ಲೋ ರೈಡಿಂಗ್ ಸಿಲೂಯೆಟ್'ನೊಂದಿಗೆ ಮಾಡಿಫೈಗೊಂಡ ರಾಯಲ್ ಎನ್‌ಫೀಲ್ಡ್ ಬೈಕ್

ಈಗ ಹಲವು ಕಂಪನಿಗಳು ರಾಯಲ್ ಎನ್‌ಫೀಲ್ಡ್‌ ಕಂಪನಿಯ ಬೈಕುಗಳಿಗೆ ಪೈಪೋಟಿ ನೀಡಲು ಮುಂದಾಗಿವೆ. ಈ ಹಿನ್ನೆಲೆಯಲ್ಲಿ ಕೆಲವು ಕಂಪನಿಗಳು ದೇಶಿಯ ಮಾರುಕಟ್ಟೆಯಲ್ಲಿ ತಮ್ಮ ಬೈಕುಗಳನ್ನು ಬಿಡುಗಡೆಗೊಳಿಸಿವೆ.

ರಾಯಲ್ ಎನ್‌ಫೀಲ್ಡ್ ಕಂಪನಿಯ ಬೈಕುಗಳು ತಮ್ಮ ವಿಂಟೇಜ್ ಸ್ಟೈಲಿಂಗ್‌ಗೆ ಹೆಸರುವಾಸಿಯಾಗಿವೆ. ಇದರ ಜೊತೆಗೆ ಈ ಬೈಕುಗಳಲ್ಲಿರುವ ಮೆಕಾನಿಕಲ್ ಅಂಶಗಳು ಸಹ ಈ ಬೈಕುಗಳ ಜನಪ್ರಿಯತೆಗೆ ಕಾರಣವಾಗಿವೆ.

MOSTREAD: ಟ್ರ್ಯಾಕ್ಟರ್‌ಗಳ ಹಿಂಭಾಗದಲ್ಲಿ ದೊಡ್ಡ ಗಾತ್ರದ ಟಯರ್‌ಗಳಿರಲು ಕಾರಣಗಳಿವು

ರಾಯಲ್ ಎನ್‌ಫೀಲ್ಡ್ ಬೈಕ್‌ಗಳು ಸವಾರರಿಗೆ ವಿಶಿಷ್ಟ ಅನುಭವವನ್ನು ನೀಡುತ್ತವೆ. ರಾಯಲ್ ಎನ್‌ಫೀಲ್ಡ್‌ ಬೈಕ್‌ಗಳು ಬೈಕ್ ಉತ್ಸಾಹಿಗಳ ನೆಚ್ಚಿನ ಬೈಕ್'ಗಳಾಗಿವೆ.ಆದರೂ ಜನರು ಈ ಬೈಕ್'ಗಳನ್ನು ಮಾಡಿಫೈಗೊಳಿಸಲು ಆದ್ಯತೆ ನೀಡುತ್ತಾರೆ.

ಈ ಹಿಂದೆಯೂ ಹಲವು ರಾಯಲ್ ಎನ್‌ಫೀಲ್ಡ್ ಬೈಕುಗಳನ್ನು ಮಾಡಿಫೈಗೊಳಿಸಲಾಗಿತ್ತು. ಈಗ ಲೋ ರೈಡಿಂಗ್ ಸಿಲೂಯೆಟ್'ನೊಂದಿಗೆ ಮಾಡಿಫೈಗೊಂಡ ರಾಯಲ್ ಎನ್‌ಫೀಲ್ಡ್ ಬೈಕಿನ ಕುರಿತು ಈ ಲೇಖನದಲ್ಲಿ ನೋಡೋಣ.

MOSTREAD: ಚಿಕ್ಕ ಜಾಗದಲ್ಲಿ ದೊಡ್ಡ ಕಾರನ್ನು ಪಾರ್ಕ್ ಮಾಡಿದ ಅಪ್ರತಿಮ ಚಾಲಕನನ್ನು ಸನ್ಮಾನಿಸಿದ ಟೊಯೊಟಾ ಡೀಲರ್

ಈ ಬೈಕ್ ಅನ್ನು ದೆಹಲಿ ಮೂಲದ ಎಕ್ಸ್‌ಎಲ್‌ಎನ್‌ಸಿ ಕಸ್ಟಮೈಸ್ ಮಾಡಿದೆ. ಈ ಕಂಪನಿಯನ್ನು ಇಕ್ವಿಂದರ್ ದೇವಗನ್ ಹಾಗೂ ಅಮರಿಕ್ ಸಿಂಗ್ ದೇವಗನ್ ಎಂಬ ಇಬ್ಬರು ಸಹೋದರರು ನಡೆಸುತ್ತಾರೆ.

ಈ ಬೈಕಿನ ಮಾಡಿಫೈ ಮಾಡಿರುವ ಬಗ್ಗೆ ಮಾತನಾಡಿರುವ ಅವರು, ನಾವು ಲೋ ರೈಡ್ ಬೈಕ್ ನಿರ್ಮಿಸಿದ್ದೇವೆ. ವಿಶಿಷ್ಟವಾದ ಬೈಕ್ ತಯಾರಿಸುವ ಕಾರಣದಿಂದಾಗಿಈ ಬೈಕ್ ವಿನ್ಯಾಸಗೊಳಿಸಲಾಗಿದೆ ಎಂದು ಹೇಳಿದರು.

