ಹೊಸ ನವೀಕರಣಗಳೊಂದಿಗೆ ಬಿಡುಗಡೆಗೊಂಡ ಕವಾಸಕಿ ಝಡ್125 ಪ್ರೊ ಮಿನಿ ಬೈಕ್

ಹೊಸ ಕವಾಸಕಿ ಝಡ್125 ಪ್ರೊ ಮಿನಿ ಬೈಕ್ ಹೊಸ ಬಣ್ಣಗಳ ಆಯ್ಕೆಗಳು ಮತ್ತು ತಾಂತ್ರಿಕ ನವೀಕರಣಗಳನ್ನು ಕೂಡ ಪಡೆದುಕೊಂಡಿದೆ. ಯುಎಸ್ ಮಾರುಕಟ್ಟೆಯಲ್ಲಿ ಈ ಬೈಕಿನಲ್ಲಿ ಬೆಲೆಯು ಯುಎಸ್ಡಿ 3,299 ಗಳಾಗಿದೆ. ಇದು ಭಾರತೀಯ ಕರೆನ್ಸಿ ಪ್ರಕಾರ ಸುಮಾರು ರೂ.2.45 ಲಕ್ಷಗಳಾಗಿದೆ. ಆದರೆ ಈ ಆಕರ್ಷಕ ಕವಾಸಕಿ ಝಡ್125 ಪ್ರೊ ಮಿನಿ ಬೈಕ್ ಭಾರತೀಯ ಮಾರುಕಟ್ಟೆಯಲ್ಲಿ ಬಿಡುಗಡೆಯಾಗುವ ಸಾಧ್ಯತೆಗಳು ಕಡಿಮೆಯಾಗಿದೆ.

2022ರ ಕವಾಸಕಿ ಝಡ್125 ಪ್ರೊ ಮಿನಿ ಬೈಕಿನಲ್ಲಿ 125 ಸಿಸಿ ಸಿಂಗಲ್ ಸಿಲಿಂಡರ್ ಏರ್-ಕೂಲ್ಡ್ ಎಸ್‌ಒಹೆಚ್‌ಸಿ ಎಂಜಿನ್‌ ಅನ್ನು ಅಳವಡಿಸಲಾಗಿದೆ. ಈ ಎಂಜಿನ್ 6,000 ಆರ್‌ಪಿಎಂನಲ್ಲಿ 9.62 ಎನ್ಎಂ ಟಾರ್ಕ್ ಅನ್ನು ಉತ್ಪಾದಿಸುವ ಸಾಮರ್ಥ್ಯವನ್ನು ಹೊಂದಿದೆ.

ಈ ಎಂಜಿನ್ ಅನ್ನು 4-ಸ್ಪೀಡ್ ಗೇರ್ ಬಾಕ್ಸ್ ನೊಂದಿಗೆ ಜೋಡಿಸಲಾಗುತ್ತದೆ. ಮಿನಿ ಬೈಕ್‌ನಲ್ಲಿ 12-ತಿಂಗಳ ಸ್ಟ್ಯಾಂಡರ್ಡ್ ವಾರಂಟಿಯನ್ನು ನೀಡುತ್ತಿದೆ. ಇದನ್ನು ಯೋಜನೆಯನ್ನು ಆರಿಸುವುದರ ಮೂಲಕ 48 ತಿಂಗಳವರೆಗೆ ವಿಸ್ತರಿಸಬಹುದು.

ಹೊಸ ಕವಾಸಕಿ ಝಡ್125 ಪ್ರೊ ಮಿನಿ ಅಗ್ರೇಸಿವ್ ಆಗಿ ಕಾಣುವ ನೇಕೆಡ್ ಬೈಕ್ ಆಗಿದೆ. ಈ ಮಿನಿ ಬೈಕಿನಲ್ಲಿ ವೃತ್ತಾಕಾರದ ಹೆಡ್‌ಲ್ಯಾಂಪ್, ಎರಡೂ ಬದಿಗಳಲ್ಲಿ ಗ್ರಾಫಿಕ್ಸ್‌ನೊಂದಿಗೆ ಶಾರ್ಪ್ ಫ್ಯೂಯಲ್ ಟ್ಯಾಂಕ್ ಅನ್ನು ಹೊಂದಿದೆ.

