ಜಬ್ ತಕ್ ಹೈ ಜಾನ್‌ ಚಿತ್ರದಲ್ಲಿ ಶಾರೂಕ್ ರಾಯಲ್ ಸವಾರಿ!

ಜಬ್ ತಕ್ ಹೈ ಜಾನ್ ಚಿತ್ರದಲ್ಲಿ ಶಾರೂಕ್ ಖಾನ್ ರಾಯಲ್ ಎನ್‌ಫೀಲ್ಡ್ ಓಡಿಸುತ್ತಿರುವುದು ಪ್ರಮುಖ ಆಕರ್ಷಣೆಗೆ ಕಾರಣವಾಗಿದ್ದು, ಅಭಿಮಾನಿಗಳನ್ನು ತುದಿಗಾಲಲ್ಲಿ ನಿಲ್ಲುವಂತೆ ಮಾಡಿದೆ.

ಪ್ರಮುಖವಾಗಿಯೂ ಯುವ ಜನಾಂಗವನ್ನು ಗುರಿಯಿರಿಸಿಕೊಂಡು ಬುಲೆಟ್ ಬೈಕ್‌ಗಳನ್ನು ರಾಯನ್ ಎನ್‌ಫೀಲ್ಡ್ ತಯಾರಿಸುತ್ತಿದೆ. ಅಲ್ಲದೆ ಹದಿಹರೆಯರ ಮನ ಗೆಲ್ಲುವಲ್ಲಿ ಯಶಸ್ವಿಯಾಗಿದೆ.

ಲೇಹ್‌ ಮಂಜುಗಡ್ಡೆಯಿಂದ ಆವೃತ್ತವಾದ ಪರ್ವತ ಶಿಖರದಲ್ಲೂ ಶಾರೂಕ್ ಎನ್‌ಫೀಲ್ಡ್ ಸವಾರಿ ಅದ್ಭುತ. ಈ ಹಿಂದೆ 'ಜಿಂದಾಗಿ ನಾ ಮಿಲೇಗಿ' ಚಿತ್ರದಲ್ಲಿ ನಟಿ ಕತ್ರಿನಾ ಕೈಫ್ ಎನ್‌ಫೀಲ್ಡ್ ಬೈಕ್‌ನಲ್ಲಿ ಕಾಣಿಸಿಕೊಂಡಿದ್ದರು.

ಜಬ್ ತಕ್ ಹೈ ಜಾನ್ ಚಿತ್ರದಲ್ಲಿ ಕೇವಲ ಶಾರೂಕ್ ಮಾತ್ರವಲ್ಲದೆ ನಟಿ ಅನುಷ್ಕಾ ಶರ್ಮಾ ಕೂಡಾ ನೀಲಿ ಬಣ್ಣದ ಎನ್‌ಫೀಲ್ಡ್‌ ಬೈಕ್‌ನಲ್ಲಿ ಮಜಾ ಉಡಾಯಿಸಿದ್ದಾರೆ.

ರಾಯಲ್ ಎನ್‌ಫೀಲ್ಡ್ ಬೈಕ್ ಜತೆಗೆ ನಾಯಕ ಶಾರೂಕ್ ಪೋಸ್ಟರ್ ಭಾರಿ ಗಮನ ಸೆಳೆಯುತ್ತಿದೆ. ಚಿತ್ರದಲ್ಲಿ ಸೇನಾ ಅಧಿಕಾರಿಯಾಗಿ ಕಾಣಿಸಿಕೊಂಡಿರುವ ಶಾರೂಕ್ ರೈಡಿಂಗ್ ಬಗ್ಗೆ ದೂಸ್ರಾ ಮಾತಿಲ್ಲ.

ಜಬ್ ತಕ್ ಹೈ ಜಾನ್ ಚಿತ್ರದಲ್ಲಿ ರಾಯಲ್ ಎನ್‌ಫೀಲ್ಡ್ ಬುಲೆಟ್ ಕಂಪನಿಯ ಒಟ್ಟು ಮೂರು ಬೈಕ್‌ಗಳನ್ನು ಬಳಸಿಕೊಳ್ಳಲಾಗಿದೆ. ಇದರಲ್ಲಿ ಡೆಸಾರ್ಟ್ ಸ್ಟ್ರೋಮ್, ಥಂಡರ್‌ಬರ್ಡ್ ಹಾಗೂ ಕ್ಲಾಸಿಕ್ 350 ಸೇರಿವೆ.

ಇತ್ತೀಚೆಗಷ್ಟೇ ಬಿಡುಗಡೆಗೊಂಡ ರಾಯನ್ ಎನ್‌ಫೀಲ್ಡ್‌ನ ಥಂಡರ್‌ಬರ್ಡ್ ಆವೃತ್ತಿಗೂ ಉತ್ತಮ ಬೇಡಿಕೆ ಕಂಡುಬಂದಿದೆ.

ಬಾಲಿವುಡ್ ಬಾದ್‌ಷಾ ಆಗಿರುವ ಶಾರೂಕ್ ಖಾನ್ ಕೂಡಾ ಪ್ರಸ್ತುತ ಬುಲೆಟ್ ರಾಜಾ ರಾಯನ್‌ ಎನ್‌ಫೀಲ್ಡ್ ಅಭಿಮಾನಿ ಎನಿಸಿಕೊಂಡಿದ್ದಾರೆ.

ಜಬ್ ತಕ್ ಹೈ ಜಾನ್ ಚಿತ್ರದಲ್ಲಿ ಶಾರೂಕ್ ರಾಯಲ್ ಸವಾರಿ