ಇನ್ಮೇಲೆ 'ಷೆವರ್ಲೆ' ಕಾರುಗಳ ಖರೀದಿ ಮಾಡಲು ಸಾಧ್ಯವಿಲ್ಲ ಯಾಕೆ ಗೊತ್ತಾ ?

ಭಾರತದಲ್ಲಿ ಕಾರುಗಳನ್ನು ಮಾರಾಟ ಮಾಡುವುದನ್ನು ನಿಲ್ಲಿಸಿರುವುದಾಗಿ ಜನರಲ್ ಮೋಟಾರ್ಸ್ ಘೋಷಣೆ ಮಾಡಿದೆ.

By Girish

Published: Thursday, May 18, 2017, 18:58 [IST]

ಅಮೆರಿಕದ ಆಟೋಮೊಬೈಲ್ ದೈತ್ಯ ಜನರಲ್ ಮೋಟಾರ್ಸ್ ಸಂಸ್ಥೆಯು ಇನ್ಮುಂದೆ ಭಾರತದಲ್ಲಿ ಕಾರುಗಳನ್ನು ಮಾರಾಟ ಮಾಡದೆ ಇರುವ ನಿರ್ಧಾರ ತೆಗೆದುಕೊಂಡಿದ್ದು, ಬದಲಿಗೆ ಭಾರತ ರಾಷ್ಟ್ರವನ್ನು ರಫ್ತು ಕೇಂದ್ರವನ್ನಾಗಿ ಬಳಸಿಕೊಳ್ಳುಲಿದೆ.

ಇನ್ಮೇಲೆ 'ಷೆವರ್ಲೆ' ಕಾರುಗಳ ಖರೀದಿ ಮಾಡಲು ಸಾಧ್ಯವಿಲ್ಲ ಯಾಕೆ ಗೊತ್ತಾ ?

ಸ್ಪರ್ಧಾತ್ಮಕ ಮಾರುಕಟ್ಟೆಗಳಲ್ಲಿ ವಿಶ್ವದಲ್ಲಿಯೇ ಮೊದಲ ಸ್ಥಾನದಲ್ಲಿರುವ ಭಾರತದಲ್ಲಿ ಪ್ರಸ್ತುತ ಪ್ರಯಾಣಿಕ ವಾಹನಗಳ ವಿಭಾಗದಲ್ಲಿ ಶೇಕಡಾ ಒಂದಕ್ಕಿಂತ ಕಡಿಮೆ ಪಾಲನ್ನು ಜನರಲ್ ಮೋಟರ್ಸ್ ಹೊಂದಿದ್ದು, ಕಳೆದ ಎರಡು ದಶಕಗಳಿಂದ ಭಾರತದಲ್ಲಿ ತನ್ನ ಅಸ್ತಿತ್ವ ಸ್ಥಾಪಿಸಲು ಪ್ರಯತ್ನ ಮಾಡಿತ್ತು.

ಜನರಲ್ ಮೋಟಾರ್ಸ್ ಕಂಪನಿಯು ತನ್ನ 'ಷೆವರ್ಲೆ' ಬ್ರಾಂಡಿನ ಕಾರುಗಳನ್ನು ದೇಶದಲ್ಲಿ ಮಾರಾಟ ಮಾಡುವುದಿಲ್ಲ ಎಂದು ಪ್ರಕಟಣೆ ನೀಡಿದ್ದು, ಆದರೆ ತಾನು ಸಂಪೂರ್ಣವಾಗಿ ಭಾರತವನ್ನು ತೊರೆಯುವುದಿಲ್ಲ ಎಂದಿದೆ.

ಹೌದು, ಜನರಲ್ ಮೋಟಾರ್ಸ್ ಸಂಪೂರ್ಣವಾಗಿ ಭಾರತದಿಂದ ನಿರ್ಗಮಿಸದೆ ಇರಲು ನಿರ್ಧರಿಸಿದ್ದು, ಭಾರತವನ್ನು ತನ್ನ ರಫ್ತು ಕೇಂದ್ರವನ್ನಾಗಿ ಬಳಸಲು ಯೋಜಿಸಿದೆ.

ಭಾರತದಲ್ಲಿ ಎರಡು ಉತ್ಪಾದನಾ ಘಟಕಗಳನ್ನು ಹೊಂದಿರುವ ಜನರಲ್ ಮೋಟಾರ್ಸ್ ಸಂಸ್ಥೆ, ಬೆಂಗಳೂರಿನಲ್ಲಿರುವ ತನ್ನ ತಂತ್ರಜ್ಞಾನ ಕೇಂದ್ರವನ್ನು ಹಾಗೆಯೇ ಮುಂದುವರೆಸಲು ನಿರ್ಧರಿಸಿದೆ.

ಜನರಲ್ ಮೋಟಾರ್ಸ್ ಸಂಸ್ಥೆ ಗುಜರಾತ್ ಮತ್ತು ಮಹಾರಾಷ್ಟ್ರದಲ್ಲಿ ತನ್ನ ಉತ್ಪಾದನಾ ಕೇಂದ್ರಗಳನ್ನು ಹೊಂದಿದ್ದು, ಗುಜರಾತ್ ಘಟಕವನ್ನು ಮಾರಾಟ ಮಾಡಲಿದ್ದು, ಮಹಾರಾಷ್ಟ್ರ ಘಟಕವನ್ನು ರಫ್ತು ಕೇಂದ್ರವನ್ನಾಗಿ ಬಳಸಲಿದೆ.

ಪ್ರಧಾನಿ ಮೋದಿಯವರ 'ಮೇಕ್ ಇನ್ ಇಂಡಿಯಾ' ಕಾರ್ಯಕ್ರಮಕ್ಕೆ ಸಕಾರಾತ್ಮಕವಾಗಿ ಸ್ಪಂದಿಸಿರುವ ಜನರಲ್ ಮೋಟರ್ಸ್ ರಫ್ತು ಕೇಂದ್ರದ ನಿರ್ಧಾರ ಕೈಗೊಂಡಿದೆ.

"ಭಾರತವು ನೀಡುತ್ತಿರುವ ಪ್ರಯೋಜನಗಳನ್ನು ನಾವು ಬಳಸಿಕೊಳ್ಳಲು ಮುಂದಾಗಿದ್ದು, ಅತ್ಯುತ್ತಮವಾದ ಪೂರೈಕೆಯ ತಳಹದಿಯನ್ನು ಹೊಂದಿರಲು ನಿರ್ಧರಿಸಲಾಗಿದೆ" ಎಂದು ಸ್ಟೀವನ್ ಜಾಕೋಬೈ ತಿಳಿಸಿದ್ದಾರೆ.