ಸಿಂಗಾಪುರದಲ್ಲೊಂದು ಪುಟ್ಟ ಭಾರತ; ದೀಪಾವಳಿ ಕಿಚ್ಚು ಹಚ್ಚಿದ ರೈಲು

ಸಿಂಗಾಪುರದಲ್ಲೂ ದೀಪಾವಳಿ ಹಬ್ಬವನ್ನು ಅದ್ದೂರಿಯಾಗಿ ಕೊಂಡಾಡಲಾಗುತ್ತಿದೆ ಎಂಬುದಕ್ಕೆ ಇದುವೇ ಸಾಕ್ಷಿ.

By Nagaraja

Published: Thursday, October 27, 2016, 18:01 [IST]

ಭಾರತೀಯ ಮೂಲದ ಹಲವಾರು ಮಂದಿ ಸಿಂಗಾಪುರದಲ್ಲಿ ಉದ್ಯೋಗ ಹರಸಿಕೊಂಡಿದ್ದು, ತಮ್ಮ ಕುಟುಂಬದೊಂದಿಗೆ ಸಂತೃಪ್ತ ಜೀವನವನ್ನು ನಡೆಸುತ್ತಿದ್ದಾರೆ. ಹಬ್ಬ ಹರಿ ದಿನಗಳ ಆಚರಣೆಗಳಲ್ಲಿ ಇಡೀ ವಿಶ್ವಕ್ಕೆ ಮಾದರಿಯಾಗಿರುವ ಭಾರತದಲ್ಲಿ ನಾನಾ ಧರ್ಮ ಪಂಗಡದವರು ಹಬ್ಬವನ್ನು ವಿಶೇಷ ರೀತಿಯಲ್ಲಿ ಕೊಂಡಾಡುತ್ತಾರೆ. ಪ್ರಸ್ತುತ ದೀಪಾವಳಿ ಹಬ್ಬ ಆಗಮನವಾಗಿವಾಗಿರುವಂತೆಯೇ ಸಿಂಗಾಪುರದ ಮೆಟ್ರೊ ರೈಲು ಮತ್ತು ಸ್ಟೇಷನ್ ಸಂಪೂರ್ಣವಾಗಿ ಭಾರತೀಯ ಶೈಲಿಯಲ್ಲಿ ಬದಲಾಗಿಬಿಟ್ಟಿದೆ.

ಸಿಂಗಾಪುರದಲ್ಲೊಂದು ಪುಟ್ಟ ಭಾರತ; ದೀಪಾವಳಿ ಕಿಚ್ಚು ಹಚ್ಚಿದ ರೈಲು

ಸಿಂಗಾಪುರದ ಮಾಸ್ ರಾಪಿಡ್ ಟ್ರಾನ್ಸಿಸ್ಟ್ (ಎಂಆರ್ ಟಿ) ರೈಲು ಜಾಲ ವ್ಯವಸ್ಥೆ ದೀಪಾವಳಿ ಥೀಮ್ ನಲ್ಲಿ ಹೊಸತಾದ ರೈಲೊಂದನ್ನು ಬಿಡುಗಡೆಗೊಳಿಸಿದೆ.

ಅಷ್ಟೇ ಯಾಕೆ ಸಂಪೂರ್ಣ ರೈಲು ನಿಲ್ದಾಣವನ್ನೇ ವರ್ಣಮಯ ದೀಪಾವಳಿ ಆಲಂಕಾರದೊಂದಿಗೆ ಬದಲಾಯಿಸಲಾಗಿದೆ. ಇಲ್ಲಿ ಪುಟ್ಟ ಭಾರತವನ್ನು ಕಣ್ಣಾರೆ ದರ್ಶನ ಮಾಡಬಹುದಾಗಿದೆ.

ಇಲ್ಲಿ ದೀಪಾವಳಿ ಹಬ್ಬವನ್ನು ಬರಮಾಡಿಕೊಳ್ಳುವ ರೀತಿಯನ್ನು ಕಂಡಾಗ ಭಾರತದಲ್ಲಿ ಇಷ್ಟೊಂದು ಸಂಭ್ರಮದಲ್ಲಿ ಹಬ್ಬವನ್ನು ಆಚರಿಸಲಾಗುತ್ತಿದೆಯೇ ಎಂಬ ಸಂದೇಹ ಮೂಡುತ್ತದೆ.

ದೀಪಾವಳಿ ಥೀಮ್ ರೈಲನ್ನು ಸಿಂಗಾಪುರ ಸಾರಿಗೆ ಸಚಿವ ಖಾವ್ ಬೂನ್ ವಾನ್ ಅಧಿಕೃತವಾಗಿ ಉದ್ಘಾಟಿಸಿದರು. ಇದು ಉತ್ತರ ಪೂರ್ವ ಲೇನ್ ನಿಂದ ಸಂಚಾರವನ್ನು ಆರಂಭಿಸಿದೆ.

ಅದೃಷ್ಟ ಸಂಕೇತವಾಗಿರುವ ಭಾರತೀಯ ಶೈಲಿಯ ಆಭರಣಗಳು, ತಾವರೆ, ನವಿಲುಗಳ ಆಲಂಕಾರವನ್ನು ಮೆಟ್ರೋ ಸ್ಟೇಷನ್ ಮತ್ತು ರೈಲಿನೊಳಗೆ ಮಾಡಲಾಗಿದೆ. ಇದು ಪ್ರಯಾಣಿಕರಿಗೆ ಹೊಸ ಅನುಭವ ನೀಡುತ್ತದೆ.