MOSTREAD: ಲಾಕ್‌ಡೌನ್ ನಿಂದ ಕೆಲಸ ಕಳೆದುಕೊಂಡವ ಇಂದು ವಿಶ್ವ ವಿಖ್ಯಾತ ವ್ಯಕ್ತಿ

ಮಾಡಿಫೈ ಮಾಡಲಾದ ಈ ಬೈಕಿನಲ್ಲಿ ಕಸ್ಟಮ್ ಫ್ಯೂಯಲ್ ಟ್ಯಾಂಕ್‌, ಕಸ್ಟಮ್ ಬ್ರೇಕ್‌, ಗೇರ್ ಲಿವರ್‌, ಕಸ್ಟಮ್ ಫುಟ್ ರೆಸ್ಟ್, ಕಸ್ಟಮ್ ಫ್ರಂಟ್ ಫಾಸೆಟ್, ಬಾರ್-ಎಂಡ್ ಮಿರರ್, ಹ್ಯಾಂಡಲ್‌ಬಾರ್ ರೇಸರ್'ಗಳು, ಹೆಡ್‌ಲೈಟ್, ಎಲ್ಇಡಿ ಟೇಲ್‌ಲೈಟ್‌ ಹೊಂದಿರುವ ಸೈಡ್-ಮೌಂಟೆಡ್ ನಂಬರ್ ಪ್ಲೇಟ್ ಹಾಗೂ ಹೆಚ್ಚು ಪರ್ಫಾಮೆನ್ಸ್'ಗಾಗಿ ಕೆ ಅಂಡ್ ಎನ್ ಏರ್ ಫಿಲ್ಟರ್‌ಗಳನ್ನು ಅಳವಡಿಸಲಾಗಿದೆ.

ಇದರ ಜೊತೆಗೆ ಈ ಬೈಕಿನಲ್ಲಿ ಡಯಾಬ್ಲೊ ಟಿಎಂ ರೋಸೊ 2 ಟಯರ್‌ಗಳನ್ನು ಅಳವಡಿಸಲಾಗಿದೆ. ಈ ಬೈಕ್‌ ಮ್ಯಾಟ್ ಬ್ಲ್ಯಾಕ್ ಬಣ್ಣವನ್ನು ಹೊಂದಿದ್ದರೆ, ಕೆಲವು ಭಾಗಗಳು ಮೆಟಲ್ ಕ್ರೋಮ್ ಬಣ್ಣವನ್ನು ಹೊಂದಿವೆ.

MOSTREAD: 13 ವರ್ಷಗಳಲ್ಲಿ 10 ಲಕ್ಷ ಕಿ.ಮೀ ಸಂಚರಿಸಿದ ಟೊಯೊಟಾ ಇನೋವಾ ಕಾರು

ಈ ಬೈಕಿನಲ್ಲಿರುವ ಬಹುತೇಕ ಎಲ್ಲಾ ಕೆಲಸಗಳನ್ನು ಕೈಯಿಂದ ಮಾಡಲಾಗಿದೆ. ಮಾಡಿಫೈಗೊಂಡಿರುವ ಈ ಬೈಕಿನಲ್ಲಿ ಉದ್ದವಾದ ಸ್ವಿಂಗಾರ್ಮ್ ಅನ್ನು ಸಹ ಅಳವಡಿಸಲಾಗಿದೆ.

ಇದರಿಂದಾಗಿ ಈ ಬೈಕಿನ ವ್ಹೀಲ್‌ಬೇಸ್ ಹೆಚ್ಚಾಗಿದೆ. ಇದರ ಜೊತೆಗೆ ಈ ಬೈಕಿನಲ್ಲಿ ಸಾಕಷ್ಟು ಅಗಲವಿರುವ ವಿಶಾಲವಾದ ಹಿಂಭಾಗದ ಟಯರ್‌ಗಳನ್ನು ಅಳವಡಿಸಲಾಗಿದೆ. ಈ ಬೈಕಿನ ಎಲ್ಲಾ ಬಾಡಿ ಪ್ಯಾನೆಲ್‌ಗಳನ್ನು ಶಾರ್ಪ್ ಆದ ಬಾಡಿ ಪ್ಯಾನೆಲ್‌ಗಳೊಂದಿಗೆ ಬದಲಿಸಲಾಗಿದೆ.

MOSTREAD: ಇನ್ನು ಮುಂದೆ ಈ ನಗರಗಳಲ್ಲಿ ಡೀಸೆಲ್ ವಾಹನಗಳನ್ನು ಮಾರಾಟ ಮಾಡುವಂತಿಲ್ಲ

ಒಟ್ಟಾರೆಯಾಗಿ ಮಾಡಿಫೈಗೊಂಡ ನಂತರ ಈ ರಾಯಲ್ ಎನ್‌ಫೀಲ್ಡ್ ಬೈಕ್ ಆಕರ್ಷಕವಾಗಿ ಕಾಣುತ್ತದೆ. ಆದರೆ ಈ ಬೈಕಿನ ಮಾಡಿಫಿಕೇಶನ್ ಭಾರತದಲ್ಲಿಕಾನೂನುಬದ್ಧವಾಗಿದೆಯೇ ಎಂಬುದನ್ನು ಕಾದು ನೋಡಬೇಕಿದೆ.

ಗಮನಿಸಿ: ಈ ಲೇಖನದಲ್ಲಿ ಕೆಲವು ಚಿತ್ರಗಳನ್ನು ರೆಫರೆನ್ಸ್'ಗಾಗಿ ಬಳಸಲಾಗಿದೆ.