ಹಾರ್ಲೆ ಡೇವಿಡ್ಸನ್ ನಕಲು ಮಾಡಿತೇ ಹೊಸ ಅವೆಂಜರ್?

ಹಾರ್ಲೆ ಡೇವಿಡ್ಸನ್ ಸ್ಟ್ರೀಟ್ 750 ಡಾರ್ಕ್ ಕಸ್ಟಮ್ ಮಾದರಿಯಿಂದ ಸ್ಪೂರ್ತಿ ಪಡೆದ ವಿನ್ಯಾಸ ತಂತ್ರಗಾರಿಕೆಯನ್ನು ಹೊಂದಿರುವ ಬಜಾಜ್ ಅವೆಂಜರ್ ಕಪ್ಪು ವರ್ಣದ ಬಣ್ಣವನ್ನು ಪಡೆದಿದೆ.

ಇಂಧನ ಟ್ಯಾಂಕ್ ಮೇಲೆ ವಿಶೇಷ ಗ್ರಾಫಿಕ್ಸ್ ಪಡೆದಿರುವ ಹೊಸ ಅವೆಂಜರ್, ಹೊಸದಾಗಿ ವಿನ್ಯಾಸಗೊಳಿಸಲಾದ ಎಕ್ಸಾಸ್ಟ್ ಕೊಳವೆ, ಕ್ಲಿಯರ್ ಟರ್ನ್ ಸಿಗ್ನಲ್ ಲೆನ್ಸ್ ಹಾಗೂ ಮ್ಯಾಟ್ ಬ್ಲ್ಯಾಕ್ ಅಲಾಯ್ ವೀಲ್ ಪಡೆದುಕೊಂಡಿದೆ.

ಹಿಂದಿನ ಮಾದರಿಯಲ್ಲಿದ್ದ 220ಸಿಸಿ ಗಿಂತಲೂ ವಿಭಿನ್ನವಾಗಿ 2015 ಬಜಾಜ್ ಅವೆಂಜರ್, ಪಲ್ಸರ್ 200 ಎನ್ ಎಸ್ ಮಾದರಿಗೆ ಸಮಾನವಾದ 200 ಸಿಸಿ ಲಿಕ್ವಿಡ್ ಕೂಲ್ಡ್ ಸಿಂಗಲ್ ಸಿಲಿಂಡರ್ ಎಂಜಿನ್ ನಿಂದ ನಿಯಂತ್ರಿಸಲ್ಪಡಲಿದೆ. ಇದು 18.3 ಎನ್‌ಎಂ ತಿರುಗುಬಲದಲ್ಲಿ 23.52 ಅಶ್ವಶಕ್ತಿಯನ್ನು ಉತ್ಪಾದಿಸಲಿದೆ.

ಇದರೊಂದಿಗೆ ಈಗಿರುವ 220ಸಿಸಿ ಎಂಜಿನ್ ಸಹ ಉಳಿಸಿಕೊಳ್ಳುವ ಸಾಧ್ಯತೆಯಿದೆ. ಇನ್ನುಳಿದಂತೆ ಪ್ರೀಮಿಯಂ ವೆರಿಯಂಟ್ ಎಬಿಸ್ ಭದ್ರತಾ ವ್ಯವಸ್ಥೆಯೊಂದಿಗೂ ಲಭ್ಯವಾಗಲಿದೆ.

ಹೊಸ ಅವೆಂಜರ್ ಸ್ಪರ್ಧಾತ್ಮಕ ಬೆಲೆಯಲ್ಲಿ ಬಿಡುಗಡೆ ಮಾಡುವುದು ಸಂಸ್ಥೆಯ ಯೋಜನೆಯಾಗಿದೆ. ಇದು ಒಂದು ಲಕ್ಷ ರು.ಗಳ ಬೆಲೆಯಲ್ಲಿ ಬಿಡುಗಡೆಯಾಗುವ ಸಾಧ್ಯತೆಯಿದೆ.