ಕಾಂಪ್ಯಾಕ್ಟ್ ಅಂಬಾಸಡರ್ ಸೆಡಾನ್ ಕಾರ್ ಬರಲಿದೆಯಂತೆ!

ಕಾಂಪ್ಯಾಕ್ಟ್ ಸೆಡಾನ್ ಆವೃತ್ತಿಯಾಗಿ ಆಗಮಿಸಲಿರುವ ಅಂಬಾಸಡರ್ ಉದ್ದ ನಾಲ್ಕು ಮೀಟರಿಗಿಂತ ಕಡಿಮೆ ಇರಲಿದೆ. ಭಾರತ ಸರಕಾರ ನಾಲ್ಕು ಮೀಟರಿಗಿಂತ ಕಡಿಮೆ ಉದ್ದದ ಕಾರುಗಳಿಗೆ ಅಬಕಾರಿ ಸುಂಕ ವಿನಾಯಿತಿ ಮಾಡಿರುವುದರ ಲಾಭ ಪಡೆಯಲು ಅಂಬಾಸಡರ್ ನಿರ್ಧರಿಸಿದೆಯಂತೆ.

ವರದಿಗಳ ಪ್ರಕಾರ ನೂತನ ಅಂಬಾಸಡರ್ ಕಾರು 1.8 ಲೀಟರ್ ಪೆಟ್ರೋಲ್ ಅಥವಾ ಸಿಎನ್ ಜಿ ಎಂಜಿನ್ ಹೊಂದಿರಲಿದೆಯಂತೆ. ಡೀಸೆಲ್ ಆವೃತ್ತಿಯು 1.5 ಲೀಟರ್ ಎಂಜಿನ್ ಹೊಂದಿರುವ ನಿರೀಕ್ಷೆಯಿದೆ. ಆದ್ರೆ ಹೊಸ ಅಂಬಾಸಡರ್ ಕಾರಿನಲ್ಲಿ ಕಾಮನ್ ರೈಲ್ ಡೀಸೆಲ್ ಎಂಜಿನ್ ಇರುವುದೇ ಎಂದು ಖಚಿತವಾಗಿಲ್ಲ.

ಈಗ ದೇಶದ ರಸ್ತೆಯಲ್ಲಿ ಹೆಚ್ಚು ಮಾಡರ್ನ್ ಆಗಿರುವ ಮಾರುತಿ ಡಿಜೈರ್, ಟಾಟಾ ಮಾಂಝಾ ಇತ್ಯಾದಿ ಕಾಂಪ್ಯಾಕ್ಟ್ ಸೆಡಾನ್ ಕಾರುಗಳಿವೆ. ಈ ಸಮಯದಲ್ಲಿ ಐಕಾನಿಕ್ ಅಂಬಾಸಡರ್ ಕಾಂಪ್ಯಾಕ್ಟ್ ಸೆಡಾನ್ ಕಾರುಗಳು ಬೇಡಿಕೆ ಪಡೆದುಕೊಳ್ಳಬಹುದೇ? ಕಾದುನೋಡಬೇಕಿದೆ.