ದೇಶದ ನಂ.1 ಕ್ರೀಡಾ ಬೈಕ್ ಪಲ್ಸರ್ 15ರ ಹರೆಯ; ಭಾರಿ ಆಫರ್!

ನಿಮ್ಮ ನೆಚ್ಚಿನ ಬಜಾಜ್ ಪಲ್ಸರ್ ಖರೀದಿ ವೇಳೆಯಲ್ಲಿ ಗರಿಷ್ಠ 14,100 ರುಪಾಯಿಗಳ ವರೆಗೂ ಉಳಿತಾಯ ಮಾಡಬಹುದಾಗಿದೆ. ಇದರಲ್ಲಿ ಹಣಕಾಸು ನೆರವು ಮತ್ತು ಆಕರ್ಷಕ ಉಳಿತಾಯಗಳು ಸೇರಿರಲಿದೆ.

ಬಜಾಜ್ ಪಲ್ಸರ್ 135 ಎಲ್ ಎಸ್, 150, 180, 220 ಎಫ್ ಮತ್ತು ಎಸ್ 150 ಹಾಗೂ 200 ಮಾದರಿಗಳಿಗೆ ಆಫರ್ ನೀಡಲಾಗುತ್ತಿದ್ದು, ವಿಶೇಷ ದರಗಳಲ್ಲಿ ಲಭ್ಯವಾಗಲಿದೆ.

ಈ ಎಲ್ಲ ಆಫರ್ ಗಳು 2016 ಸೆಪ್ಟೆಂಬರ್ 14ರ ವರೆಗೆ ಮಾತ್ರ ಲಭ್ಯವಾಗಲಿದೆ. ಹಾಗಾಗಿ ಆಸಕ್ತ ಗ್ರಾಹಕರು ಆದಷ್ಟು ಬೇಗನೇ ತಮ್ಮ ನಿಕಟ ಅಧಿಕೃತ ಬಜಾಜ್ ಡೀಲರುಗಳನ್ನು ಸಂಪರ್ಕಿಸಬಹುದಾಗಿದೆ.

2001ನೇ ಇಸವಿಯಲ್ಲಿ ಮೊದಲ ಬಾರಿಗೆ ಪಲ್ಸರ್ ಭಾರತೀಯ ಮಾರುಕಟ್ಟೆಗೆ ಎಂಟ್ರಿ ಕೊಟ್ಟಿತ್ತು. ತದಾ ಬಳಿಕ ಮಾರುಕಟ್ಟೆಯಲ್ಲಿ ತಾಜಾತನವನ್ನು ಕಾಪಾಡಿಕೊಳ್ಳಲು ಅನೇಕ ಪಲ್ಸರ್ ಶ್ರೇಣಿಯ ಬೈಕ್ ಗಳನ್ನು ಸಂಸ್ಥೆಯು ಬಿಡುಗಡೆಗೊಳಿಸಿತ್ತು.

ಬಜಾಜ್ ಪಲ್ಸರ್ ವ್ಯಾಂಟೇಜ್ ಸ್ಪೋರ್ಟ್

ಬಹುನಿರೀಕ್ಷಿತ ಪಲ್ಸರ್ ವ್ಯಾಂಟೇಜ್ ಸ್ಪೋರ್ಟ್ (ವಿಎಸ್400) ಬಿಡುಗಡೆಯಾಗಲು ತಯಾರಿ ನಡೆಸುತ್ತಿರುವ ಮಧ್ಯೆ ಪಲ್ಸರ್ 135 ಸಿಸಿ ಹಿಡಿದು ಆರ್ ಎಸ್ 200 ಸಿಸಿ ವರೆಗಿನ ಬೈಕ್ ಗಳಿಗೆ ವಿಶೇಷ ದರ ಆಫರ್ ಗಳನ್ನು ಘೋಷಿಸಿದೆ.

ಇನ್ನು ಮುಂದೆ ಬಜಾಜ್ ಪಲ್ಸರ್ ಕ್ರೂಸರ್ ಸ್ಪೋರ್ಟ್ಸ್ ಬೈಕ್ ವ್ಯಾಂಟೇಜ್ ಸ್ಪೋರ್ಟ್ಸ್ ಎಂದು ಹೆಸರಿಸಿಕೊಳ್ಳಲಿದೆ. ಇದರಲ್ಲಿರುವ 373 ಸಿಸಿ ಲಿಕ್ವಿಡ್ ಕೂಲ್ಡ್ 4 ವಾಲ್ವ್ ಟ್ರಿಪಲ್ ಸ್ಪಾರ್ಕ್ ಎಂಜಿನ್ 34.5 ಅಶ್ವಶಕ್ತಿ ಉತ್ಪಾದಿಸಲಿದ್ದು, ಆರು ಸ್ಪೀಡ್ ಗೇರ್ ಬಾಕ್ಸ್ ಇದರಲ್ಲಿರಲಿದೆ.

2016 ಆಟೋ ಎಕ್ಸ್ ಪೋದಲ್ಲಿ ಪ್ರದರ್ಶನ ಕಂಡಿದ್ದ ಈ ಬಹುನಿರೀಕ್ಷಿತ ಬೈಕ್ ಇನ್ನೇನು ಕೆಲವೇ ದಿನಗಳಲ್ಲಿ ಬಿಡುಗಡೆಯಾಗಲಿದ್ದು, 1.5 ಲಕ್ಷ ರುಪಾಯಿಗಳಿಂದ 1.7 ಲಕ್ಷ ರುಪಾಯಿಗಳ ವರೆಗೆ ದುಬಾರಿಯೆನಿಸುವ ಸಾಧ್ಯತೆಯಿದೆ.