ಭಾರತೀಯ ಚಾಲಕರಿಗೆ ಕಾರಲ್ಲಿ ಜಿಪಿಎಸ್ ಬಳಕೆ ಮಾಡಲು ಗೊತ್ತಿಲ್ಲವಂತೆ!

ಈ ನೂತನ ಕಾರು ಸಂಶೋಧನೆಯನ್ನು ಏಷಿಯಾ ಫೆಸಿಫಿಕ್ ಪ್ರದೇಶದಲ್ಲಿ ಹಮ್ಮಿಕೊಳ್ಳಲಾಗಿತ್ತು. ಅಲ್ಲದೆ ಭಾರತದಿಂದ 1,020ರಷ್ಟು ಚಾಲಕರು ಮತ್ತು 9,500 ಮಂದಿ ಪ್ರತಿಕ್ರಿಯಿಸಿದ್ದರು.

ಭಾರತದಲ್ಲಿ ಚಾಲನೆ ಆರಂಭಕ್ಕೂ ಮುನ್ನ ಜಿಪಿಎಸ್ ಬಳಕೆಯ ವಿಧಾನವು ನಾಲ್ವರಲ್ಲಿ ಓರ್ವ ಚಾಲಕನಿಗೆ ಮಾತ್ರ ಸರಿಯಾಗಿ ಮನದಟ್ಟಾಗಿದೆ.

ಅಷ್ಟೇ ಯಾಕೆ 10ರಲ್ಲಿ ನಾಲ್ಕು ಮಂದಿ ಚಾಲಕರಿಗೆ ಒರಟಾದ ವೇಗವರ್ಧನೆ ಮತ್ತು ಋಣಾತ್ಮಕ ಬ್ರೇಕಿಂಗ್ ಇಂಧನ ದಕ್ಷತೆಯ ಮೇಲೆ ಪರಿಣಾಮ ಬೀರಲಿದೆ ಎಂಬುದರ ಬಗ್ಗೆ ಅರಿವೇ ಇಲ್ಲ.

ಇನ್ನು ಆಸಕ್ತಿದಾಯಕ ಅಂಶವೆಂದರೆ ನಾಲ್ವರಲ್ಲಿ ಓರ್ವ ಚಾಲಕ ಕಾರಿನ ಎಂಜಿನ್ ಐಡ್ಲಿಂಗ್ ನಲ್ಲಿಟ್ಟುಕೊಳ್ಳುವುದರ ಮೂಲಕ ಇಂಧನ ಉಳಿತಾಯವಾಗಲಿದೆ ಎಂಬುದನ್ನು ನಂಬಿಕೊಂಡಿದ್ದಾರೆ.

ಫೋರ್ಡ್ ಮೋಟಾರು ಸಂಸ್ಥೆ ನಡೆಸಿರುವ ಅಧ್ಯಯನದಲ್ಲಿ ಶೇಕಡಾ 95ರಷ್ಟು ಭಾರತೀಯ ಚಾಲಕರು ಗರಿಷ್ಠ ಕಾರ್ಯ ದಕ್ಷತೆಯೊಂದಿಗೆ ತಮ್ಮ ಕಾರುಗಳನ್ನು ಚಾಲನೆ ಮಾಡಲು ಕರಗತ ಮಾಡಿಕೊಂಡಿದ್ದಾರೆ.

ಹಾಗೆಯೇ ಶೇಕಡಾ 96ರಷ್ಟು ಮಂದಿ ಕಾರ್ಯ ದಕ್ಷತೆಯೊಂದಿಗೆ ಚಾಲನೆ ಮಾಡುವ ಪ್ರಯತ್ನವನ್ನು ಮಾಡುತ್ತಿದ್ದಾರೆ ಎಂಬುದನ್ನು ವಿವರಿಸಿದೆ.