ವಿಮಾನ, ಸೂಪರ್ ಕಾರ್ ಬಳಿಕವೀಗ 'ಕಬಾಲಿ' ಡಬಲ್ ಡೆಕ್ಕರ್ ಬಸ್

ರಜನಿಗೆ ಸರಿಸಾಟಿ ರಜನಿ ಮಾತ್ರ ಎಂಬುದು ಮಗದೊಮ್ಮೆ ಸಾಬೀತುಗೊಂಡಿದೆ. ಮುಂಬೈನಲ್ಲಿ ಡಬಲ್ ಡೆಕ್ಕರ್ ಬಸ್ಸೊಂದು ಕಬಾಲಿ ಗ್ರಾಫಿಕ್ಸ್ ಗಳಿಂದ ರಾರಾಜಿಸುತ್ತಿದೆ.

ರಜನಿಕಾಂತ್ ಮತ್ತು ಕಬಾಲಿ ಚಿತ್ರದ ಮೇಲಿನ ಅಪಾರ ಪ್ರೀತಿಯಿಂದ ಫಾಕ್ಸ್ ಸ್ಟಾರ್ ಸ್ಟುಡಿಯೋ, ಅತಿ ವಿಶಿಷ್ಟ ಕಬಾಲಿ ಬಸ್ಸನ್ನು ಬಿಡುಗಡೆ ಮಾಡಿದೆ.

ವಾಡಾಲಾ ಬಸ್ ನಿಲ್ದಾಣದಿಂದ ಆರಂಭಿಸುವ ಪ್ರಯಾಣವು ಅರೋರಾ ಥಿಯೇಟರ್, ಸೇನಾ ಭವನ್, ಬಾಂದ್ರಾ ಲಿಂಕಿಂಗ್ ರಸ್ತೆ, ಸಿಟಿ ಮಾಲ್ ಹಾದಿಯಾಗಿ ಇನ್ ಓರ್ಬಿಟ್ ಮಲಾಡ್ ತಲುಪಲಿದೆ.

ಬಲ್ಲ ಮೂಲಗಳ ಪ್ರಕಾರ ಅರೋರಾ ಥಿಯೇಟರ್ ರಜನಿ ಅಭಿಮಾನಿಗಳ ಬಹು ದೊಡ್ಡ ಬಳಗವಿದೆ. ಈಗ ಬಹುನಿರೀಕ್ಷಿತ ಕಬಾಲಿ ಚಿತ್ರದ ಬಿಡುಗಡೆಯ ನಿರೀಕ್ಷೆಯಲ್ಲಿದ್ದಾರೆ.

ಕಬಾಲಿ ಚಿತ್ರ ಬಿಡುಗಡೆಗೂ ಮುನ್ನ ಬಂದಿರುವ ಟೀಸರ್ ಯೂಟ್ಯೂಬ್ ದಾಖಲೆ ವೀಕ್ಷಣೆಗೆ ಪಾತ್ರವಾಗಿದೆ. ಎಲ್ಲರ ಬಾಯಲ್ಲೂ ರಜನಿ ಅವರಿಂದ ಮಾತ್ರ ಇಂತಹದೊಂದು ದಾಖಲೆ ಮಾಡಲು ಸಾಧ್ಯ ಎಂಬ ಮಾತುಗಳು ಕೇಳಿ ಬರುತ್ತಿದೆ.

ಕಬಾಲಿ ಚಿತ್ರವನ್ನು ಬರಮಾಡಿಕೊಳ್ಳಲು ರಜನಿ ಅಭಿಮಾನಿಗಳು ಕಾತರದಿಂದ ಕಾಯುತ್ತಿದ್ದಾರೆ. ಇದರನ್ವಯ ಬೆಂಗಳೂರು ಮತ್ತ ಚೆನ್ನೈ ತಳಹದಿಯ ಕೆಲವು ಖಾಸಗಿ ಸಂಸ್ಥೆಗಳು ರಜೆಯನ್ನು ಘೋಷಿಸಿದೆ.

ಇನ್ನೊಂದೆಡೆ ಕಬಾಲಿ ಚಿತ್ರ ಆನ್ ಲೈನ್ ನಲ್ಲಿ ಸೋರಿಕೆಯಾಗಿರುವ ಸುದ್ದಿ ಹರಡಿದ್ದು, ಚಿತ್ರತಂಡದಲ್ಲಿ ಭೀತಿಯನ್ನು ಹರಡಿದೆ.

ಎಲ್ಲೆಡೆ 'ಕಬಾಲಿ'ಮಯ; ಬೆಂಗಳೂರಿನಿಂದ ಸೂಪರ್ ಸ್ಟಾರ್ ತರಹನೇ ಹಾರಾಡಿ!

ಸೂಪರ್ ಕಾರಿಗೂ ವ್ಯಾಪಿಸಿದ ರಜನಿ ಕಬಾಲಿ ಹವಾ

ರಜನಿ ಸ್ಟೈಲ್‌ನಲ್ಲಿ ಮಾರುತಿ ಸುಜುಕಿ ಸ್ವಿಫ್ಟ್ ಕಬಾಲಿ ಎಡಿಷನ್