ಬಾಹ್ಯಾಕಾಶಕ್ಕೆ ಚಿಮ್ಮಲಿರುವ ಸೆಕೆಂಡ್ ಹ್ಯಾಂಡ್ ರಾಕೆಟ್

ಇದುವರೆಗೆ ಬೆಂಕಿಯುಗುಳುತ್ತಾ ಆಕಾಶಕ್ಕೆ ಚಿಮ್ಮುವ ರಾಕೆಟ್ ಗಳು ಭೂಮಿಗೆ ಮರಳದೇ ಸಮುದ್ರದಲ್ಲಿ ಶಾಶ್ವತವಾಗಿ ಲೀನವಾಗುತ್ತಿದ್ದವು. ಇದರಿಂದ ಉಪಗ್ರಹ ಉಡಾವಣಾ ವೆಚ್ಚ ವಿಪರೀತವಾಗಿ ಹೆಚ್ಚಾಗುತ್ತಿತ್ತು.

ಅಮೆರಿಕದ ಸ್ಪೇಸ್ ಎಕ್ಸ್ ಸಂಸ್ಥೆಯು ನಿರಂತರ ಅಧ್ಯಯನದ ಮೂಲಕ ಕಕ್ಷೆಗೆ ಸೇರಿದ ರಾಕೆಟನ್ನು ಸಮುದ್ರದಲ್ಲಿರುವ ತೇಲುವ ಹಡಗಿನ ಮೇಲೆ ಲ್ಯಾಂಡ್ ಮಾಡುವ ಮೂಲಕ ದಾಖಲೆ ಸೃಷ್ಟಿ ಮಾಡಿತ್ತು.

ಈಗ ಇನ್ನು ಒಂದು ಹೆಜ್ಜೆ ಮುಂದಿಟ್ಟಿರುವ ಸ್ಪೇಸ್ ಎಕ್ಸ್ ಸಂಸ್ಥೆಯು ವಿಮಾನ ಸಿದ್ಧ ರಾಕೆಟ್ ನಿಂದ ಎಸ್‌ಇಎಸ್-10 ಸಂಪರ್ಕ ಉಪಗ್ರಹವನ್ನು ಬಾಹ್ಯಾಕಾಶಕ್ಕೆ ರವಾನಿಸಲಿದೆ.

ಈ ಬಗ್ಗೆ ಪ್ರತಿಕ್ರಿಯಿಸಿರುವ ಕ್ಯಾಲಿಫೋರ್ನಿಯಾ ತಳಹದಿಯ ಸ್ಪೇಸ್ ಎಕ್ಸ್ ಸಂಸ್ಥೆಯ ಸೂತ್ರಧಾರಿಯಾಗಿರುವ ಇಲಾನ್ ಮಸ್ಕ್, ರಾಕೆಟ್ ಮರುಬಳಕೆಯಿಂದ ಉಪಗ್ರಹ ಉಡಾವಣಾ ವೆಚ್ಚ ಶೇಕಡಾ 30ರಷ್ಟು ಕಡಿತವಾಗಲಿದೆ ಎಂದಿದ್ದಾರೆ.

ವಾಣಿಜ್ಯ ವಿಮಾನಗಳ ತರಹನೇ ರಾಕೆಟ್ ಮರು ಬಳಕೆ ಮಾಡುವುದು ಸ್ಪೇಸ್ ಎಕ್ಸ್ ಸಂಸ್ಥೆಯ ಯೋಜನೆಯಾಗಿದೆ.

ಮೊದಲ ಹಂತವಾಗಿ ಎಸ್‌ಇಎಸ್ ಉಪಗ್ರಹವನ್ನು ಫಾಲ್ಕನ್ 9 ಹೊತ್ತೊಯ್ಯಲಿದೆ. ಇದೇ ರಾಕೆಟ್ ಎಪ್ರಿಲ್ ತಿಂಗಳಲ್ಲಿ ಡ್ರಾಗನ್ ಕ್ಯಾಪ್ಸೂಲ್ ಲ್ಯಾಡೆನ್ ಬಾಹ್ಯಾಕಾಶಕ್ಕೆ ಕಳುಹಿಸಿಕೊಡುವ ಮೂಲಕ ಯಶಸ್ವಿಯಾಗಿ ಹಿಂತಿರುಗಿತ್ತು.

ಇದುವರೆಗೆ ಆರು ರಾಕೆಟ್ ಗಳನ್ನು ಬಾಹ್ಯಾಕಾಶದಿಂದ ಯಶಸ್ವಿಯಾಗಿ ಭೂಮಿಗೆ ಸೇರಿಸುವ ಸ್ಪೇಸ್ ಎಕ್ಸ್ ಯಶಸ್ವಿಯಾಗಿದೆ. ಕೊನೆಯದಾಗಿ ಆಗಸ್ಟ್ 14ರಂದು ರಾಕೆಟ್ ತೇಲುವ ಹಡಗಿನ ಮೇಲೆ ಲ್ಯಾಂಡ್ ಮಾಡಿತ್ತು.