥಳದಲ್ಲಿ ಕೆಲ ಗಂಟೆಗಳ ಕಾಲ ಭಾರೀ ಆತಂಕ ಸೃಷ್ಠಿಯಾಗುವ ಮೂಲಕ ಇದೊಂದು ಉಗ್ರರ ಕೃತ್ಯವೆಂದು ನಂಬಲಾಗಿತ್ತು. ಆದ್ರೆ ತನಿಖೆಯಲ್ಲಿ ಇದು ಏರ್‌ಫ್ರೆಶನರ್‌ನಿಂದಾದ ಅವಾಂತರ ಎಂದು ಸಾಬೀತಾಗಿದೆ.

ಕಾರು ಚಾಲನೆ ಮಾಡುತ್ತಿದ್ದ 20 ವರ್ಷದ ಜೋ ಎಂಬಾತನಿಗೆ ಗಂಭೀರ ಗಾಯಗಳಾಗಿದ್ದು, ಸದ್ಯ ಜೋಗೆ ಲಂಡನ್ ಖಾಸಗಿ ಆಸ್ಪತ್ರೆಯೊಂದರ ತೀವ್ರ ನಿಗಾ ಘಟಕದಲ್ಲಿ ಚಿಕಿತ್ಸೆ ನೀಡಲಾಗುತ್ತಿದೆ.

ಇನ್ನು ಏರ್‌ಫ್ರೆಶನರ್ ಸ್ಪೋಟಕ್ಕೆ ಯಾವ ರೀತಿ ಕಾರಣವಾಗುತ್ತದೆ ಎಂಬುವುದರ ಬಗ್ಗೆ ಮಾಹಿತಿ ನೀಡಿರುವ ಪೋಲಿಸರು, "ಕಾರಿನಲ್ಲಿರುವ ಸ್ವಯಂ ನಿಯಂತ್ರಿತ ಎಸಿ ಗಾಳಿಯ ಜೊತೆ ಎರ್‌ಫ್ರೆಶನರ್ ಗಾಳಿಯೂ ಜೊತೆಗೂಡಿದ್ದು, ಈ ವೇಳೆ ಕಾರು ಚಾಲಕ ಮಾಡುತ್ತಿದ್ದ ಜೋ ಸಿಗರೇಟ್ ಹೊತ್ತಿಸಿರುವುದು ಇಷ್ಟೆಲ್ಲಾ ಅನಾಹುತಕ್ಕೆ ಕಾರಣವಾಗಿದೆ" ಎಂದಿದ್ದಾರೆ.

ಡ್ರೈವ್ ಸ್ಪಾರ್ಕ್ ಅಭಿಪ್ರಾಯ

ಕಾರು ಚಾಲನೆ ವೇಳೆ ಏರ್‌ಫ್ರೆಶನರ್ ಚಿಮುಕಿಸಿದ ಬಳಿಕ ಯಾವುದೇ ಕಾರಣಕ್ಕೂ ಸಿಗರೇಟು ಹೊತ್ತಿಸುವ ಮುನ್ನ ಹುಷಾರ್ ಆಗಿ ಇರುವುದು ಒಳಿತು. ಯಾಕೇಂದ್ರೆ ಜೋ ಗೆ ಬಂದ ಪರಿಸ್ಥಿತಿ ಇತರರೆ ಬರುವುದು ಬೇಡ.