ಹೋಂಡಾ ಸಿಬಿಆರ್ ಉತ್ತರಾಧಿಕಾರಿ ಆಗಮನಕ್ಕೆ ರೆಡಿ

ಸಿಬಿಆರ್250ಆರ್ ಉತ್ತರಾಧಿಕಾರಿ ಎಂದೇ ಬಿಂಬಿಸಲ್ಪಟ್ಟಿರುವ 2014 ಸಿಬಿಆರ್300ಆರ್, ಮೊದಲು ಚೀನಾ ಮೋಟಾರ್ ಶೋದಲ್ಲಿ ಇದೀಗ ಇಟಲಿಯಲ್ಲಿ ಪ್ರದರ್ಶನಗೊಂಡಿದ್ದು, ಎಂಜಿನ್ ಜತೆಗೆ ಎಲ್ಲ ತಾಂತ್ರಿಕ ಮಾಹಿತಿಗಳನ್ನು ಹೊರಹಾಕಿದೆ.

ನಿಂಜಾ ಪಾಲಿಗೆ ಕಂಟಕವಾಗಲಿರುವ ಹೋಂಡಾ ಸಿಬಿಆರ್300ಆರ್, ಭಾರತದಲ್ಲಿ ಸಿಬಿಆರ್250ಆರ್ ಆವೃತ್ತಿಯ ಜತೆಗೆ ಮಾರಾಟವಾಗುವ ನಿರೀಕ್ಷೆಯಿದೆ.

ಸಿಬಿಆರ್1000ಆರ್ ವಿನ್ಯಾಸದಿಂದ ಸ್ಫೂರ್ತಿ ಪಡೆದುಕೊಂಡು ಸಿಬಿಆರ್300ಆರ್ ತಯಾರಿಸಲಾಗಿದೆ. ಹಾಗೆಯೇ ಟ್ವಿನ್ ಹೆಡ್‌ಲ್ಯಾಂಪ್ ಪ್ರಮುಖ ಆಕರ್ಷಣೆಯಾಗಿರಲಿದೆ.

ಸಿಬಿಆರ್300ಆರ್, 286ಸಿಸಿ ಎಂಜಿನ್ ಪಡೆದುಕೊಳ್ಳಲಿದೆ. ಇದು 30.4 ಅಶ್ವಶಕ್ತಿ (27ಎನ್‌ಎಂ ಟಾರ್ಕ್) ಉತ್ಪಾದಿಸುವ ಸಾಮರ್ಥ್ಯ ಹೊಂದಿದೆ.

ಹೋಂಡಾ ಪ್ರಕಾರ, ಡಿಜಿಟಲ್ ಫ್ಯೂಯಲ್ ಇಂಜೆಕ್ಷನ್ ಸಿಸ್ಟಂನಲ್ಲಿ ಸುಧಾರಣೆ ತರಲಾಗಿರುವುದಾಗಿ ತಿಳಿಸಿದೆ. ಇದು ಉತ್ತಮ ರೈಡಿಂಗ್ ಅನುಭವಕ್ಕೆ ಕಾರಣವಾಗಲಿದೆ.

ನೂತನ ಹೋಂಡಾ ಸಿಬಿಆರ್300ಆರ್ 12.87 ಲೀಟರ್ ಎಂಜಿನ್ ಹೊಂದಿದ್ದು, ಪ್ರತಿ ಲೀಟರ್ 30 ಕೀ.ಮೀ. ಮೈಲೇಜ್‌ನಲ್ಲಿ 389 ಕೀ.ಮೀ. ತನಕ ಸರಾಗವಾಗಿ ಸಾಗಬಹುದಾಗಿದೆ.

ಹಾಗಿದ್ದರೂ ಆಸನ ವ್ಯವಸ್ಥೆಯಲ್ಲಿ ಯಾವುದೇ ಬದಲಾವಣೆ ತರಲಾಗಿಲ್ಲ. ಇದು ಹಿಂದಿನ ಆವೃತ್ತಿಯ ವಿನ್ಯಾಸವನ್ನು ಪಡೆದುಕೊಂಡಿದೆ.

ಹಾಗೆಯೇ ಇನ್ಸ್ಟುಮೆಂಟ್ ಕ್ಲಸ್ಟರ್ ಸಹ ಸಮಾನ ವಿನ್ಯಾಸ ಪಡೆದುಕೊಂಡಿದೆ.

ಯುರೋಪ್‌ನಲ್ಲಿ ಕಡ್ಡಾಯ ನಿಯಮವಿರುವುದರಿಂದ ಎಬಿಎಸ್ ಸ್ಟಾಂಡರ್ಡ್ ಆಗಿ ಲಭಿಸಲಿದೆ. ಆದರೆ ಇತರ ರಾಷ್ಟ್ರಗಳಲ್ಲಿ ಇದೊಂದು ಐಚ್ಛಿಕ ಆಯ್ಕೆಯಾಗಿರಲಿದೆ.

ಪ್ರಸ್ತುತ ದರ ವಿವರಗಳ ಬಗ್ಗೆ ಹೆಚ್ಚೇನು ಮಾಹಿತಿ ಬಂದಿಲ್ಲ.

ಇನ್ನು ಭಾರತ ಮಾರುಕಟ್ಟೆಗೆ ಮುಂದಿನ ವರ್ಷ ಆಗಮಿಸುವ ನಿರೀಕ್ಷೆಯಿದೆ.