ಏಳು ದಿನಗಳಲ್ಲಿ ಸತತ ಆರು ಬಾರಿ ಪೆಟ್ರೋಲ್,ಡೀಸೆಲ್ ಬೆಲೆ ಏರಿಕೆ: ಇಂದಿನ ದರ ಇಂತಿದೆ

ಜಾಗತಿಕ ಮಾರುಕಟ್ಟೆಯಲ್ಲಿ ಕಚ್ಚಾತೈಲ ಬೆಲೆ ಹೆಚ್ಚಳ ಪರಿಣಾಮ ಪೆಟ್ರೋಲ್ ಮತ್ತು ಡೀಸೆಲ್ ಬೆಲೆಯಲ್ಲಿ ಮತ್ತೆ ಏರಿಕೆ ಆರಂಭಗೊಂಡಿದ್ದು, ಕಳೆದ ಏಳು ದಿನಗಳಲ್ಲಿ ಇಂದು ಸತತ ಆರನೇ ಬಾರಿಗೆ ಪೆಟ್ರೋಲ್ ಮತ್ತು ಡೀಸೆಲ್ ಬೆಲೆಗಳನ್ನು ಹೆಚ್ಚಿಸಲಾಗಿದೆ. ದೇಶದ ತೈಲ ಮಾರುಕಟ್ಟೆ ಕಂಪನಿಗಳು ಸೋಮವಾರ (ಮಾರ್ಚ್ 28) ಪೆಟ್ರೋಲ್ ರೂ.30 ಪೈಸೆ ಮತ್ತು ಡೀಸೆಲ್ ರೂ. 35 ಪೈಸೆ ಹೆಚ್ಚಿಸಿವೆ.

ಏಳು ದಿನಗಳಲ್ಲಿ ಸತತ ಆರು ಬಾರಿ ಪೆಟ್ರೋಲ್,ಡೀಸೆಲ್ ಬೆಲೆ ಏರಿಕೆ: ಇಂದಿನ ದರ ಇಂತಿದೆ

ಇತ್ತೀಚಿನ ಏರಿಕೆಯ ನಂತರ, ಕಳೆದ ಏಳು ದಿನಗಳಲ್ಲಿ ಇಂಧನ ಬೆಲೆಗಳನ್ನು ಪ್ರತಿ ಲೀಟರ್‌ಗೆ 4 ರೂ.ಗಳವರೆಗೆ ಹೆಚ್ಚಿಸಲಾಗಿದೆ. ಹೊಸ ಬೆಲೆ ಏರಿಕೆಯ ನಂತರ, ರಾಷ್ಟ್ರ ರಾಜಧಾನಿಯಲ್ಲಿ ಪೆಟ್ರೋಲ್ ಪ್ರತಿ ಲೀಟರ್‌ಗೆ 99.41 ರೂ. ಮತ್ತು ಡೀಸೆಲ್ ಪ್ರತಿ ಲೀಟರ್‌ಗೆ 90.77 ರೂ. ಹೆಚ್ಚಳವಾಗಿದೆ. ಭಾನುವಾರದಂದು ಪೆಟ್ರೋಲ್ ಮತ್ತು ಡೀಸೆಲ್ ಬೆಲೆಗಳನ್ನು ಕ್ರಮವಾಗಿ ಪ್ರತಿ ಲೀಟರ್‌ಗೆ 50 ಪೈಸೆ ಮತ್ತು 55 ಪೈಸೆ ಹೆಚ್ಚಿಸಿದ ನಂತರ, ಪೆಟ್ರೋಲಿಯಂ ಕಂಪನಿಗಳು ಸೋಮವಾರ ಈ ಬೆಲೆಗಳನ್ನು ಹೆಚ್ಚಿಸಿವೆ.

ಏಳು ದಿನಗಳಲ್ಲಿ ಸತತ ಆರು ಬಾರಿ ಪೆಟ್ರೋಲ್,ಡೀಸೆಲ್ ಬೆಲೆ ಏರಿಕೆ: ಇಂದಿನ ದರ ಇಂತಿದೆ

ಬೆಂಗಳೂರಿನಲ್ಲಿ ಲೀಟರ್ ಇಂದು ಪೆಟ್ರೋಲ್ 32 ಪೈಸೆ ಏರಿಕೆ, ಲೀಟರ್ ಡೀಸೆಲ್ 35 ಪೈಸೆ ಏರಿಕೆ ಆಗಿದೆ. ಅದರಂತೆ, ಲೀಟರ್ ಪೆಟ್ರೋಲ್ ದರ 104.78 ರೂಪಾಯಿ ಹಾಗೂ ಲೀಟರ್ ಡೀಸೆಲ್ ದರ 89.02 ರೂಪಾಯಿ ದಾಖಲಾಗಿದೆ.

