007- ಏ ದೋಸ್ತಿ ಹಮ್ ನಹೀ ಚೋಡೆಂಗೆ

1964ನೇ ಇಸವಿಯಲ್ಲಿ ಮೊದಲ ಬಾರಿಗೆ ಬಾಂಡ್ ಚಿತ್ರದಲ್ಲಿ ಆಸ್ಟನ್ ಮಾರ್ಟಿನ್ ಕಾರುಗಳನ್ನು ಬಳಸಲಾಯಿತು. ಬಾಂಡ್ ಚಿತ್ರ ಸರಣಿಯ ಮೂರನೇ ಚಿತ್ರವಾದ ಗೋಲ್ಡ್‌ಫಿಂಗರ್‌ನಲ್ಲಿ ಆಸ್ಟನ್ ಡಿಬಿ5 ಕಾರು ಬಳಕೆಯಾಗಿತ್ತು.

ಆ ಬಳಿಕ ಅದೇ ಡಿಬಿ5 ಕಾರನ್ನುಥಂಡರ್‌ಬಾಲ್‌ನಲ್ಲೂ ಪ್ರಯೋಗ ಮಾಡಲಾಯಿತು. ಈ ಕಾರಲ್ಲಿ ರಹಸ್ಯ ಕ್ಯಾಮರಾ, ಬದಲಾವಣೆ ಮಾಡಬಹುದಾದ ನಂಬರ್ ಪ್ಲೇಟ್, ರಹಸ್ಯ ಗನ್‌ಗಳು ಈ ಕಾರಿನಲ್ಲಿದ್ದು ನೋಡುಗರಲ್ಲಿ ಥ್ರಿಲ್ ಮೂಡಿಸಿದ್ದವು.

1969ರಲ್ಲಿ ತೆರೆಕಂಡ ಪತ್ತೆದಾರಿ ಬಾಂಡ್ ಚಿತ್ರದಲ್ಲಿ ಮತ್ತೊಂದು ಆಸ್ಟನ್ ಮಾರ್ಟಿನ್ ಕಾರು ಪ್ರದರ್ಶಿಸಲಾಯಿತು. ಆನ್ ಹೆರ್ ಮೆಜೆಸ್ಟಿಸ್ ಸಿಕ್ರೇಟ್ ಸರ್ವಿಸ್ ಚಿತ್ರದ ಆಕ್ಷನ್ ದೃಶ್ಯಗಳಲ್ಲಿ ಆಸ್ಟನ್ ಮಾರ್ಟಿನ್ ಪ್ರಯೋಗ ನೋಡಗರಲ್ಲಿ ರೋಮಾಂಚನಕ್ಕೆ ಕಾರಣವಾಗಿತ್ತು.

ಆ ಬಳಿಕ ಸುಮಾರು 20 ವರ್ಷಗಳ ಬಳಿಕ ಅಂದರೆ 1987ರಲ್ಲಿ ಬಾಂಡ್ ಪಾತ್ರದಲ್ಲಿ ಕಾಣಿಸಿಕೊಂಡ ತಿಮೊತಿ ಡಾಲ್ಟನ್ ಜಗತ್ತಿನ ಮುಂದೆ ಆಸ್ಟನ್ ಮಾರ್ಟಿನ್ ವಿ8 ಕಾರನ್ನು ಮತ್ತೆ ಪ್ರದರ್ಶಿಸಿದರು.

ಗೋಲ್ಡನ್ ಐ ಚಿತ್ರದಲ್ಲಿ ಪಿಯರ್ಸ್ ಬ್ರೆಸ್ಮನ್ ಮೊದಲ ಬಾರಿಗೆ ಬಾಂಡ್ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದರು. ಈ ಚಿತ್ರದಲ್ಲಿ ಮಗದೊಮ್ಮೆ ಜನಪ್ರಿಯ ಆಸ್ಟನ್ ಮಾರ್ಟಿನ್ ಡಿಬಿ5 ಕಾರನ್ನು ಪ್ರಯೋಗಿಸಲಾಗಿತ್ತು.

