ಉಬೆರ್‌ಗೆ ಟಕ್ಕರ್; ಬರಲಿದೆ ಗೂಗಲ್‌ ಕ್ಯಾಬ್ ಸರ್ವೀಸ್?

ಉಬೆರ್ ಕ್ಯಾಬ್ ಸೇವೆಯಿಂದ ಆಗಿರುವ ಅನಾಹುತಗಳ ಬಗ್ಗೆ ನಿಮಗೆ ಗೊತ್ತೇ ಇದೆ. ಕಳಪೆ ಸೇವೆ, ನಂಬಿಕೆಗ್ರಸ್ತ ಚಾಲಕರ ಅಭಾವ ಹೀಗೆ ಹತ್ತು ಹಲವಾರು ಆರೋಪಗಳ ನಡುವೆ ರಾಷ್ಟ್ರ ರಾಜಧಾನಿಯಲ್ಲಿ ನಡೆದ ಅತ್ಯಾಚಾರ ಪ್ರಕರಣದಿಂದಾಗಿ ಅತಿ ಹೆಚ್ಚು ಆತಂಕಕ್ಕೆ ಕಾರಣವಾಗಿತ್ತು.

ಹೀಗೆ ಒಂದು ಕಾಲದಲ್ಲಿ ಉಬೆರ್ ಹೂಡಕೆದಾರನಾಗಿದ್ದ ಸರ್ಚ್ ಇಂಜಿನ್ ದೈತ್ಯ ಗೂಗಲ್ ತನ್ನದೇ ಆದ ಆಪ್ ತಳಹದಿಯ ಕ್ಯಾಬ್ ಸರ್ವೀಸ್ ಅಭಿವೃದ್ಧಿ ಮಾಡುವ ಇರಾದೆಯಲ್ಲಿದೆ.

ಆದರೆ ಈಗ ಎಲ್ಲವೂ ವ್ಯತಿರಿಕ್ತ ಬೆಳವಣಿಗೆಗಳು ನಡೆಯುತ್ತಿರುವ ಹಿನ್ನೆಲೆಯಲ್ಲಿ ಗೂಗಲ್ ಸಂಸ್ಥೆ ಉಬೆರ್ ವಿರೋಧಿ ಚಾಲನಾ ಹಂಚಿಕೆ ಸೇವೆಯನ್ನು ಆರಂಭಿಸಲಿದೆ.

ಇನ್ನೊಂದೆಡೆ ಉಬೆರ್ ಕೂಡಾ ತನ್ನದೇ ಆದ ಡ್ರೈವರ್ ಲೆಸ್ ಕಾರು ತಂತ್ರಜ್ಞಾನದ ಅಭಿವೃದ್ಧಿಯಲ್ಲಿ ತೊಡಗಿದೆ ಎಂಬ ಬಗ್ಗೆ ಮಾಹಿತಿ ದೊರಕಿದೆ.