ಏಳು ದಿನಗಳಲ್ಲಿ ಸತತ ಆರು ಬಾರಿ ಪೆಟ್ರೋಲ್,ಡೀಸೆಲ್ ಬೆಲೆ ಏರಿಕೆ: ಇಂದಿನ ದರ ಇಂತಿದೆ

ಸರಿ ಸುಮಾರು 137 ದಿನಗಳ ಬಳಿಕ ಈ ವರ್ಷದ ಮಾರ್ಚ್ 22 ರಂದು ಪೆಟ್ರೋಲ್ ಮತ್ತು ಡೀಸೆಲ್ ಬೆಲೆ ಏರಿಕೆಯನ್ನು ಭಾರತದ ಪ್ರಮುಖ ನಗರಗಳಲ್ಲಿ ಘೋಷಿಸಲಾಯಿತು. ನವೆಂಬರ್ 3, 2021 ರಿಂದ ಮಾರ್ಚ್ 21, 2022 ರವರೆಗೆ ಇಂಧನ ಬೆಲೆಯಲ್ಲಿ ಯಾವುದೇ ಏರಿಕೆಯಾಗಿರಲಿಲ್ಲ. ಕೇಂದ್ರ ಸರ್ಕಾರವು ಪೆಟ್ರೋಲ್ ಮೇಲೆ ಪ್ರತಿ ಲೀಟರ್‌ಗೆ 5 ರೂ. ಮತ್ತು ಡೀಸೆಲ್ ಮೇಲೆ ಪ್ರತಿ ಲೀಟರ್‌ಗೆ 10 ರೂ.ಗಳ ಅಬಕಾರಿ ಸುಂಕವನ್ನು ಕಡಿತಗೊಳಿಸಿದ್ದರಿಂದ ಮತ್ತು ಹಲವಾರು ರಾಜ್ಯಗಳು ರಾಜ್ಯ ತೆರಿಗೆಯನ್ನು ಕಡಿಮೆ ಮಾಡಿದ್ದರಿಂದ ಇಂಧನ ಬೆಲೆಗಳು 137 ದಿನಗಳ ಕಾಲ ಸ್ಥಿರವಾಗಿದ್ದವು.

ಏಳು ದಿನಗಳಲ್ಲಿ ಸತತ ಆರು ಬಾರಿ ಪೆಟ್ರೋಲ್,ಡೀಸೆಲ್ ಬೆಲೆ ಏರಿಕೆ: ಇಂದಿನ ದರ ಇಂತಿದೆ

ರಷ್ಯಾ ಮತ್ತು ಉಕ್ರೇನ್ ನಡುವೆ ನಡೆಯುತ್ತಿರುವ ಯುದ್ಧದಿಂದಾಗಿ, ಅಂತರರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಕಚ್ಚಾ ತೈಲದ ಬೆಲೆಗಳು ನಿರಂತರವಾಗಿ ಏರಿಳಿತಗೊಳ್ಳುತ್ತಲೇ ಇವೆ. ಭಾರತವು ತನ್ನ ಇಂಧನ ಅಗತ್ಯದ ಶೇಕಡಾ 85 ರಷ್ಟು ಆಮದು ಮಾಡಿಕೊಳ್ಳುತ್ತಿರುವುದರಿಂದ, ಕಚ್ಚಾ ತೈಲದ ಬೆಲೆಯಲ್ಲಿನ ಸಣ್ಣ ಏರಿಳಿತಗಳು ಸಹ ದೇಶದಲ್ಲಿ ಪೆಟ್ರೋಲ್ ಮತ್ತು ಡೀಸೆಲ್ ಬೆಲೆಗಳ ಮೇಲೆ ಭಾರಿ ಪರಿಣಾಮ ಬೀರುತ್ತಿವೆ. ಮುಂಬರುವ ದಿನಗಳಲ್ಲಿ ಭಾರತದಲ್ಲಿ ಪೆಟ್ರೋಲ್ ಮತ್ತು ಡೀಸೆಲ್ ಬೆಲೆಗಳು ಮತ್ತಷ್ಟು ದುಬಾರಿಯಾಗಬಹುದು ಎಂದು ತಜ್ಞರು ಅಂದಾಜಿಸಿದ್ದಾರೆ.

