ಸುರಕ್ಷತಾ ಫೀಚರ್ ಹೊಂದಿರುವ ಟಾಪ್ 5 - 110 ಸಿಸಿ ಬೈಕುಗಳಿವು

ಈ ಬೈಕುಗಳನ್ನು ಸ್ಟೈಲಿಶ್ ಹಾಗೂ ಟ್ರೆಂಡಿಯಾಗಿಸುವುದರ ಅವುಗಳಲ್ಲಿ ಕಂಡುಬರುವ ಸುರಕ್ಷತಾ ಫೀಚರ್'ಗಳನ್ನು ಸಹ ಅಪ್ ಡೇಟ್ ಮಾಡಲಾಗಿದೆ. ಕೈಗೆಟುಕುವ ಬೆಲೆಯಲ್ಲಿ ಲಭ್ಯವಿರುವ 110 ಸಿಸಿ ಬೈಕುಗಳು ಯಾವುವು, ಅವುಗಳಲ್ಲಿರುವ ಸುರಕ್ಷತಾ ಫೀಚರ್'ಗಳು ಯಾವುವು ಎಂಬುದನ್ನು ಈ ಲೇಖನದಲ್ಲಿ ನೋಡೋಣ.

1. ಟಿವಿಎಸ್ ರೆಡಿಯಾನ್

ಟಿವಿಎಸ್ ರೆಡಿಯಾನ್ ಕೈಗೆಟುಕುವ ಬೆಲೆಯ 110 ಸಿಸಿ ಪ್ರಯಾಣಿಕ ಬೈಕ್ ಆಗಿದ್ದು, ಈ ಬೈಕ್ ಭಾರತದಲ್ಲಿ ಹೀರೋ ಸ್ಪ್ಲೆಂಡರ್ ಹಾಗೂ ಬಜಾಜ್ ಸಿಟಿ 100 ಬೈಕುಗಳಿಗೆ ಪೈಪೋಟಿ ನೀಡುತ್ತದೆ. ಈ ಬೈಕಿನಲ್ಲಿ ಸುರಕ್ಷತಾ ಫೀಚರ್ ಆಗಿ ಡಿಸ್ಕ್ ಬೈಕ್‌ ಅನ್ನು ಬಳಸಲಾಗಿದೆ. ಈ ಬೈಕಿನ ಆರಂಭಿಕ ಬೆಲೆ ಎಕ್ಸ್‌ಶೋರೂಂ ದರದಂತೆ ರೂ.68,037ಗಳಾಗಿದೆ.

MOSTREAD: ಟ್ರ್ಯಾಕ್ಟರ್‌ಗಳ ಹಿಂಭಾಗದಲ್ಲಿ ದೊಡ್ಡ ಗಾತ್ರದ ಟಯರ್‌ಗಳಿರಲು ಕಾರಣಗಳಿವು

2. ಬಜಾಜ್ ಪ್ಲಾಟಿನಾ 110 ಹೆಚ್-ಗೇರ್

ಬಜಾಜ್ ಪ್ಲಾಟಿನಾ 110 ಕೈಗೆಟುಕುವ ಬೆಲೆಯ ಜನಪ್ರಿಯ ಪ್ರಯಾಣಿಕ ಬೈಕ್ ಆಗಿದೆ. 2019ರಲ್ಲಿ ಈ ಬೈಕ್ ಅನ್ನು ಹೆಚ್-ಗೇರ್ (ಹೆದ್ದಾರಿ-ಗೇರ್) ಮಾದರಿಯಲ್ಲಿ ಬಿಡುಗಡೆಗೊಳಿಸಲಾಯಿತು. ಅಸ್ತಿತ್ವದಲ್ಲಿರುವ ನಾಲ್ಕು ಗೇರ್‌ಗಳ ಜೊತೆಗೆ ಹೆಚ್ಚುವರಿಯಾಗಿ ಹೆದ್ದಾರಿ ಗೇರ್ ಅನ್ನು ಸೇರಿಸಲಾಗಿದೆ.

ಈ ಬೈಕ್ 5 ಗೇರುಗಳನ್ನು ಹೊಂದಿರುವ ಮೊದಲ 110 ಸಿಸಿ ಬೈಕ್ ಆಗಿದೆ. ಈ ಗೇರ್ ಅನ್ನು ಹೆದ್ದಾರಿಯಲ್ಲಿ ಬೈಕ್ ಚಾಲನೆ ವೇಳೆಯಲ್ಲಿ ಬಳಸಲಾಗುತ್ತದೆ. ಪ್ಲಾಟಿನಾ 110 ಹೆಚ್-ಗೇರ್ ಡಿಸ್ಕ್ ಬ್ರೇಕ್‌ಗಳ ಆಯ್ಕೆಯನ್ನು ಸಹ ಪಡೆದಿದೆ.

