ಟೆಸ್ಲಾ ಮಾಡೆಲ್ 3 ವಿದ್ಯುತ್ ಚಾಲಿತ ಕಾರು ಬಿಡುಗಡೆ

ಇಲ್ಲಿ ಗಮನಾರ್ಹ ಸಂಗತಿಯೆಂದರೆ 2017 ಸಾಲಿನಲ್ಲಷ್ಟೇ ಟೆಸ್ಲಾ ಮಾಡೆಲ್ ಎಸ್ 3 ವಿತರಣೆ ಪ್ರಕ್ರಿಯೆ ನಡೆಯಲಿದೆ. ಈ ನಡುವೆ ಪರಿಸರ ಸ್ನೇಹಿ ಕಾರಿಗೆ ಇಷ್ಟೊಂದು ದೊಡ್ಡ ಸಂಖ್ಯೆಯ ಬುಕ್ಕಿಂಗ್ ಗಿಟ್ಟಿಸಿಕೊಂಡಿರುವುದು ಪ್ರಶಂಸೆಗೆ ಪಾತ್ರವಾಗಿದೆ.

ಟೆಸ್ಲಾ ಮಾಡೆಲ್ ಎಸ್ ಕೇವಲ ಆರು ಸೆಕೆಂಡುಗಳಲ್ಲೇ ಗಂಟೆಗೆ 0-100 ಕೀ.ಮೀ. ವೇಗವರ್ಧಿಸುವ ಸಾಮರ್ಥ್ಯ ಹೊಂದಿರುತ್ತದೆ. ಇದು ಕೂಡಾ ಎಲೆಕ್ಟ್ರಿಕ್ ಮೋಟಾರು ಹೊಂದಿರುವ ಕಾರಿನ ಗಮನಾರ್ಹ ಸಾಧನೆಯಾಗಿದೆ.

ತವರೂರಾದ ಅಮೆರಿಕದಲ್ಲಿ ಟೆಸ್ಲಾ ಮಾಡೆಲ್ ಎಸ್ 35000 ಅಮೆರಿಕನ್ ಡಾಲರ್ ಗಳಷ್ಟು ದುಬಾರಿಯೆನಿಸಲಿದೆ. ಇದನ್ನು ಭಾರತೀಯ ರುಪಾಯಿಗೆ ಪರಿವರ್ತಿಸಿದಾಗ ಸರಿ ಸುಮಾರು 23 ಲಕ್ಷ ರು.ಗಳಷ್ಟು ಬೆಲೆ ಬಾಳುತ್ತದೆ.

ಟೆಸ್ಲಾ ಮಾಡೆಲ್ ಎಸ್ ಕಾರಿನಲ್ಲಿರುವ ಲಿಥಿಯಂ ಇಯಾನ್ ಬ್ಯಾಟರಿಗಳನ್ನು ಅಮೆರಿಕದ ನೆವೆಡಾದಲ್ಲಿ ಸ್ಥಿತಗೊಂಡಿರುವ ಬೃಹತ್ತಾದ ಗಿಗಾ ಫ್ಯಾಕ್ಟರಿ 1ರಲ್ಲಿ ನಿರ್ಮಾಣ ಮಾಡಲಾಗುವುದು.

ವಿನ್ಯಾಸದ ಬಗ್ಗೆ ಮಾತನಾಡುವುದಾದಲ್ಲಿ ಮಾಡೆಲ್ ಎಸ್ ಸೆಡಾನ್ ಮತ್ತು ಮಾಡೆಲ್ ಎಕ್ಸ್ ಕ್ರೀಡಾ ಬಳಕೆಯ ವಾಹನದ ಸಂಯೋಜನೆಯನ್ನು ನೂತನ ಮಾಡೆಲ್ 3 ಕಾರಿನಲ್ಲಿ ಕಾಣಬಹುದಾಗಿದೆ.

ಕಾರಿನೊಳಗೆ ದೊಡ್ಡದಾದ ಸಮತಲವಾದ ಟೆಲಿಮ್ಯಾಟಿಕ್ಸ್ ಟಚ್ ಸ್ಕ್ರೀನ್ ಕಾಣಬಹುದಾಗಿದೆ. ಇನ್ನು ಪ್ಯಾನರಾಮಿಕ್ ರೂಫ್ ಪ್ರಮುಖ ಆಕರ್ಷಣೆಯಾಗಲಿದೆ.

ಮುಂದಿನ ದಿನಗಳಲ್ಲಿ ಜನರಲ್ ಮೋಟಾರ್ಸ್, ಫೋಕ್ಸ್ ವ್ಯಾಗನ್ ಮತ್ತು ಆಡಿ ಸಹ ಸುಸ್ಥಿರ ಪರಿಸರಕ್ಕಾಗಿ ಎಲೆಕ್ಟ್ರಿಕ್ ಕಾರುಗಳನ್ನು ಬಿಡುಗಡೆಯ ಮಾಡುವ ಯೋಜನೆಯಲ್ಲಿದೆ. ಇವೆಲ್ಲವೂ ನಿಕಟ ಪೈಪೋಟಿಗೆ ವೇದಿಕೆಯೊದಗಿಸಲಿದೆ.