'ಮೇಡ್ ಇನ್ ಇಂಡಿಯಾ' ಇಕೊಸ್ಪೋರ್ಟ್ ಆಸ್ಟ್ರೇಲಿಯಾಕ್ಕೆ ರಫ್ತು

ಡ್ರೈವ್ ಸ್ಪಾರ್ಕ್ ಗ್ಯಾಲರಿ

ಅಮೆರಿಕಾ ಮೂಲದ ಫೋರ್ಡ್ ಕಂಪನಿಯ ಇಕೊಸ್ಪೋರ್ಟ್ ಆವೃತ್ತಿ 2013 ಜೂನ್ ತಿಂಗಳಲ್ಲಿ ಭಾರತಕ್ಕೆ ಪರಿಚಯವಾಗಲಿದೆ. ಆ ಬಳಿಕ 'ಮೇಡ್ ಇನ್ ಇಂಡಿಯಾ' ಇಕೊಸ್ಪೋರ್ಟ್ ಕಾರು ಡಿಸೆಂಬರ್ ತಿಂಗಳಲ್ಲಿ ಆಸ್ಟ್ರೇಲಿಯಾದಲ್ಲಿ ಪರಿಚಯವಾಗಲಿದೆ.

ಆಸ್ಟ್ರೇಲಿಯಾದಲ್ಲಿ 20 ಸಾವಿರ ಆಸ್ಟ್ರೇಲಿಯನ್ ಡಾಲರ್‌ಗಳಿಗೆ ಗ್ರಾಹಕರ ಕೈಕೆಟಗಲಿದೆ. ಇದರೊಂದಿಗೆ ಭಾರತ ಕೂಡಾ ವಿಶ್ವ ದರ್ಜೆಯ ಕಾರು ನಿರ್ಮಾಣದ ಹೆಗ್ಗಳಿಕೆಯನ್ನು ಪಡೆಯಲಿದೆ.

ಭಾರತದಂತೆ ಆಸ್ಟ್ರೇಲಿಯಾದಲ್ಲೂ ರೈಟ್ ಹ್ಯಾಂಡ್ ಡ್ರೈವಿಂಗ್ ವ್ಯವಸ್ಥೆ ಇರುವುದರಿಂದ ಇದಕ್ಕೆ ಸಮಾನವಾದ ಮಾಡೆಲ್ ಬಿಡುಗಡೆ ಮಾಡಲು ಹೆಚ್ಚು ನೆರವಾಗಲಿದೆ. ಆಸ್ಟ್ರೇಲಿಯಾದಲ್ಲಿ ಒಟ್ಟು ಎರಡು ಎಂಜಿನ್ ಆಯ್ಕೆಗಳಲ್ಲಿ ಇಕೊಸ್ಪೋರ್ಟ್ ಲಭ್ಯವಾಗಲಿದೆ. ಇದರಲ್ಲಿ 1.0 ಲೀಟರ್ ಇಕೊಬೂಸ್ಟ್ ಟರ್ಬೊ ಪೆಟ್ರೋಲ್ ಹಾಗೂ 1.5 ಲೀಟರ್ Ti-VCT, 4 ಸಿಲಿಂಡರ್ ಪೆಟ್ರೋಲ್ ಎಂಜಿನ್ ಇರಲಿದೆ.

ಹಾಗಿದ್ದರೂ 1.5 ಲೀಟರ್ ಡೀಸೆಲ್ ನಿಯಂತ್ರಿತ ಮಾದರಿ ಕಾಂಗಾರೂ ನಾಡನ್ನು ಪ್ರವೇಶಿಸುವ ಸಾಧ್ಯತೆಗಳಿಲ್ಲ. ಇನ್ನು ಭಾರತದಲ್ಲಿರುವಂತೆಯೇ ಮ್ಯಾನುವಲ್ ಹಾಗೂ ಆಟೋಮ್ಯಾಟಿಕ್ ಟ್ರಾನ್ಸ್‌ಮಿಷನ್ ಗೇರ್ ಬಾಕ್ಸ್ ಪಡೆದುಕೊಳ್ಳಲಿದೆ.