ಏಳು ದಿನಗಳಲ್ಲಿ ಸತತ ಆರು ಬಾರಿ ಪೆಟ್ರೋಲ್,ಡೀಸೆಲ್ ಬೆಲೆ ಏರಿಕೆ: ಇಂದಿನ ದರ ಇಂತಿದೆ

ಸಿಎನ್‌ಜಿ ಬೆಲೆಯೂ ಹೆಚ್ಚಳ

ಈ ತಿಂಗಳ ಆರಂಭದಲ್ಲಿ ಮಾರ್ಚ್ 8 ರಂದು ಸಿಎನ್‌ಜಿಯ ಬೆಲೆಯನ್ನು ರಾಷ್ಟ್ರ ರಾಜಧಾನಿ ಮತ್ತು ಸುತ್ತಮುತ್ತಲಿನ ನಗರಗಳಲ್ಲಿ ಪ್ರತಿ ಕೆ.ಜಿಗೆ 0.50 ರೂ.ಗಳಷ್ಟು ಹೆಚ್ಚಿಸಲಾಗಿತ್ತು. ರಾಷ್ಟ್ರ ರಾಜಧಾನಿಯಲ್ಲಿ ಸಿಎನ್‌ಜಿ ಮತ್ತು ಅಡುಗೆ ಅನಿಲವನ್ನು ಚಿಲ್ಲರೆ ಮಾರಾಟ ಮಾಡುವ ಇಂದ್ರಪ್ರಸ್ಥ ಗ್ಯಾಸ್ ಲಿಮಿಟೆಡ್‌ನ ವೆಬ್‌ಸೈಟ್‌ನಲ್ಲಿ ಪೋಸ್ಟ್ ಮಾಡಲಾದ ಮಾಹಿತಿಯ ಪ್ರಕಾರ, ದೆಹಲಿಯ ಎನ್‌ಸಿಟಿಯಲ್ಲಿ ಸಿಎನ್‌ಜಿಯ ಬೆಲೆ ಪ್ರತಿ ಕೆ.ಜಿಗೆ 56.51 ರೂ.ಗಳಿಂದ 57.51 ರೂ.ಗೆ ಏರಿಕೆಯಾಗಿದೆ.

ಏಳು ದಿನಗಳಲ್ಲಿ ಸತತ ಆರು ಬಾರಿ ಪೆಟ್ರೋಲ್,ಡೀಸೆಲ್ ಬೆಲೆ ಏರಿಕೆ: ಇಂದಿನ ದರ ಇಂತಿದೆ

ಮಾರ್ಚ್ 22 ರಂದು ಪೆಟ್ರೋಲ್ ಮತ್ತು ಡೀಸೆಲ್ ಬೆಲೆ ಏರಿಕೆಗೆ ಮುಂಚಿತವಾಗಿ, ದೇಶೀಯ ಎಲ್‌ಪಿಜಿ ಬೆಲೆಯನ್ನು ಪ್ರತಿ ಸಿಲಿಂಡರ್‌ಗೆ 50 ರೂ. ಹೆಚ್ಚಳ ಮಾಡಲಾಗಿದೆ. ಈ ಏರಿಕೆಗೂ ಕೆಲವು ದಿನಗಳ ಮೊದಲು ಮಾರ್ಚ್ 20 ರಂದು ಪೆಟ್ರೋಲಿಯಂ ಕಂಪನಿಗಳು ಸಗಟು ಡೀಸೆಲ್ ಬೆಲೆಯನ್ನು ಪ್ರತಿ ಲೀಟರ್‌ಗೆ 25 ರೂ.ಗಳಷ್ಟು ಹೆಚ್ಚಿಸಿದವು.

ಏಳು ದಿನಗಳಲ್ಲಿ ಸತತ ಆರು ಬಾರಿ ಪೆಟ್ರೋಲ್,ಡೀಸೆಲ್ ಬೆಲೆ ಏರಿಕೆ: ಇಂದಿನ ದರ ಇಂತಿದೆ

ಪ್ರಮುಖ ನಗರಗಳ ಪೆಟ್ರೋಲ್, ಡೀಸೆಲ್ ಬೆಲೆ

ದೆಹಲಿ

ಪೆಟ್ರೋಲ್: ಪ್ರತಿ ಲೀಟರ್‌ 99.41 ರೂ.