ಡೈ ಎನೆದರ್ ಡೇ ಸಿನಿಮಾದಲ್ಲಿ ಜೇಮ್ಸ್ ಬಾಂಡ್ ಬಳಸಿದ ಪ್ರಮುಖ ಕಾರಿದು. 2002ನೇ ಇಸವಿಯಲ್ಲಿ ತೆರೆಕಂಡ ಚಿತ್ರದಲ್ಲಿ ಪಿಯರ್ಸ್ ಬ್ರೆಸ್ಮೆನ್ ಬಾಂಡ್ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದರು. ಇದರ ಕಾರ್ಯಕ್ಷಮತೆ, ಶಕ್ತಿಶಾಲಿ ಎಂಜಿನ್, ಕಣ್ಮನ ಸೆಳೆಯುವ ವಿನ್ಯಾಸ ಬೆರಗು ಹುಟ್ಟಿಸುತ್ತದೆ.

2006ರಲ್ಲಿ ಜೇಮ್ಸ್ ಬಾಂಡ್ ಪತ್ತೆಧಾರಿ ಪಾತ್ರವನ್ನು ಡ್ಯಾನಿಯಲ್ ಕ್ರೇಗ್ ನಿಭಾಯಿಸ ತೊಡಗಿದರು. ಅಲ್ಲದೆ ಕಾಸಿನೊ ರಾಯಲೆ ಚಿತ್ರದಲ್ಲಿ ಆಸ್ಟನ್ ಮಾರ್ಟಿನ್ ಡಿಬಿಎಸ್ ಕಾರು ಬಳಸಲಾಯಿತು.

ಕ್ಯಾಸಿನೊ ರಾಯಲೆ ಆಕ್ಷನ್ ರಂಗಗಳಲ್ಲಿ ಆಸ್ಟನ್ ಮಾರ್ಟಿನ್ ಕಾರನ್ನು ಅದ್ಭುತವಾಗಿ ಬಳಸಲಾಗಿತ್ತು. ಚಿತ್ರದಲ್ಲಿ ಆಸ್ಟನ್ ಮಾರ್ಟಿನ್ ಕಾರು ಏಳು ಬಾರಿ ಪಲ್ಟಿ ಹೊಡೆಯುವ ಸೀನ್ ನೋಡುಗರನ್ನು ತುದಿಗಾಲಲ್ಲಿ ನಿಲ್ಲುವಂತೆ ಮಾಡಿದೆ.

ಆ ಬಳಿಕ ಕ್ವಾಂಟಮ್ ಆಫ್ ಸೋಲಾಸ್ ಚಿತ್ರದಲ್ಲೂ ಆಸ್ಟನ್ ಮಾರ್ಟಿನ್ ಕಾರು ಬಳಕೆ ಮಾಡಲಾಯಿತು. ಇದರಲ್ಲೂ ಡ್ಯಾನಿಯಲ್ ಕ್ರೇಗ್ ಸಾಹಸಿಕ ದೃಶ್ಯಗಳಲ್ಲಿ ಭಾಗವಹಿಸಿದರು.

ಅಂದ ಹಾಗೆ ಜೇಮ್ಸ್ ಬಾಂಡ್ ಸರಣಿ ಚಿತ್ರಗಳ 50 ವರ್ಷಗಳ ಬಳಿಕ ಸ್ಕೈಫಾಲ್ ಚಿತ್ರ ತೆರೆಕಂಡಿತ್ತು. ಇದರಲ್ಲೂ ಡ್ಯಾನಿಯಲ್ ಕ್ರೇಗ್ ಅಭಿನಯ ಅದ್ಭುತವಾಗಿತ್ತು. ಹಳೆ ಗೋಲ್ಡ್‌ಫಿಂಗರ್ ಚಿತ್ರ ನೆನಪಿಗೆ ಬರುವಂತೆಯೇ ಮತ್ತೆ ಸ್ಕೈಫಾಲ್ ಚಿತ್ರದಲ್ಲಿ ಆಸ್ಟನ್ ಮಾರ್ಟಿನ್ ಡಿಬಿ5 ಕಾರು ಬಳಸಲಾಯಿತು.

ಏ ದೋಸ್ತಿ ಹಮ್ ನಹೀ ಚೋಡೆಂಗೆ... ಎಂಬ ಹಿಂದಿ ಹಾಡಿನಂತೆ ಹಾಲಿವುಡ್‌ನಲ್ಲಿ ಬಾಂಡ್ ಹಾಗೂ ಆಸ್ಟನ್ ಮಾರ್ಟಿನ್ ಬಾಂಧವ್ಯ ಎಂದೆಂದಿಗೂ ಅಮರವಾಗಿದೆ.