ಹೊಸ ವರುಷದಲ್ಲಿ ಟೊಯೊಟಾ ಕಾರು ನೀಡದು ಹರುಷ

"ರೂಪಾಯಿ ಮತ್ತು ಯೆನ್ ಮೌಲ್ಯಗಳ ನಡುವೆ ಕುಸಿತ ಕಂಡಿರುವುದರಿಂದ ಕಂಪನಿಯು ಟೊಯೊಟಾ ಕಾರು ದರವನ್ನು ಸುಮಾರು ಶೇಕಡ 1.5ರಿಂದ ಶೇಕಡ 3ರಷ್ಟು ಹೆಚ್ಚಿಸಲು ನಿರ್ಧರಿಸಿದ್ದೇವೆ" ಎಂದು ಕಂಪನಿಯ ವ್ಯವಸ್ಥಾಪಕ ನಿರ್ದೇಶಕರಾದ ಸಂದೀಪ್ ಸಿಂಗ್ ಹೇಳಿದ್ದಾರೆ.

ಯಾವ ಕಾರಿಗೆ ಎಷ್ಟು ಶೇಕಡವಾರು ದರ ಹೆಚ್ಚಿಸಲಾಗುವುದು ಎನ್ನುವುದನ್ನು ಈ ತಿಂಗಳ ಮೂರನೇ ವಾರದಲ್ಲಿ ಪ್ರಕಟಿಸುವುದಾಗಿ ಕಂಪನಿ ಪ್ರಕಟಣೆಯಲ್ಲಿ ತಿಳಿಸಿದೆ. ಅತ್ಯಧಿಕ ಮಾರಾಟದ ಫಾರ್ಚ್ಯುನರ್ ಸ್ಪೂರ್ಟ್ ಯುಟಿಲಿಟಿ ವೆಹಿಕಲ್ ದರ ಸುಮಾರು 50 ಸಾವಿರ ರುಪಾಯಿ ಹೆಚ್ಚಾಗಲಿದೆ.

ಇದೀಗ ಕಂಪನಿಯ ಕಾರು ದರಗಳು ಇಂತಿವೆ. ಟೊಯೊಟಾ ಲಿವಾ ದರ ಸುಮಾರು 3.99 ಲಕ್ಷ ರುಪಾಯಿಯಿಂದ 5.99 ಲಕ್ಷ ರುಪಾಯಿವರೆಗಿದೆ. ಟೊಯೊಟಾ ಎಟಿಯೋಸ್ ದರ 4.99 ಲಕ್ಷ ರು.ನಿಂದ 7.87 ಲಕ್ಷ ರು.ವರೆಗಿದೆ. ಕೊರೊಲಾ ಆಲ್ಟಿಸ್ ದರ ಸುಮಾರು 10.63 ಲಕ್ಷ ರು.ನಿಂದ 14.75 ಲಕ್ಷ ರು. ಇದೆ. ಫಾರ್ಚ್ಯುನರ್ ದರ 20.45 ಲಕ್ಷ ರು. ಮತ್ತು ಇನ್ನೊವಾ ದರ ಸುಮಾರು 8.48 ಲಕ್ಷ ರು. ನಿಂದ 12.81 ಲಕ್ಷ ರುಪಾಯಿ ಇದೆ.

ಈ ಕಾರುಗಳ ದರ ಗರಿಷ್ಠ ಐವತ್ತು ಸಾವಿರ ರು.ವರೆಗೆ ಜನವರಿಯಿಂದ ಏರಿಕೆ ಕಾಣಲಿದೆ. (ಕನ್ನಡ ಡ್ರೈವ್ ಸ್ಪಾರ್ಕ್)