ಭಾರತೀಯ ರೈಲ್ವೆಗೆ ಮಗದೊಂದು ಕೋಡು 'ಹಮ್ ಸಫರ್' ರೈಲು

ಸಂಪೂರ್ಣವಾಗಿಯೂ ಎಸಿ ತ್ರಿ ಟೈರ್ ಸೇವೆಯನ್ನು ಹಮ್ ಸಫರ್ ರೈಲು ಹೊಂದಿರಲಿದೆ. ಮೀಸಲು ಪ್ರಯಾಣಿಕರಿಗಾಗಿ ಘೋಷಣೆ ಮಾಡಿರುವ ಮೂರು ರೈಲುಗಳಲ್ಲಿ ಇದೂ ಒಂದಾಗಿದೆ.

ಹಮ್ ಸಫರ್ ರೈಲಿನ ನಿರ್ಮಾಣ ಹಂತವು ಅಂತಿಮ ಘಟ್ಟದಲ್ಲಿದ್ದು, ಮುಂದಿನ ಒಂದು ತಿಂಗಳೊಳಗೆ ಸೇವೆಗೆ ಲಭ್ಯವಾಗಲಿದೆ ಎಂದು ರೈಲ್ವೆ ಅಧಿಕಾರಿಗಳು ತಿಳಿಸಿದ್ದಾರೆ.

ಸಾಮಾನ್ಯ ರೈಲುಗಳಿಗೆ ಹೋಲಿಸಿದಾಗ ಹೆಚ್ಚಿನ ವೈಶಿಷ್ಟ್ಯಗಳು ಹಮ್ ಸಫರ್ ರೈಲು ಪಡೆಯಲಿದೆ. ಇದು ಟಿವಿ, ಜಿಪಿಎಸ್ ಆಧಾರಿತ ಪ್ರಯಾಣಿಕ ಮಾಹಿತಿ ವ್ಯವಸ್ಥೆ ಇತ್ಯಾದಿ ಸೌಲಭ್ಯಗಳನ್ನು ಪಡೆಯಲಿದೆ.

ಇನ್ನು ತುರ್ತು ಪರಿಸ್ಥಿತಿಯಲ್ಲಿ ನೆರವಾಗಬಲ್ಲ ಬೆಂಕಿ ಹಾಗೂ ಹೊಗೆ ಪತ್ತೆ ಹಚ್ಚುವ ಹಾಗೂ ನಂದಿಸುವ ಉಪಕರಣವನ್ನು ಜೋಡಣೆ ಮಾಡಲಾಗುವುದು.

ಸೀಟುಗಳು ಗರಿಷ್ಠ ದರ್ಜೆಯನ್ನು ಕಾಪಾಡಿಕೊಂಡಿದ್ದು, ಹೆಚ್ಚು ಆರಾಮದಾಯಕವೆನಿಸಿಕೊಂಡಿದೆ. ಇನ್ನು ಸಪ್ರೇಷನ್ ವ್ಯವಸ್ಥೆಯೂ ಇರುತ್ತದೆ.

ರೈಲಿನಲ್ಲೇ ನಿಮ್ಮ ಕೆಲಸ ಕಾರ್ಯಗಳಿಗೆ ನೆರವಾಗುವ ರೀತಿಯಲ್ಲಿ ಮೊಬೈಲ್ ಹಾಗೂ ಲ್ಯಾಪ್ ಟಾಪ್ ಚಾರ್ಜಿಂಗ್ ಪಾಯಿಂಟ್ ಗಳನ್ನು ಲಗತ್ತಿಸಲಾಗಿದೆ.

ಸುರಕ್ಷತೆಯ ದೃಷ್ಟಿಕೋನದಲ್ಲಿ ಸಿಸಿಟಿವಿ ಆಳವಡಿಸಲಾಗಿದೆ. ಇನ್ನು ಜೈವಿಕ ಶೌಚಾಲಯದ ಮುಖಾಂತರ ಹೆಚ್ಚು ಪರಿಸರ ಸ್ನೇಹಿ ಎನಿಸಿಕೊಳ್ಳದಿದೆ. ತನ್ಮೂಲಕ ಮಲ ವಿಸರ್ಜನೆ ಮುಕ್ತ ಟ್ರ್ಯಾಕ್ ಗಳ ಅಭಿಯಾನಕ್ಕೆ ಕೈಜೋಡಿಸಲಿದೆ.

ಅಂಧರ ಬ್ರೈಲ್ ಲಿಪಿ ಪ್ರದರ್ಶಕಗಳನ್ನು ಆಳವಡಿಸಲಾಗಿದೆ. ಅಂತೆಯೇ ರೈಲಿನೊಳಗೆ ವಾಸನೆ ನಿಯಂತ್ರಣ ವ್ಯವಸ್ಥೆ ಇರಲಿದೆ.

ರೈಲಿನೊಳಗಿನ ಒಟ್ಟಾರೆ ಸೌಂದರ್ಯ ವೃದ್ಧಿಗೆ ಆದ್ಯತೆ ಕೊಡಲಾಗಿದೆ. ಭವಿಷ್ಯತ್ತಿನ ನೋಟ ಹಾಗೂ ಮಹಾರಾಜ ಎಕ್ಸ್ ಪ್ರೆಸ್ ಬೋಗಿಗಳಲ್ಲಿರುವುದಕ್ಕೆ ಸಮಾನವಾದ ವಿನೈಲ್ ಶೀಟ್ ಗಳನ್ನು ಆಳವಡಿಸಲಾಗಿದೆ.

ಈ ಎಲ್ಲ ಐಷಾರಾಮಿ ಸೌಲಭ್ಯಗಳು ಒಂದೆಡೆಯಾದರೆ ಹೊಸ ರೈಲಿನ ದರ ಶೇಕಡಾ 20ರಷ್ಟು ದುಬಾರಿಯೆನಿಸಲಿದೆ.