ಅನುಷ್ಕಾಗೆ ಕೈಕೊಟ್ಟ ಕೊಹ್ಲಿ? ಹೊಸ ಪ್ರೇಯಸಿ ಜೊತೆ ಡೇಟಿಂಗ್!

By Nagaraja

Updated: Tuesday, November 3, 2015, 18:08 [IST]

ಅನುಷ್ಕಾಗೆ ಕೈಕೊಟ್ಟ ಕೊಹ್ಲಿ? ಹೊಸ ಸಂಗಾತಿ ಯಾರು ಗೊತ್ತಾ ? ಹ್ಹಾಂ! ಶೀರ್ಷಿಕೆ ಕೇಳಿ ಗಾಬರಿಯಾಗದಿರಿ. ಐಷಾರಾಮಿ ಕಾರುಗಳತ್ತ ಸದಾ ಆಕರ್ಷಣೆ ಹೊಂದಿರುವ ಭಾರತೀಯ ಟೆಸ್ಟ್ ಕ್ರಿಕೆಟ್ ತಂಡದ ಯುವ ನಾಯಕ ವಿರಾಟ್ ಕೊಹ್ಲಿ ಆಡಿಯ ದುಬಾರಿ ಕಾರೊಂದರ ಜೊತೆ ಡೇಟಿಂಗ್ ಮಾಡಿಕೊಂಡಿದ್ದಾರೆ.

Also Read : ರೇಸ್ ಟ್ರ್ಯಾಕಲ್ಲಿ ಧೋನಿ ಬಾಯ್ಸ್ ವೈಟ್‌ವಾಶ್ ಸಂಭ್ರಮ ಮುಂದಕ್ಕೆ ಓದಿ

ನಿಮಗೆಲ್ಲರಿಗೂ ತಿಳಿದಿರುವಂತೆಯ ತಮ್ಮ ನೆಚ್ಚಿನ ಆಡಿ ಬ್ರಾಂಡ್‌ನ ಐಷಾರಾಮಿ ಎ8ಎಲ್ ಡಬ್ಲ್ಯು12 ಕಾರನ್ನು ಕೊಹ್ಲಿ ಖರೀದಿಸಿದ್ದು, ತಮ್ಮ ಪ್ರೇಯಸಿ ಬಾಲಿವುಡ್ ನಟಿ ಅನುಷ್ಕಾ ಶರ್ಮಾಗೆ ಸ್ವಲ್ಪ ವಿರಾಮ ಕೊಡುವ ಮೂಲಕ ಆಡಿ ಕಾರಿನ ಜೊತೆ ಜಾಲಿ ರೈಡ್ ಹೊಡೆದಿದ್ದಾರೆ.

ಆಡಿ ಎ8ಎಲ್ ಡಬ್ಲ್ಯು12 ಕಾರು ಖರೀದಿಸಿದ ವಿರಾಟ್ ಕೊಹ್ಲಿ

ಈಗಾಗಲೇ ಆಡಿಯ ಜನಪ್ರಿಯ ಆರ್8, ಆರ್8 ಎಲ್‌ಎಂಎಕ್ಸ್ ಸೀಮಿತ ಆವತ್ತಿ, ಆಡಿ ಆರ್8 ವಿ10 ಹಾಗೂ ಆಡಿ ಕ್ಯೂ7 ಒಡೆಯರಾಗಿರುವ ಕೊಹ್ಲಿ, ಈಗ ಎರಡು ಕೋಟಿಗಿಂತಲೂ ಹೆಚ್ಚು ಬೆಲೆಯ ಆಡಿ ಎ8ಎಲ್ ಡಬ್ಲ್ಯು12 ಕ್ವಾಟ್ರೊ ಕಾರನ್ನು ತಮ್ಮದಾಗಿಸಿಕೊಂಡಿದ್ದಾರೆ.

ನಿಮ್ಮ ಮಾಹಿತಿಗಾಗಿ ಜರ್ಮನಿಯ ಐಷಾರಾಮಿ ಆಡಿ ಸಂಸ್ಥೆಯಿಂದ ನಿರ್ಮಿತ ಎ8ಎಲ್ ಡಬ್ಲ್ಯು12 ಕ್ವಾಟ್ರೊ ಕಾರು ಮೂರು ಎಂಜಿನ್ ಆಯ್ಕೆಗಳಲ್ಲಿ ಲಭ್ಯವಿರುತ್ತದೆ.

ಎಂಜಿನ್ ಆಯ್ಕೆಗಳು

3.0 ಲೀಟರ್ ವಿ6 ಡೀಸೆಲ್,
4.2 ಲೀಟರ್ ವಿ8 ಡೀಸೆಲ್,
6.3 ಲೀಟರ್ ಡಬ್ಲ್ಯು ಪೆಟ್ರೋಲ್

ಈ ಎಲ್ಲ ಮೂರು ಮಾದರಿಗಳು ದೆಹಲಿ ಎಕ್ಸ್ ಶೋ ರೂಂ 1.17 ಕೋಟಿ ರು.ಗಳಿಂದ 1.87 ಕೋಟಿ ರು.ಗಳಷ್ಟು ದುಬಾರಿಯೆನಿಸುತ್ತದೆ. ಅಂದರೆ ಆನ್ ರೋಡ್ ಬೆಲೆ ಎರಡು ಕೋಟಿ ರುಪಾಯಿಗಳನ್ನು ದಾಟಲಿದೆ.

ಈ ಪೈಕಿ ಟಾಪ್ ಎಂಡ್ ಆಡಿ ಎ8ಎಲ್ ಡಬ್ಲ್ಯು12 ಕ್ವಾಟ್ರೊ ಮಾದರಿಯು 6.3 ಲೀಟರ್ ಲೀಟರ್ ಎಂಜಿನ್ ನಿಂದ ನಿಯಂತ್ರಿಸಲ್ಪಡಲಿದ್ದು, 625 ಎನ್ ಎಂ ತಿರುಗುಬಲದಲ್ಲಿ 494 ಅಶ್ವಶಕ್ತಿಯನ್ನು ಉತ್ಪಾದಿಸಲಿದೆ.