MOSTREAD: ಚಿಕ್ಕ ಜಾಗದಲ್ಲಿ ದೊಡ್ಡ ಕಾರನ್ನು ಪಾರ್ಕ್ ಮಾಡಿದ ಅಪ್ರತಿಮ ಚಾಲಕನನ್ನು ಸನ್ಮಾನಿಸಿದ ಟೊಯೊಟಾ ಡೀಲರ್

3. ಹೀರೋ ಸ್ಪ್ಲೆಂಡರ್ ಐ-ಸ್ಮಾರ್ಟ್

ಹೀರೋ ಸ್ಪ್ಲೆಂಡರ್ ಐ-ಸ್ಮಾರ್ಟ್ ಹೀರೋ ಮೋಟೊಕಾರ್ಪ್ ಕಂಪನಿಯ ಮೊದಲ ಬಿಎಸ್ 6 ಬೈಕ್. ಈ ಬೈಕಿನಲ್ಲಿ ಬಿಎಸ್ 6 ಎಂಜಿನ್‌ ಜೊತೆಗೆ ಹಲವು ಅಪ್ ಡೇಟ್'ಗಳನ್ನು ಮಾಡಲಾಗಿದೆ. ಹೀರೋ ಸ್ಪ್ಲೆಂಡರ್ ಐ-ಸ್ಮಾರ್ಟ್‌ ಬೈಕಿನಲ್ಲಿ ಫ್ರಂಟ್ ಡಿಸ್ಕ್ ಬ್ರೇಕ್ ನೀಡಲಾಗಿದೆ. ಈ ಬೈಕಿನ ಆರಂಭಿಕ ಬೆಲೆ ಎಕ್ಸ್‌ಶೋರೂಂ ದರದಂತೆ ರೂ.68,850ಗಳಾಗಿದೆ.

4. ಹೀರೋ ಪ್ಯಾಶನ್ ಪ್ರೊ

ಹೀರೋ ಮೋಟೊಕಾರ್ಪ್ ಕಂಪನಿಯು ತನ್ನ ಜನಪ್ರಿಯ 110 ಸಿಸಿ ಪ್ಯಾಶನ್ ಪ್ರೊ ಬೈಕ್ ಅನ್ನು 2020ರಲ್ಲಿ ಹೊಸ ಅವತಾರದಲ್ಲಿ ಬಿಡುಗಡೆಗೊಳಿಸಿತು. ಸಂಚಾರ ದಟ್ಟಣೆಯಲ್ಲಿ ಸುಗಮವಾಗಿ ಕಾರ್ಯನಿರ್ವಹಿಸಲು ಈ ಬೈಕಿನಲ್ಲಿ ಆಟೊಸೆಲ್ ಹಾಗೂ ಐ 3 ಎಸ್ ನಂತಹ ಫೀಚರ್'ಗಳನ್ನು ನೀಡಲಾಗಿದೆ.

MOSTREAD: ಲಾಕ್‌ಡೌನ್ ನಿಂದ ಕೆಲಸ ಕಳೆದುಕೊಂಡವ ಇಂದು ವಿಶ್ವ ವಿಖ್ಯಾತ ವ್ಯಕ್ತಿ

ಹೀರೋ ಪ್ಯಾಶನ್ ಪ್ರೊ ಆಟೊಸೆಲ್ ಫೀಚರ್ ಹೊಂದಿರುವ ಮೊದಲ 110 ಸಿಸಿ ಬೈಕ್ ಆಗಿದೆ. ಈ ಬೈಕಿನ ಆರಂಭಿಕ ಬೆಲೆ ಎಕ್ಸ್‌ಶೋರೂಂ ದರದಂತೆ ರೂ.69,600ಗಳಾಗಿದೆ.

5. ಹೋಂಡಾ ಲಿವೊ

ಹೋಂಡಾ ಲಿವೊ ಬೈಕ್ ಸ್ಟೈಲಿಶ್ ಲುಕ್ ಹಾಗೂ ನಯವಾದ ಎಂಜಿನ್ ಹೊಂದಿದೆ. ಹೋಂಡಾ ಲಿವೊ 110 ಸಿಸಿ ಪ್ರೀಮಿಯಂ ಕಮ್ಯೂಟರ್ ಬೈಕ್ ಆಗಿದ್ದು, ಈ ಬೈಕ್ ಅನ್ನು ಬಿಎಸ್ 6 ಎಂಜಿನ್'ನೊಂದಿಗೆ ಬಿಡುಗಡೆಗೊಳಿಸಲಾಗಿದೆ. ಹೋಂಡಾ ಲಿವೊ ಡಿಸ್ಕ್ ಬ್ರೇಕ್ ಮಾದರಿಯ ಬೆಲೆ ಎಕ್ಸ್‌ಶೋರೂಂ ದರದಂತೆ ರೂ.75,748ಗಳಾಗಿದೆ.