ಕೆಟಿಎಂ ಪ್ರಿಯರಿಗೆ ಈ ವಿಚಾರ ಖಂಡಿತ ಬೇಸರ ತರಿಸುತ್ತೆ !!

ಬಲ್ಲ ಮೂಲಗಳ ಪ್ರಕಾರ ಡ್ಯೂಕ್ 200 ಬೈಕಿನ ಈಗಿರುವ ಆವೃತಿಯನ್ನೇ ಮುಂದುವರೆಸಲು ಯೋಚಿಸಲಾಗಿದ್ದು, ಪ್ರಸ್ತುತ ಆವೃತಿಯಲ್ಲಿರುವ ಬಣ್ಣ ಮತ್ತು ಗ್ರಾಫಿಕ್ಸ್ ಮಾತ್ರ ಬದಲಾವಣೆಗೊಳಿಸಿ ಬಿಡುಗಡೆಗೊಳಿಸಲು ನಿರ್ಧರಿಸಲಾಗಿದೆ.

ಆದರೆ ತನ್ನ ಮತ್ತೊಂದು ಯಶಸ್ವಿ ಡ್ಯೂಕ್ 390 ಬೈಕ್ ಬಿಡುಗಡೆಯಲ್ಲಿ ಯಾವುದೇ ಬದಲಾವಣೆ ಇಲ್ಲ ಎಂದು ಕಂಪನಿ ಸ್ಪಷ್ಟಪಡಿಸಿದೆ. ಈ ಬೈಕಿನಲ್ಲಿ ಮೆಕ್ಯಾನಿಕಲ್ ಅಂಶಗಳ ಬದಲಾವಣೆ ಮಾಡಲಾಗಿದೆ.

ಹೊಗೆ ಉಗುಳುವ ಕೊಳವೆ, ಹೆಡ್ ಲೈಟ್ ಮತ್ತು ಸ್ವಲ್ಪ ಮಟ್ಟಿಗೆ ಗ್ರಾಫಿಕ್ಸ್ ವಿಚಾರಗಳಲ್ಲಿ ಹೊಸತು ತರಲಾಗಿದೆ. ಇನ್ನು ಮೆಕ್ಯಾನಿಕಲ್ ಅಂಶಗಳಿಗೆ ಬರುವುದಾದರೆ, ಈ ಬೈಕಿನಲ್ಲಿ ರೈಡ್-ಬೈ-ರೈಡ್ ಎಂಬ ಶ್ರೇಷ್ಠ ತಂತ್ರಜ್ಞಾನ ಅಳವಡಿಸಲಾಗಿದೆ.

ಈ ಮೊದಲಿದ್ದ ಇಂಧನ ಟ್ಯಾಂಕ್ ಗಾತ್ರವನ್ನು ಹೆಚ್ಚಿಸಲಾಗಿದ್ದು, ಟ್ಯಾಂಕಿನ ವಿನ್ಯಾಸದಲ್ಲಿ ಹೊಸತನ್ನು ತರಲಾಗಿದೆ. ಹೊಂದಿಸಬಹುದಾದ ಲಿವರ್ ಗಳು, ಟಿ.ಎಫ್.ಟಿ ಪರದೆ ಹೊಂದಿರುವ ಉಪಕರಣ ಜೋಡಿಸಲಾಗಿದೆ.

ಈ ಕೆಟಿಎಂ 390 ಬೈಕ್ ಯೂರೊ 4 ಕಂಪ್ಲೈಂಟ್ ಎಂಜಿನ್ ಹೊಂದಿದೆ. ಕಂಪನಿಯ ವೆಚ್ಚ ತಗ್ಗಿಸಲು ಡ್ಯೂಕ್200 ಬೈಕಿನ ಬಿಡುಗಡೆಯನ್ನು ಮುಂದೂಡುವ ಕ್ರಮ ಕೈಗೊಳ್ಳಲಾಗಿದೆ ಎಂದು ಹೇಳಲಾಗಿದೆ.