ಇನ್ಮುಂದೆ ಕಾರು ಕೀ ಬದಲು ಬರಲಿದೆ ಸ್ಮಾರ್ಟ್‌ಫೋನ್ ಅಪ್ಲಿಕೇಶನ್ : ಬಿಎಂಡಬ್ಲ್ಯೂ

ಇತ್ತೀಚಿನ ದಿನಗಳಲ್ಲಿ ಪ್ರತಿಯೊಬ್ಬ ಮನುಷ್ಯನ ಕೈಯಲ್ಲಿ ಸ್ಮಾರ್ಟ್ ಫೋನ್ ಇರುವಿಕೆಯನ್ನು ಸದುಪಯೋಗಪಡಿಸಿಕೊಳ್ಳುವ ಉದ್ದೇಶದಿಂದ ಈ ಸ್ಮಾರ್ಟ್ ಅಪ್ಲಿಕೇಶನ್ ಕೀ ಅಭಿವೃದ್ಧಿಪಡಿಸುವ ಯೋಜನೆಗೆ ಕೈಹಾಕಿರುವುದಾಗಿ ಕಂಪನಿಯು ಹೇಳಿಕೊಂಡಿದ್ದು, ಮುಂಬರುವ ದಿನಗಳಲ್ಲಿ ಈ ಅಪ್ಲಿಕೇಶನ್ ಇರುವಿಕೆಯನ್ನು ಕಂಪನಿ ದೃಢಪಡಿಸಲಿದೆ.

"ಪ್ರಾಮಾಣಿಕವಾಗಿ ತಿಳಿಸಿ, ಎಷ್ಟು ಜನರಿಗೆ ನಿಜವಾಗಿಯೂ ಕೀಲಿಕೈ ಬೇಕು ?" ಎಂಬ ಪ್ರೆಶ್ನೆಯನ್ನು ರಾಬರ್ಟ್ಸನ್ 2017ರ ಫ್ರಾಂಕ್ ಫ಼ರ್ಟ್ ಕಾರು ಶೋನ ಸಂದರ್ಶನವೊಂದರಲ್ಲಿ ಕೇಳಿದ್ದನ್ನು ನಾವು ಸ್ಮರಿಸಬಹುದಾಗಿದೆ.

ಮಾತನ್ನು ಮುಂದುವರೆಸಿ, "ಚಾಲಕ ತನ್ನ ಪಾಕೆಟ್‌ನಿಂದ ಕೀಲಿಕೈ ಎಂದಿಗೂ ತೆಗೆಯುವುದಿಲ್ಲ, ಅಂದ ಮೇಲೆ ಅದನ್ನು ಹೊತ್ತುಕೊಂಡು ತಿರುಗಾಡುವ ತೊಂದರೆ ಏಕೆ?" ಎಂದು ಪ್ರೆಶ್ನಿಸಿದ್ದಾರೆ.

ಕಾರು ಪ್ರಾರಂಭಿಸಲು ಇಗ್ನಿಷನ್‌ನಲ್ಲಿ ಗ್ರಾಹಕರು ಇನ್ನು ಮುಂದೆ ಕೀಲಿಕೈ ಇಡುವ ಅಗತ್ಯತೆ ಇಲ್ಲ ಎಂಬ ಮಾತನ್ನು ಸ್ಪಷ್ಟವಾಗಿ ತಿಳಿಸುವ ಮೂಲಕ ಸಾಂಪ್ರದಾಯಿಕ ಸಂಸ್ಕೃತಿಯನ್ನು ಬದಲಾವಣೆ ಮಾಡುವ ಬಗ್ಗೆ ಸೂಚನೆ ನೀಡಿದ್ದಾರೆ.

ಟೆಸ್ಲಾದಂತಹ ಪ್ರಖ್ಯಾತ ಕಾರು ತಯಾರಕ ಸಂಸ್ಥೆಗಳು ಸಾಂಪ್ರದಾಯಿಕ ಕಾರು ಕೀಲಿಗಳಿಂದ ದೂರವಾಗುತ್ತಿದ್ದು, ಟೆಸ್ಲಾ ತನ್ನ ಹೊಸ 3ನೇ ಮಾದರಿಯಲ್ಲಿ ಈ ರೀತಿಯ ಹೊಸ ಪ್ರಯತ್ನ ಮಾಡಿ ಯಶಸ್ವಿಯಾಗಿರುವುದನ್ನು ನಾವು ನೋಡಬಹುದಾಗಿದೆ. ಮುಂಬರುವ ದಿನಗಳಲ್ಲಿ ನಾವು ಕೊಳ್ಳುವ ಕಾರು ಸ್ಮಾರ್ಟ್ ಫೋನ್ ಮೂಲಕ ನಿಯಂತ್ರಣ ಮಾಡುವ ಕಾಲ ದೂರವಿಲ್ಲ ಎನ್ನಬಹುದು.