ಇದು 7.57-ಲೀಟರ್ ಸಾಮರ್ಥ್ಯದ ಫ್ಯೂಯಲ್ ಟ್ಯಾಂಕ್ ಆಗಿದೆ. ಇನ್ನು ಈ ಮಿನಿ ಬೈಕ್ ಅಂಡರ್‌ಬೆಲ್ಲಿ ಪ್ಯಾನ್, ಅಂಡರ್‌ಬೆಲ್ಲಿ ಎಕ್ಸಾಸ್ಟ್, ಗೋಲ್ಡನ್ ಕಲರ್ ಫೋರ್ಕ್ಸ್, ಗ್ರ್ಯಾಬ್ ಹ್ಯಾಂಡಲ್ ಸ್ಟ್ರಾಪ್ ಮತ್ತು ಟೇಲ್ ಹೊಂದಿರುವ ಸಿಂಗಲ್ ಫೀಸ್ ಸೀಟ್ ಅನ್ನು ಹೊಂದಿದೆ.

ಇನ್ನು ಈ ಹೊಸ ಕವಾಸಕಿ ಝಡ್125 ಪ್ರೊ ಮಿನಿ ಬೈಕ್ ಪರ್ಲ್ ಶೈನಿಂಗ್ ಯೆಲ್ಲೋ, ಮೆಟಾಲಿಕ್ ಫ್ಲಾಟ್ ಸ್ಪಾರ್ಕ್ ಬ್ಲ್ಯಾಕ್ ಮತ್ತು ಪರ್ಲ್ ರೊಬೊಟಿಕ್ ವೈಟ್/ಕ್ಯಾಂಡಿ ಪ್ಲಾಸ್ಮಾ ಬ್ಲೂ ಎಂಬ ಬಣ್ನಗಳ ಆಯ್ಕೆಯಲ್ಲಿ ಲಭ್ಯವಿದೆ.

ಈ ಮಿನಿ ನೇಕೆಡ್ ಬೈಕ್ ಎಂಟ್ರಿ ಲೆವೆಲ್ ಮಾದರಿಯಾಗಿದ್ದು, ಇದರಲ್ಲಿ ಹ್ಯಾಲೊಜೆನ್ ಹೆಡ್‌ಲೈಟ್, ಎಲ್‌ಇಡಿ ಟೈಲ್ ಲೈಟ್, ಎಲ್‌ಸಿಡಿ ಇನ್ಸ್ ಟ್ರೂಮೆಂಟ್ ಕ್ಲಸ್ಟರ್, ಅನಲಾಗ್ ಟ್ಯಾಕೋಮೀಟರ್, ಗೇರ್ ಪೊಸಿಷನ್ ಇಂಡಿಕೇಟರ್ಮ್ ಸ್ಮಾರ್ಟ್ ರೆಗ್ಯುಲೇಟರ್ ಮತ್ತಿ ಇತರ ಪೀಚರ್ಸ್ ಗಳನ್ನು ಹೊಂದಿವೆ.

ಈ ಹೊಸ ಕವಾಸಕಿ ಝಡ್125 ಪ್ರೊ ಮಿನಿ ಬೈಕಿನ ಸಸ್ಪೆಂಕ್ಷನ್ ಸೆಟಪ್ ಬಗ್ಗೆ ಹೇಳುವುದಾದರೆ, ಇದರ ಮುಂಭಾಗದಲ್ಲಿ ಟೆಲಿಸ್ಕೋಪಿಕ್ ಫೋರ್ಕ್‌ಗಳು ಮತ್ತು ಹಿಂಭಾಗದಲ್ಲಿ ಸ್ವಿಂಗಾರ್ಮ್ ಸಸ್ಪೆಂಕ್ಷನ್ ಸೆಟಪ್ ಅನ್ನು ಹೊಂದಿದೆ.

ಇನ್ನು ಈ ಮಿನಿ ಬೈಕಿನ ಬ್ರೇಕಿಂಗ್ ಸಿಸ್ಟಂ ಬಗ್ಗೆ ಹೇಳುವುದಾದರೆ, ಇದರ ಮುಂಭಾಗದಲ್ಲಿ ಒಂದೇ 200 ಎಂಎಂ ಪೆಟಲ್ ಡಿಸ್ಕ್ ಮತ್ತು ಹಿಂಭಾಗದಲ್ಲಿ ಒಂದೇ 184 ಎಂಎಂ ಪೆಟಲ್ ಡಿಸ್ಕ್ ಅನ್ನು ಹೊಂದಿದೆ. ನೇಕೆಡ್ ವಿನ್ಯಾಸ ಹೊಂದಿರುವ ಈ ಬೈಕಿನಲ್ಲಿ 12 ಇಂಚಿನ ವ್ಹೀಲ್ ಗಳನ್ನು ಹೊಂದಿವೆ.