ಮಾರುಕಟ್ಟೆಗೆ ಹೆಜ್ಜೆಯನ್ನಿಟ್ಟ 'ಬ್ಲ್ಯಾಕ್ ಇನ್ ಬ್ಯೂಟಿ' ಯಮಹಾ ರೇ

ಸೀಮಿತ ಆವೃತ್ತಿಯಲ್ಲಿ ಮಾತ್ರ ಹೊರಬಂದಿರುವುದರಿಂದ ಸ್ಟಾಕ್ ಮುಗಿಯ ವರೆಗೆ ಮಾತ್ರ ಯಮಹಾ ರೇ ವಿಶೇಷ ಆವೃತ್ತಿಯು ಲಭ್ಯವಿರಲಿದೆ.

ಎಂಜಿನ್

ಹಾಗಿದ್ದರೂ ಎಂಜಿನ್ ಮಾನದಂಡಗಳಲ್ಲಿ ಯಾವುದೇ ಬದಲಾವಣೆಗಳನ್ನು ತರಲಾಗಿಲ್ಲ. ಇದರ 113ಸಿಸಿ ಫೋರ್ ಸ್ಟ್ರೋಕ್ ಸಿಂಗಲ್ ಸಿಲಿಂಡರ್ ಎಂಜಿನ್ ಗರಿಷ್ಠ 7 ಬಿಎಚ್‌ಪಿ ಪವರ್ (7500 ಆರ್‌ಪಿಎಂ) ಉತ್ಪಾದಿಸುವ ಸಾಮರ್ಥ್ಯ ಹೊಂದಿರಲಿದೆ.

ಮಹಿಳೆಯರಿಗಾಗಿ

ಯಮಹಾ ರೇ ಮಹಿಳೆಯರ ಪಾಲಿಗೆ ಉತ್ತಮ ಆಯ್ಕೆಯಾಗಿರಲಿದೆ. ಇದು ನಗರ ಪ್ರದೇಶದಲ್ಲಿ ಪ್ರತಿ ಲೀಟರ್‌ಗೆ 45 ಕೀ.ಮೀ. ಹಾಗೂ ಹೆದ್ದಾರಿಯಲ್ಲಿ ಪ್ರತಿ ಲೀಟರ್‌ಗೆ 55 ಕೀ.ಮೀ. ಮೈಲೇಜ್ ನೀಡುವ ಸಾಮರ್ಥ್ಯ ಹೊಂದಿದೆ.

ಪ್ರಮುಖವಾಗಿಯೂ ಮಹಿಳಾ ಗ್ರಾಹಕರನ್ನು ಗುರಿಯಾಗಿರಿಸಿಕೊಂಡು ಈ ವಿಶೇಷ ಎಡಿಷನ್ ಮಾರುಕಟ್ಟೆಗೆ ಬಿಡುಗಡೆ ಮಾಡಲಾಗಿದೆ. ಇದು ಕಾಲೇಜ್ ಹಾಗೂ ಕಚೇರಿ ಕಲಾಪಗಳಿಗೆ ತೆರಳುವ ಹೆಣ್ಮಕ್ಕಳಿಗೆ ಉತ್ತಮ ರೈಡಿಂಗ್ ಅನುಭವ ನೀಡಲಿದೆ.

ರೇ ಪ್ರೆಷಿಯಸ್ ವಿಶೇಷ ಆವೃತ್ತಿಯು ಮಾರುಕಟ್ಟೆಯಲ್ಲಿ ಯಮಹಾ ಸ್ಕೂಟರ್‌ಗಳಿಗೆ ದೊರಕುತ್ತಿರುವ ಪ್ರತಿಕ್ರಿಯೆಯ ಸಂಕೇತವಾಗಿದೆ. ಗ್ರಾಹಕರ ವೈಯಕ್ತಿಕ ಗುಣಗಳಿಗೆ ಹೊಂದಿಕೊಂಡು ಸ್ಟೈಲಿಷ್ ವಿನ್ಯಾಸ ನೀಡುವುದು ನಮ್ಮ ಗುರಿಯಾಗಿದೆ ಎಂದು ಯಮಹಾ ತಿಳಿಸಿದೆ.

ಈ ಮುಖಾಂತರ ಮುಂಬರುವ ಹಬ್ಬದ ಆವೃತ್ತಿಯಲ್ಲಿ ಉತ್ತಮ ಮಾರಾಟವನ್ನು ಕಾಯ್ದುಕೊಳ್ಳುವ ನಿರೀಕ್ಷೆಯನ್ನು ಯಮಹಾ ಹೊಂದಿದೆ.

ಯಮಹಾ ರೇ ಮುಖಾಂತರ 2012 ಸೆಪ್ಟೆಂಬರ್ ತಿಂಗಳಲ್ಲಿ ಭಾರತೀಯ ಸ್ಕೂಟರ್ ರಂಗ ಪ್ರವೇಶ ಮಾಡಿದ್ದ ಯಮಹಾ ಮೋಟಾರ್, ಪ್ರಮುಖವಾಗಿಯೂ ಮಹಿಳಾ ಗ್ರಾಹಕರನ್ನು ಗುರಿಯಾಗಿರಿಸಿಕೊಂಡಿದೆ.

ಇದರಂತೆ ಹೆಚ್ಚೆಚ್ಚು ಮಹಿಳಾ ಗ್ರಾಹಕರನ್ನು ಆಕರ್ಷಿಸುವ ನಿಟ್ಟಿನಲ್ಲಿ ಕಸ್ಟಮರ್ ಕೇರ್ ಗುಣಮಟ್ಟ ಹೆಚ್ಚಿಸಿತ್ತಲ್ಲದೆ ಹೆಚ್ಚಿನ ಸಂಖ್ಯೆಯ ಮಹಿಳಾ ಸಿಬ್ಬಂದಿಗಳನ್ನು ನೇಮಕಗೊಳಿಸಿತ್ತು.

ಅಷ್ಟೇ ಅಲ್ಲದೆ ಮಹಿಳೆಯರಿಗಾಗಿ ವಿಶೇಷ ತರಬೇತಿ ಕಾರ್ಯಕ್ರಮವನ್ನು ಹಮ್ಮಿಕೊಂಡಿತ್ತು. ಈ ಮುಖಾಂತರ ಹೆಣ್ಮಕ್ಕಳಿಗೆ ಚಾಲನಾ ಪರವಾನಗಿ ಗಿಟ್ಟಿಸಿಕೊಳ್ಳಲು ನೆರವಾಗಿತ್ತು.

ಅಂದ ಹಾಗೆ ಸಾಮಾನ್ಯ ಯಮಹಾ ರೇ ಆವೃತ್ತಿಗಳ ದರ 48,605 ರು.ಗಳಾಗಿವೆ. ಅಂದರೆ ನೂತನ ವಿಶೇಷ ಆವೃತ್ತಿಯು 1000 ರು.ಗಳಷ್ಟು ದುಬಾರಿಯೆನಿಸಲಿದೆ. ಹಾಗೆಯೇ ಸ್ಫೋರ್ಟಿ ಡೆಕಾಲ್ಸ್ ಹೊಂದಿರುವ ಯಮಹಾ ರೇ ಝಡ್ ದೆಹಲಿ ಎಕ್ಸ್ ಶೋ ರೂಂ ದರ 49,105 ರು.ಗಳಾಗಿವೆ.