ಡೀಸೆಲ್: ಪ್ರತಿ ಲೀಟರ್‌ 90.77 ರೂ.

ಮುಂಬೈ

ಪೆಟ್ರೋಲ್: ಪ್ರತಿ ಲೀಟರ್‌ 114.19 ರೂ.

ಡೀಸೆಲ್: ಪ್ರತಿ ಲೀಟರ್‌ 98.50 ರೂ.

ಬೆಂಗಳೂರು

ಪೆಟ್ರೋಲ್: ಪ್ರತಿ ಲೀಟರ್‌ 104.78 ರೂ.

ಡೀಸೆಲ್: ಪ್ರತಿ ಲೀಟರ್‌ 89.02 ರೂ.

ಚೆನ್ನೈ

ಪೆಟ್ರೋಲ್: ಪ್ರತಿ ಲೀಟರ್‌ 108.18 ರೂ.

ಡೀಸೆಲ್: ಪ್ರತಿ ಲೀಟರ್‌ 95.33 ರೂ.

ಕೊಲ್ಕತ್ತಾ

ಪೆಟ್ರೋಲ್: ಪ್ರತಿ ಲೀಟರ್‌ 108.85 ರೂ.

ಡೀಸೆಲ್: ಪ್ರತಿ ಲೀಟರ್‌ 93.92 ರೂ.

ಏಳು ದಿನಗಳಲ್ಲಿ ಸತತ ಆರು ಬಾರಿ ಪೆಟ್ರೋಲ್,ಡೀಸೆಲ್ ಬೆಲೆ ಏರಿಕೆ: ಇಂದಿನ ದರ ಇಂತಿದೆ

ಪ್ರತಿದಿನದ ಇಂಧನ ಬೆಲೆ ತಿಳಿಯಲು ಹೀಗೆ ಮಾಡಿ

ಪೆಟ್ರೋಲ್ ಮತ್ತು ಡೀಸೆಲ್ ಬೆಲೆಯನ್ನು ಕಂಡುಹಿಡಿಯುವುದು ತುಂಬಾ ಸುಲಭ. ನಿಮ್ಮ ಸ್ಮಾರ್ಟ್‌ಫೋನ್‌ನಿಂದ ಪ್ರತಿದಿನ ಇಂಧನದ ಬೆಲೆಯನ್ನು ತಿಳುದುಕೊಳ್ಳಬಹುದು. ಇದಕ್ಕಾಗಿ ಇಂಡಿಯನ್ ಆಯಿಲ್ ಎಸ್ಎಂಎಸ್ ಸೇವೆಯ 9224992249 ಮೊಬೈಲ್ ಸಂಖ್ಯೆಗೆ ಎಸ್ಎಂಎಸ್ ಕಳುಹಿಸುವ ಮೂಲಕ ಇತ್ತೀಚಿನ ದರವನ್ನು ತಿಳಿದುಕೊಳ್ಳಲು, ಮೆಸೇಜ್‌ ಬಾಕ್ಸ್‌ನಲ್ಲಿ- RSP< Space>Parol ಪಂಪ್ ಡೀಲರ್ ಕೋಡ್. ಇಂಟರ್ನೆಟ್‌ಗೆ ಭೇಟಿ ನೀಡುವ ಮೂಲಕ ನಿಮ್ಮ ಪ್ರದೇಶದ RSP ಕೋಡ್ ಅನ್ನು ನೀವು ಪರಿಶೀಲಿಸಬಹುದು. ಸಂದೇಶವನ್ನು ಕಳುಹಿಸಿದ ನಂತರ, ಪೆಟ್ರೋಲ್ ಡೀಸೆಲ್‌ನ ಇತ್ತೀಚಿನ ದರದ ಬಗ್ಗೆ ನಿಮಗೆ ಮಾಹಿತಿ ಸಿಗಲಿದೆ.

Most Read Articles

Kannada
English summary
Petrol diesel latest price update delhi mumbai chennai kolkata details
Story first published: Monday, March 28, 2022, 14:12 [IST]
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X