500 ಸಿಬ್ಬಂದಿ ನೇಮಕಾತಿಗೆ ಮಾರುತಿ ಸುಜುಕಿ ನಿರ್ಧಾರ

ಚಿತ್ರಲೋಕ

ಪ್ರಸಕ್ತ ವರ್ಷದಿಂದ ಡೀಸೆಲ್ ಕಾರುಗಳ ಉತ್ಪಾದನೆ ಹೆಚ್ಚಿಸಲು ನಿರ್ಧರಿಸಿರುವುದು ಸಿಬ್ಬಂದಿ ಹೆಚ್ಚಳ ನಿರ್ಧಾರಕ್ಕೆ ಕಾರಣವಾಗಿದೆ. ಸ್ವಿಫ್ಟ್ ಮತ್ತು ಸ್ವಿಫ್ಟ್ ಡಿಜೈರ್ ಕಾರುಗಳ ಬೇಡಿಕೆ ಹೆಚ್ಚಿದ್ದು, ವೇಟಿಂಗ್ ಪಿರೆಯಿಡ್ ಕೂಡ ಹೆಚ್ಚಾಗಿದೆ. ಹೀಗಾಗಿ ಕಂಪನಿಯು ತ್ವರಿತವಾಗಿ ವಾಹನ ಉತ್ಪಾದಿಸುವ ಒತ್ತಡಕ್ಕೆ ಸಿಲುಕಿದೆ.

ಇದರೊಂದಿಗೆ ಕಂಪನಿಯು ಮಾನೆಸರ್‌ನಲ್ಲಿ ಮೂರನೇ ಘಟಕವೊಂದನ್ನು ನಿರ್ಮಿಸುತ್ತಿದೆ. ಇದು ಇನ್ನು ಕೆಲವೇ ತಿಂಗಳಲ್ಲಿ ಕಾರ್ಯಾರಂಭ ಮಾಡಲಿದೆ.

ಸಿಬ್ಬಂದಿ ನೇಮಕಾತಿ ಕುರಿತು ಮಾರುತಿ ಸುಜುಕಿ ಖಚಿತಪಡಿಸಿದೆ. "ಮಾನೆಸರ್ ಬಿ ಘಟಕಕ್ಕೆ ನಮಗೆ ಹೆಚ್ಚು ಸಿಬ್ಬಂದಿ ಅಗತ್ಯವಿದೆ. ಈ ಆರ್ಥಿಕ ವರ್ಷಾಂತ್ಯದೊಳಗೆ ಸುಮಾರು 500 ಜನರನ್ನು ನೇಮಕ ಮಾಡಿಕೊಳ್ಳಲಿದ್ದಢವೆ" ಎಂದು ಮಾರುತಿ ಸುಜುಇ ಇಂಡಿಯಾ ವ್ಯವಸ್ಥಾಪಕಾಧಿಕಾರಿ(ಅಡ್ಮಿನ್) ಎಸ್ ವೈ ಸಿದ್ದಿಕ್ ಹೇಳಿದ್ದಾರೆ.

ಕಂಪನಿಯು ಶಿಕ್ಷಿತ ಟೆಕ್ನಿಶಿಯನ್, ಎಂಜಿನಿಯರುಗಳನ್ನು ನೇಮಕ ಮಾಡಿಕೊಳ್ಳಲಿದೆ. ನೇಮಕಾತಿ ಪ್ರಕ್ರಿಯೆ ಶೀಘ್ರದಲ್ಲಿ ಆರಂಭವಾಗುವ ನಿರೀಕ್ಷೆಯಿದೆ. ಸದ್ಯ ಕಂಪನಿಯು ಗುರ್‌ಗಾಂವ್ ಘಟಕದ ಸಿಬ್ಬಂದಿಗಳನ್ನು ತಾತ್ಕಾಲಿಕ ಅವಧಿಗೆ ಮಾನೆಸರಿಗೆ ಕರೆಸಿಕೊಳ್ಳುತ್ತಿದೆ. (ಕನ್ನಡ ಡ್ರೈವ್‌ಸ್ಪಾರ್ಕ್)